عرض للطباعة
السلام عليكم ورحمة الله وبركاته
عربيتى 128كنت عايز انضف دورة الرادياتير ففكيت الكوعه اللى تحت الرادياتير ونزلت مياه فيها لون صدا شيلت الغطا وحطيت خرطوم مياه لغاية ما لون المياه اللى نزلة من تحت بقى حلو بعد مانضفت الرادياتير ركبت الكوعة اللى تحت وشيلت الكوعة اللى فوق عشان ادور العربية واخلى المياه تمشى جوه الموتور فينضف بعد مامشيت الميه جوه الموتور بطلت العربية وركبت الكوعة ودورت العربية تانى علشان ازود مياه لقيت العربة بتبطل اول ما اشيل رجلى من على البنزين ارجو منكم الافادة
أولا ده تنظيف للراديتير غير علمي وغير فعال وكأنك يا أبو زيد ما غزيت
أما التبطيلة فدي مؤقتة جايز شوية مياه جت على حته إستناها تنشف شوية وحترجع طبيعي وموضوعك بسيط ودمتم للنضال
يا ريت تنظف صح والمياه العادية جريمة في حق كل عربية إلا للناس المتعايشة مع خرام مزمنة في راديتراتها ودول ملناش علاقة بيهم هم في دنيا والعربيات والعلم في دنيا تانية خالص
نظف بك السلانسية وشوف هيحصل ايه ممكن يكون البك مسدود ومالوش علاقة بالريداتير انما جت صدفة
اقتباس:
المشاركة الأصلية كتبت بواسطة saddam
شكرا ليك بس الحكايه بقالها 3 ساعات ونفس النتيجه كمان صوت الموتور بقى غريب ومهما فضلت ازود بنزين تبطل فى الاخر
انا خايف بس يكون الجوان ضرب والزيت نزل على البوجيهات ياريت حد يرد عليا فى الموضوع ده:36_3_10[1]:
اقتباس:
المشاركة الأصلية كتبت بواسطة saddam
شكرا ليك بس الحكايه بقالها 3 ساعات ونفس النتيجه كمان صوت الموتور بقى غريب ومهما فضلت ازود بنزين تبطل فى الاخر
انا خايف بس يكون الجوان ضرب والزيت نزل على البوجيهات ياريت حد يرد عليا فى الموضوع ده:36_3_10[1]:
انضفه ازاى وبعدين انا ملعبتش فى الكاربتير الا قبليها بيومين عملت مدفع عشان انضفه وبعد كده كان كله تمامماقتباس:
المشاركة الأصلية كتبت بواسطة aboomar22
على السلانسيه وشوف
المشكله ما اتحلتش يا جماعه والعربيه صوتها عالى ونضفت بك السلانسيه ومفيش فايده
الرادييتير مالوش علاقه خالص ولو فيه ضرر مع ان اللي انت عمله دا مالوش درجه افاده بس غير انك بتغير مياه هو ان يكون فيه هوا في دوره المياه
وممكن يكون السبب انك تكون بليت طقم الكهربا الا لو انت اشتغلت والعربيه سخنه وبارده ؟انت عملت ايه بالزبط
اه قول كدا انت لعبت في الكربراتير ؟ انت كدا مركب خرطوم غلط او ناسي تركب حاجه
ولو نوع كربراتير في صمام معين احيانا المدفع بيبوز الصمام بتاع الضغط جوا الكربراتير وناس قليله تعرف المعلومه دي والغلط بتاع المدافع الناس بتعمله كتير وفاكرينه تنظيف ومفيد ( التنظيف بيتم بسبراي التنظيف اسمه جينك gunk امريكي ب 35 لي 30 جنيه علبه صفرا وليه طريقه معينه في التنظيف وهو راكب ياما يتحل ويتفك ويتفصص ويتعمله جوانات او يجاب له طقم كام ويتركب ويرجع يتزبط وحوار الاكس والباب دا معظم الناس اللي مجرباه بتقول انه مسكن ونتيجته مش معمره للدرجه )
الحمد لله ياجماعه المشكله اتحلت رحت للميكانيكى فى دقيقه مسك الخرطوم اللى ما بين السيرفو والماتور ماكنش واصل كويس فى السيرفو وصله فالمشكله اتحلت اتارى الخرطوم ده بيظبط الهوا اللى بيدخل الماتور شكرا لتعبكم ونصائحكم ومعذره للتاخر فى الرد