اخيرا لقيت ليكو حل مشكله مكنه ازاز وقرفها

اخيرا لقيت حل لمشكله مكنه الازاز
اولا انا لسه جديد في المنتدى بس كنت بدخل اتفرج واقرا مواضيع كتير وبعدين لما دخلت على منتدى بروتون لقيت ناس كتير بشتكي من موضوع مكنه الازاز بتاعت بروتون وخصوصا الواجا ولقيت الحل وعملتو في عربيتي انا معايا واجا 2007 اوتو وكانت المكنه بتاعت الزاز عندي اتبهدلت والفيبر بتاع الباب عندي ادغدغ حتت المهمم قعدت يجي 3 شهور دايخ بيها وخصوصا اني من اسكندريه ونزلت حرفيين القاهرة وبعدين واحد صاحبي بعتني لواحد في محرم بيك بس استاذ ودكتور شال الفيبر كلو والمكنه من الباب خالص وخلا الباب فاضي خالص وركبنا مكنه ازاز بتاعت التويوتا كرولا وقفل كل حاجه وجربت الازاز ولا بيميل ولا اي حاجه زي الفل والحمد لله




بس انا عندي مشكله مجنناني تانيه في تقطيعه في العربيه وخصوصا لما تكون بارده ولازم عشان تروح بجيب الفتيس على 2 او 3 واحرق شويه عليه وبعدين كل حاجه تختفي بس بتظهر مشكله تانيه ان الحراره بتعلى اوي اوي بتوصل للشرطه الي قبل الاخيرة وفجاه ترجع طبيعي وسعات كتير تحصل لما اشغل التكييف

شوف ياباشا - أنا راىى انك تبيعها أحسن وتجيب حاجة أفضل - وده من الأخر وهتفتكر كلامى بعد فترة

جايز مشكله التقطيع دى تكون بوجيهات ؟؟؟؟

اقتباس:

---

المشاركة الأصلية كتبت بواسطة anos_waja

بس انا عندي مشكله مجنناني تانيه في تقطيعه في العربيه وخصوصا لما تكون بارده ولازم عشان تروح بجيب الفتيس على 2 او 3 واحرق شويه عليه وبعدين كل حاجه تختفي بس بتظهر مشكله تانيه ان الحراره بتعلى اوي اوي بتوصل للشرطه الي قبل الاخيرة وفجاه ترجع طبيعي وسعات كتير تحصل لما اشغل التكييف

---

ممكن التقطيعة دى تكون بسبب انك بتتحرك بالعربية قبل ما تسخنها الاول او ممكن يكون فى مشاكل فى الكهرباء عاوزة تتظبط وموضوع الحرارة ده ممكن يكون فى مشكلة فى دورة التبريد ... يعنى اكشف عالريداتير ممكن يكون عاوز يتنظف .

اقتباس:

---

المشاركة الأصلية كتبت بواسطة abo-yousef

ممكن التقطيعة دى تكون بسبب انك بتتحرك بالعربية قبل ما تسخنها الاول او ممكن يكون فى مشاكل فى الكهرباء عاوزة تتظبط وموضوع الحرارة ده ممكن يكون فى مشكلة فى دورة التبريد ... يعنى اكشف عالريداتير ممكن يكون عاوز يتنظف .

---

يا باشا انا بسيب العربيه تسخن في الجراج لحد المؤشر مايوصل الربع وبعدها بطلع

اقتباس:

---

المشاركة الأصلية كتبت بواسطة ahmed air

جايز مشكله التقطيع دى تكون بوجيهات ؟؟؟؟

---

والله غيرت البوجيهات وفكيت الانجيكشن كلو ونضفتو وغير طلمبه البنزين وغيرت الزيوت التانيه والفلاتر

اقتباس:

---

المشاركة الأصلية كتبت بواسطة anos_waja

يا باشا انا بسيب العربيه تسخن في الجراج لحد المؤشر مايوصل الربع وبعدها بطلع

---

ونسيت اقول لحضررتك اني لسه من 4 شهور مغير الردياتير ودورة التبريد لسه عاملها من شهر ومغير حساس الحراره بحساس اعلى ومخلي المروحتين بتاعت التبريد والتكييف يشتغلو مع بعض ولما تحب تفصل يبقا بتاعت التكييف يعني المفروض عمرها ماتسخن

اقتباس:

---

المشاركة الأصلية كتبت بواسطة sindibad

شوف ياباشا - أنا راىى انك تبيعها أحسن وتجيب حاجة أفضل - وده من الأخر وهتفتكر كلامى بعد فترة

---

والله انا فعلا بفكر في كده وهوا ده الصح بس المشكله هتجيب كام واجيب ايه

العربيه محترمه متبيعهاش
الحل انك نوديها امتخصص .. زي عصامصفا او تكشف عند حد كويس ومحترم
لان ممكن تكون خرطوم مش راكب كويس او بينفس هوا سبب المشكله

ممكان حضرتك توصف لنا عنوان الصنايعى الى فى محرم بك الى صلح لك مشكله مكن الزجاج

شكرا..

انشاالله ممكن اششوف صنايعي كويس

اقتباس:

---

المشاركة الأصلية كتبت بواسطة tamerosman

ممكان حضرتك توصف لنا عنوان الصنايعى الى فى محرم بك الى صلح لك مشكله مكن الزجاج

شكرا..

---

مكان بتاع الازاز وانت جاي من قناة السويس متطلعش الكوبري الي رايح على كارفور وادخل من تحت وبعدين خش يمين من على ترعه المحموديه وامشي شويه تقريبا تالت ناصيه هتلاقي محل ازاز عربيات كبير هوا في وشو على طول