لانسر بومة 2014

**Totoboy** · 08-09-2013 03:30 PM

سلام عليكم جميعا
يارب الناس كلها تكون بخير دايما

دا اول موضوع ليا فى المنتدى الصراحة وانا مش من هواة المنتديات اوى يعنى بس الصراحة لقيت فى تفاعل كبير بين الناس هنا :)

المهم

انا ان شاء الله نويت اشترى لانسر بومة 2014 بس المشكلة انى لقيتها لون فيرانى- ده اللى انا عايزه ان شا ءالله - بس الفرش بيج مش رمادى.... وانا عايز فرش رمادى غامق يعنى

المهم رحت معرض وقالى ان شا ءالله يجبها بس لازم احجز العربية ودقعت 1000 جنيه حجز
الفكرة بقى هل الموديل اللى بينزل بيكون اللون والفرش ثابين ولا ممكن تنزل لون والفرش جوه يكون غامق او بيج عادى يعنى ؟؟

دا سؤال ... الحاجة التانية هل ممكن اطلب فرش غامق -رمادى يعنى- من التوكيل لو العربية بتنزل فرش بيج بس ؟؟

الحاجة التالتة ...انا عارف انى طولت عليكم .... ايه نصايحكم لواحد اول مرة يركب عربية اتوماتيك زيرو؟؟

واسف على الاطالة :)

**kazamodia** · 08-09-2013 03:53 PM

اولا هو في بومة 2014 ؟
ثانيا انا رأيي الفيراني احلى لون فيها
ثالثا البومة بتنزل بفرش واحد لكل الموديلات مش عارف ايه حكاية انه يجيبلك لون فرش معين ليها .. انت ممكن تجيب الفرش العادي بتاعها وبعدين تفرشها جلد بقا اللون اللي انت عايزه

**Totoboy** · 08-09-2013 04:11 PM

اولا شكرا على الرد يا باشا

ثانيا اه هى نزلت فعلا بومة 2014
ثالثا بقى ... انا كمان طالب لون فرانى
بس الفكرة ان اللى شفتها بعينى كان فرشها بيج ووانا عايز فرش رمادى غامق ... هل ممكن الاقى بقى عربية ناولة بفرش رمادى غامق .... بعنى الفرش الاصلى بتاعها مش اللى ممكن اعملها عند السروجى ... ده مممكن يبقى اى فرش انا عايزة

بس كده كده هيفضل لون التابلوه والابواب بالفرش الاصلى ..
وشكرا مرة تانية

**M I D O** · 08-09-2013 04:16 PM

هية مش البومة هيتوقف انتاجها السنة دي ؟؟؟ و الفرش بينزل لون واحد لكل الوان العربية

**HaNo_ELBeh** · 08-09-2013 04:21 PM

اسال فى دايموند ابورواش وهو هيقولك اذا كانت العربيه فى منها موديل 2014
ده رقم متسوبيشى 16606
وخد منهم ارقام خدمه العملاء لدايموند واسال العربيه لسه يتنزل
على فكره فى عربيات فى دايموند انا لسه شايفها بس هتبقى موديل 2013 علشان هيتوقف انتاجها
بس اسال برده
تحياتى

**manfromegy** · 08-09-2013 10:01 PM

أعتقد دي اللي الرواس بينزلها.أنا كنت كلمت الرواس لواحد صاحبي أسأله علي البومة اللي الرواس بيبيعها فموظف المعرض قالي أه البومة ال 2014 موجودة بس اول فئه فياريت تتأكد لانها ضمان الرواس مش دايموند و 60 الف كيلو بس مش 100 و مدة الضمان سنتين مش 3 إتاكد من المعرض لان اللي الرواس بينزلها اول فئه اللي من غير جنوط

**Totoboy** · 09-09-2013 10:09 AM

لا ما انا كلمت دايموند ومتاكد ان شا ءالله انها من عندهم ..
بس يمكن المشكلة فى حتة اللون دى انا طالب لون فيرانى فرش غامق .. واللى انا شفتها كانت فرش فاتح
والمندوب فى المعرض قالى هيجبلى الفرش الغامق وحجزت على الكلام ده ... بس خايف بقى لحسن ما يعرفش يجيبها او يجيب فرش فاتح....

وشكرا على الرد يا باشا

**Dragon78** · 09-09-2013 11:05 AM

اللي أنا أعرفه ان لون الفرش الداخلي بيبقى ماشي مع لون العربيه الخارجي

أنا عريبتي بومه 2013 فيراني والفرش الداخلي رمادي غامق

العربيات اللي بتنزل بفرش بيج غالبا بتكون من بره لونها غامق أوي يعني زي الاسود والنبيتي

انما ماشوفتش قبل كده بومه فيراني ولون الفرش بيج .. ع العموم اتأكد من التوكيل في حاجه زي كده وبالتوفيق في الاستلام ان شاء الله ومبروك مقدما

**Totoboy** · 09-09-2013 11:13 AM

تمام يا باشا
كلامك مضبوط 100 %
العربية الفيرانى فرشها يكون رمادى غامق

بس اللى شفتها بقى للاسف كانت فرشها بيج ... ليه مش عارف ؟؟ :(

ربنا يسهل بقى ويكون المندوب اللى فى المعرض اللى حجزت فيه يكون متاكد انه هيجيبها فرش غامق زى الطبيعى يعنى

وشكرا على الرد يا باشا
معلش بقى بما انك بومة 2013 ايه رايك فى العربية ؟؟ البنزين ؟؟ السحب ؟؟اعطال لقدر الله ؟؟ مع العلم انى حجزتها خلاص :) بس باطمن