اخر سؤال عن الجين2 (لملاك السياره او خبراء لانه موضوع هام)

**nanas** · 07-09-2008 03:39 AM

اولا انا حجزت جين2 2009 مانيوال بألف جنيه فى توكيل عز العرب فى الاسكندريه بعد مده طويله من التفكير و الاختيار و البركه فيكم لانكم بصراحه مبخلتوش بأى معلومه

المهم ندخل على السؤال اللى لسه سمعه النهارده طبعا احنا عارفين الشباب بيحب يعمل كل جديد فى العربيه وانا كنت ناوى بعد صيانه الالف أركب نور زينون و كاسيت دى فى دى و شاشات دى فى دى و بزوكه و سماعتين 400 وات طبعا كل ده سونى
المهم بتكلم مع واحد صديق والده عنده معرض سيارات على اللى ناوى اعمله رد على اولا: ان بطاريه الجين2 متستحملش النور الزينون
ثانيا: الكاسيت بتعها مينفعش يتغير و اللى موجود مش دي فى دى
يعنى معنى كده ان مينفعش عليها اى زياده او تظبيط وانا عارف انها تمام كده بس ممكن الواحد بعد كام شهر حب يظبطها مينفعش
المهم هل كلام صديقى صحيح ولا ليها حل؟

**Powert** · 07-09-2008 11:36 AM

البطارية اللي بتيجي مع العربية 44 امبير

الكاسيت فعلاً ماينفعش يتغير لانك لو غيرته شكله مش هيبقى ماشي مع دبلوه

**Zimo** · 07-09-2008 08:28 PM

بكام ال 2009 مانوال وإيه الفرق بينها وبين 2008

**nanas** · 07-09-2008 08:44 PM

انا لما رحت التوكيل فى الاسكندريه قال لى الجين2 2009 هتنزل فى شهر 12 وممكن تحجز والحجز بالف جنيه و بتحدد 3 الوان للسياره وممكن تاخد الالف جنيه لو رجعت فى القرار
الجين2 2009 سعرها لسه مش محدد بس اغلى 2000 او 3000 جنيه والفرق بينها وبين الجين2 2008 الفرش جديد ومختلف تماما وبعض الاشياء البسيطه

**nanas** · 07-09-2008 08:46 PM

المشاركة الأصلية كتبت بواسطة Powert

البطارية اللي بتيجي مع العربية 44 امبير

الكاسيت فعلاً ماينفعش يتغير لانك لو غيرته شكله مش هيبقى ماشي مع دبلوه

البطاريه تتحمل الزينون والسمعات ولا لأ طيب بعيد عن شكل التبلوه ينفع اغير الكاسيت

**mazagnge** · 07-09-2008 11:35 PM

المشاركة الأصلية كتبت بواسطة nanas

البطاريه تتحمل الزينون والسمعات ولا لأ طيب بعيد عن شكل التبلوه ينفع اغير الكاسيت

يا حبيبي هات اى صورة لتابلوة الجين 2 ، هتلاقي السي دي ( مش الكاسيت ) مُدمج في التابلوة بلت ان ، و بالتالي ما ينفعش تغيرة أو حتي تشيلة ، و هو اصلا ً تحفة و ماركة محترمة و محدش اشتكي منة ، لكن عموما ً انت ممكن تلغية و تركب اللي انت عايزة في الجزء الجنبي ، تاخد وصلة و تسحبها الي الجزء الجانبي بتاع التكيف و تركب اللي انت عايزة بكلبسات و مسامير ، بس شكلة هيبقي مش حلو

، و علي فكرة الكلام اللي انت بتقولة دة قبل ما تعملة اسأل بتوع الصيانة في التوكيل عشان ممكن يتلككوا و يشيلوك من ضمان صيانة الكهرباء بتاع العربية

**nanas** · 08-09-2008 03:58 AM

المشاركة الأصلية كتبت بواسطة mazagnge

يا حبيبي هات اى صورة لتابلوة الجين 2 ، هتلاقي السي دي ( مش الكاسيت ) مُدمج في التابلوة بلت ان ، و بالتالي ما ينفعش تغيرة أو حتي تشيلة ، و هو اصلا ً تحفة و ماركة محترمة و محدش اشتكي منة ، لكن عموما ً انت ممكن تلغية و تركب اللي انت عايزة في الجزء الجنبي ، تاخد وصلة و تسحبها الي الجزء الجانبي بتاع التكيف و تركب اللي انت عايزة بكلبسات و مسامير ، بس شكلة هيبقي مش حلو

، و علي فكرة الكلام اللي انت بتقولة دة قبل ما تعملة اسأل بتوع الصيانة في التوكيل عشان ممكن يتلككوا و يشيلوك من ضمان صيانة الكهرباء بتاع العربية

شكرا يا استاذ مزاجنجى طيب بعيد عن الكاسيت لو حبيت اركب زينون و سماعات سونى وبزوكا سونى ممكن البطاريه تتحمل وطبعا كل ده هيبقى فى التوكيل

**MaGiC** · 08-09-2008 04:16 AM

انا مركب عندي صب JBL 1100 وسمعتين بس مش مركب زينون والبطريه عادي معايه بس متشغلش العده والعربيه مش دايره

وممكن تركب كاسيت زي ده وتفصلو وش هيكلفك تقريبا 200 جنيه تفصيل الوش

وشفت واحد عملها في اسكندريه ومفصل وش وقلي ب 200 جنيه وشكلو حلو بس هو الكاسيت بتعها الصراحه مش محتاج تغير وصوتو فوق الممتاز
:smile:

**Victor Alex** · 08-09-2008 05:27 AM

ياباشا انا اعرف ان الزينون بيسحب كهربا اقل بكتير من اللمبات الهالوجين العاديه ممكن توصل لنص الاستهلاك وبالتالي الزينون مش هيعمل اي مشكله إن شاء الله
بالنسبه للكاسيت انا شوفت قبل كده في اسكندريه عند سعيد نصار اللي في عزبة سعد كاسيت سوني نفس شكل اللي في الجين 2 بس بصراحه مسالتش هل ينفع ليها ولا لا علي اساس ابعاده وكده يكون زي بتاع الجين 2 بالظبط
بس معتقدش انك هتحتاج تغير الكاسيت لان بشهاده ناس كتير جدا قالو ان الكاسيت بتاعها تحفه ومش محتاج تعديل فممكن التعديل يبقا في البازوكا و السماعات وده افضل انك تسال في التوكيل هل هتستحمله البطاريه ولا لا