رجة شديدة في العربية مع الفرامل

**NOMAD** · 08-09-2013 03:37 PM

السلام عليكم
ازيكم يا رجالة
من العنوان طبعا المشكلة باينة
اكون ماشي بسرعة من 80 و طالع وداخل بقى على ملف أو إشارة وأهدي ألاقي رجة جامدة في الدركسيون والبدالات أما أدوس فرامل
انا عارف ان دي مشكلة طنابير
بس انا قبل كده لما كنت بغير التيل و جايب تيل اصلي من عزيز سليمان. فقلت اخرط الطنابير و فعلا خرطتها و من ساعتها و الفيلم ده حصل.
السؤال بقى
ايه الاحتمالات التانية اللي بردو ممكن تسبب نفس المشكله.يعني مثلا الميزان او مسامير المساعدين.يعني بشكل عام كده
قبل حوار الخرط و كده مكناش فيه اي حاجة يعني بس انا بسال بشكل عام عن الاحتمالات التانية
وحلها ايه بقى.اخرطها تاني بنضافة بقى ولا اجيب طنابير جديدة و خلاص و اركبها على التيل القديم
وشكرا ليكم جميعا

**Mecha** · 08-09-2013 03:53 PM

You machines the front or rear???
anyway
The front ones reason of your problem
and have to be in good condition

**verna2008auto** · 08-09-2013 04:06 PM

المشاركة الأصلية كتبت بواسطة nomad

السلام عليكم
ازيكم يا رجالة
من العنوان طبعا المشكلة باينة
اكون ماشي بسرعة من 80 و طالع وداخل بقى على ملف أو إشارة وأهدي ألاقي رجة جامدة في الدركسيون والبدالات أما أدوس فرامل
انا عارف ان دي مشكلة طنابير
بس انا قبل كده لما كنت بغير التيل و جايب تيل اصلي من عزيز سليمان. فقلت اخرط الطنابير و فعلا خرطتها و من ساعتها و الفيلم ده حصل.
السؤال بقى
ايه الاحتمالات التانية اللي بردو ممكن تسبب نفس المشكله.يعني مثلا الميزان او مسامير المساعدين.يعني بشكل عام كده
قبل حوار الخرط و كده مكناش فيه اي حاجة يعني بس انا بسال بشكل عام عن الاحتمالات التانية
وحلها ايه بقى.اخرطها تاني بنضافة بقى ولا اجيب طنابير جديدة و خلاص و اركبها على التيل القديم
وشكرا ليكم جميعا

لا ممكن تخرط الطنابير مرتين بس .. وممكن تساوي التيل لو موجود عند نفس الخراط وتشغله تاني
عن تجربه شخصيه

**mohammedabdallh** · 08-09-2013 04:08 PM

غير يا باشا الطنابير خلاص كدا مينفعشى فيها خرط تانى

**Thebutcherr** · 08-09-2013 04:32 PM

ريح بالك و غير الطنابير هتقعد تحور و تلف و تدور و الحل في تغيير طنابير و تيل جداد

**saddam** · 08-09-2013 04:54 PM

قولا واحدا غير الطنابير ﻷن دي مشكلة.بتحصل معايه كتير والسبب هو إن كل 100 خراط في مصر 7 بس منهم يعرف يخرط طنبورة ويطلعها فبريكة والباقي كله بتطلع ترج وأنا فضلت أخرط لغاية موصلت لخراط محترم بس بعد مقعدت ألف بتاع سنتين على أكتر من 60 خراط حتى وصلت للطريق المستقيم وطبعا منهم من يقلك هات الصرة عشان يخرط مدخل لقاء المسامير بالطنبورة وبناءا عليه أسهل لك وأفضل وغير الطنبورة وبعد كده متخليش التيل يخلص ويخربشها وحاول متحطش عليها ميه وهي سخنة وممكن كده تمشيك 3 سنين وتخلص أما فيلم إستعدال التيل فده فيلم هندي التيل تدوس فرملتين يتشكل على السطح الجديد يعني لو جبت طنبورة جديدة وحبيت تركبها عالتيل القديم فعادي جدا لا تقلق موضوعك بسيط وعيش حياتك ودمتم للنضال