-
تنضيف cd بريليانس frv
السلام عليكم و رحمة الله و بركاته
أولا أحب اقول ان المنتدى ده أكثر من رائع , انا معايا بريليانس FRV 2010 1.5 M اشتريتها مستعملة من 8 شهور و 3 ايام :)
و الصراحة العربية فوق الممتازة .. خصوصا اني ساكن في الشرقية و الطرق عندنا صعبة و مطبات زبالة .. لكن العربية بسم الله ما شاء الله عليها عالية و سحبها جميل جدا و ثباتها على الطرق السريعة ممتاز لحد 150 كم/س (أنا عديت السرعة دي بس دي اعلى حاجة كنت باخد بيها منحنيات و انا مطمن)
المنتدى الصراحة ساعدني اعرف احل شوية مشاكل قابلتني في العربية و كان عندي استفسارات كتيرة جدا الحمدلله لقيت حلولها بعد ما قلبت في مواضيع الاعضاء .
دلوقتي عندي استفسار ممكن يكون تافه بس الصراحة هو محيرني شوية :)
1- الـ CD-Player بيخرف .. يعني في اسطوانات بيشغلها و اسطوانات لأ .. مع ان الخدوش فيهم مش كتيرة واحيانا مفيش خدوش خالص .. و كل الاسطوانات بتبقى شغالة كويس جدا على اللابتوب من غير مشاكل ..
الجو عندي كله تراب و انا شاكك ان السي دي محتاج تنضيف , بس مش عارف انضفه ازاي او اوديه لمين خصوصا ان الصناعيية عندي هنا على قد حالهم و مش عايز حد يلعب في العربية
2- مفيش حد معاه صور لكتالوج السي دي ده خصوصا اني حاسس ان فيه خصائص انا مش عارفها .. أنا بقعد اخبط فيه كل فترة و كل فترة بكتشف خاصية جديدة بس بحاول ادور على كتالوج ليه مش لاقي :)
هما دول الاستفسارين اللي عندي .. يا رب يكون ليهم اجابة .. و شكرا جزيلا
-
فيه سيديهات تنظيف تتباع ممكن في العتبة تحطها في السي دي بتاعك حينظفه بس غالبا حتحتاج تغير اﻹبرة اللي بتقرا ودي أي حد بتاع صيانة سي دي ودي في دي نظيف يغيرهالك بس في مصر مش عندك أنا بشد عربيات في فاقوس وأعرف اﻹمكانيات عندك فمتتعبش نفسك إنزل مصر وموضوعك بسيط ودمتم للنضال وممكن تجرب الحج صيانة في أدريان المطبعة الهرم شخصية فاهمة رغم إنو شغال في أدريان ومعلوم عن أدريان تفاوت قوة الفاهمين عندهم وفي كذا فرع بس الراحخل ده حيخلصلك الموضوع
-
شكرا جزيلا يا صدام
بس ممكن بعد اذنك عناوين او ارقام تيلفونات الناس دي؟
-
أنهي ناس تقصد أدريان بتوع المطبعة ولا بتوع السي دي التنظيف بالنسبة.لبتوع سي دي التنظيف ده تسأل عليه في العتبة كذا محل بيبيعه ولكن النصيحة تروح أدريان أنا لافف على معظم أدريانات مصر مدينة نصر والتوفيقية شفتهم بأماتة كلهم فشلة لغاية مكتشفت فرع المطبعة الهرم وجربت كل الصنايعية هناك ﻷني بيت معاهم عربية لمدة 21 يوم من الصبح لغاية بالليل أيام مكنت مليونير قبل مفلس وأبيع القضية فتروح بعد الرابعة عصرا عند الحج صيانة جوه راجل قليل الكلام بس مصلح محترم تروح هناك تعمل شغل طبعا حتلاقي أكثر من 12 أسطة مش أي حد تخليه يشتغل تسال اﻷول على أحمد عطية ثم رضوان ثم رمضان ثم محمد زراير وفيه واحد كمان بس فاكره شكلا وهناك في اﻹستقبال حتلاقي محمود وعلاء خليك في علاء مهاود شوية في اﻷسعار وحتاخد شغل نظيف حيفكوا التسجيل ويسلموه لحج صيانة حيكشف عليه ويقلك الكلفة ومعاد التسليم ولما ترجع تركب حيرجعوه أحسن من الفبريكة الناس دي إيديها في تركيب الحاجات الهايفة على طول يعني جهاز إنذار بيركبوه في 20 دقيقة غير كهربائي العربية مهما كان نظيف حيركبهولك ب 3 ساعات وبالتوفيق موضوعك بسيط ودمتم للنضال
نصيحة وطنية وإنت في العتبة نقيلك جهاز محترم أبو دورين دي في دي وفلاشة مش حيعدي 850 جنيه ولو دور واحد مش حيعدي 600 وركبه وصلح بتاعك وحطه للزمن عشان بتاعك سي دي وخلاص مكانه المتحف القومي وتوكل إبتدي طلع الفلوس من الحصالة خلي نزلتك مصر بفايدة ونفع القاهرة محافظتنا وإنعش إقتصادنا القومي عشان أنا برضو بقالي 3 سنين كل شهر بنزل فاقوس أتفع محافظتك الشرقية.بر3 آلاف جنيه شهري في شد وتطوير جزء من عربياتي هناك إتكل إنت بس
Content Relevant URLs by
vBSEO 3.6.0 PL2