سير الكاتينه اتقطع - برسونا 2009
صباح الخير على اعضاء المنتدى الكرام
امبارح وانا سايق العربيه على الطريق الدائرى مره واحده لقين العربيه مش بتسحب واتخنقت فجاه فربنا الهمنى انى اركن على جنب وانزل اشوف فيه ايه وطبعا اول حاجه بصيت عليها سير الكاتينه لقيته مقطوع
المشكله انى ليسه مغيره من سنه تقريباً وما عملتش 10000 كيلو على بعض وكنت شاريه على انه الاصلى " منهم لله تجار قطع الغيار"
المهم اضطريت انى اجيب عربيه انقاذ واحمل عربيتى عليها لغايه البيت ولطش 100 جنيه
السؤال بقه ممكن تكون البليه عى السبب فى قطع سير الكاتينه انا ما غيرتهاش خالص ولا ده نتيجه ان نوع سير الكاتينه السئ
ارجو الافاده سريعاً يا شباب وياريت تقولولى حد محترم اشترى منه السير وانا مطمن شويه وايه افضل الماركات البوش ولا الكونتيننتال
وشكراً جزيلاً