ازاي اروح ارض المعارض مدينه نصر انا حبقي جاي من الزراعي اسكندريه
عرض للطباعة
ازاي اروح ارض المعارض مدينه نصر انا حبقي جاي من الزراعي اسكندريه
انا عارف اني حدخل من الدائري الي قبل النفق بس مش متاكد بع كده حعمل ايه
وأيه اللى يطلعك الدائرى وتلف لفه كبيرة
حضرتك هتكمل فى الزراعى لحد لما توصل المؤسسة (اللى هى شبرا الخيمة)
هتلاقى الطريق اتفرع جزئين : يمين يوديك الكورنيش وشمال يدخلك عبود
تدخل يمين وتفضل ماشى على طول لحد لما تطلع كوبرى المظلات (اخر الكوبرى هتلاقى كمين)
بعد الكوبرى هتمشى شوية وتاخد أول يوترن وبعدين تدخل أول يمين (كده انت فى الخلفاوى)
تاخد الشارع ده على طول لا تحود يمين ولا شمال
هيقابلك كوبرى ابو الوفا تطلعه وبعدين كوبرى الزاوية تطلعه وبعدين كوبرى حدائق القبة تطلعة وبعدين كوبرى الفنجرى تطلعة وأول ماتنزل منه هتلاقى أرض المعارض على يمينك
توصل بالسلامة ان شاء الله