افيدونى محتاج تليفون وعنوان الشيخ طارق او اى مركز بى ام محترم

**eng hussein** · 08-09-2013 05:09 AM

حبايبى اهلا بيكم اخيرا حققت حلمى وركبت البى ام بعد ما اخدت رايكم هنا طبعا
لكن محتاج اعمل صيانه واراجع العربيه ومش عاوز اروح التوكيل وسمعت عن الشيخ طارق
وبما انى بقيت اثق فى رايكم فتنصحونى اروح فين
هى بى ام 320 موديل 2011
لو الشيخ طارق عاوز رقمه وعنوانه ونظامه حجز ولا اتصل الاول ولا ايه
ولو فيه حد افضل منه ياريت تفيدونى

**ahmedgogo** · 08-09-2013 04:52 PM

نصيحتي ليك بجد حرام ان بي ام موديل 2011 مايتعملهاش صيانه في التوكيل فكر في الكلام وبردوه انت سيد قرارك وشوف راي البيمرز هنا ايه؟

**eng hussein** · 09-09-2013 03:32 AM

عندك حق يا احمد وكلامك صحيح
انا قولت لكده من اللى سمعته ان طارق وبعض المراكز مش فارقه عن التوكيل حاجه وبيعملو نفس الشغل
بس طبعا بفرق سعر كبيييييييير والمشكله التانيه انى سمعت انى لازم احجز فى التوكيل قبلها باسبوعين مثلا
ويمكن اللى سمعته غلط وعشان كده باخد رايكم

**monamize4** · 09-09-2013 03:42 AM

الف مبروك يا باشا و عبقال ال 740i

**eng hussein** · 10-09-2013 06:11 AM

اهلا بسام
ال 200 الف تجيبلك عربيه 316 موديل 2011 كمان
وعلى فكره 2010 هو نفس شكل 2011 كشكل خارجى انما الاوبشن جوه بيختلف
ال 2011 نازله كامله كل شىء سينسور بارك ومرايات ضم وضوء فى المقابض وشكل التاره الجديد اللى فيها فضى من تحت
دى الاختلافات بين 2010 و 2011 انما الشكل الخارجى هو واحد فيس ليفت
الفيس ليفت هو شكل بدء من اخر 2009 وهو شكل الكبوت المضلع والفانوس الخلفى اختلف شويه
يعنى لو هتجيب 2010 او 2011 هتكون فيس ليفت

بخصوص نقطه ترخيص ال 318 و 320 مش كتير ولا حاجه انا سجلت ونقلت ملكيه ودفعت 1600 جنيه
الترخيص بتاعها لسه مرخصتش بس عرفت ان ضريبتها 800 جنيه ولو كانت 2010 كانت هتبقى ضريبه اقل

عموما حبيبى ربنا يوفقك للصالح ويعينك على فتره الحيره اللى انت فيها لانى جربت
بس بعد ماهتركب البى ام هتنسى كل التعب ده صدقنى :)

**eng hussein** · 10-09-2013 06:34 AM

اما موضوع تكشف عليها فين .. طبعا فى التوكيل على طول هتدفع فى حدود 1000 جنيه بس هيديك تقرير تفصيلى بكل مسمار فى العربيه
ولو اى حاجه اتغيرت فيها هتعرفها ولو فيها اى مشكله هتعرفها لان التقرير ده بيكون على مسئوليه التوكيل

ولو مش عاوز تدفع المبلغ ده هناك ففيه مراكز مشهوره متخصصه فى البى ام ممكن تكشف عليها هناك لكن حقيقى مش عارف اسمها غير الشيخ طارق بس مش عارف عنوانه انا لسه بسئل عنه