احذرو من لانسر بومه موديل 2013

**Bassem Youssef** · 09-09-2013 11:51 PM

لي تجارب عمليه في ارتفاع درجات حراره بعض موديلات السيارات الالمانيه من مرسيدس و بي ام دبليو خلال فصل الصيف

الحل في ترقيع ثقب الاوزون :)

**kazamodia** · 10-09-2013 02:34 AM

انا شاري العربية وتكيفها زي الفل بيأثر بس شوية على السحب واستهلاكها في البنزين عالي
بس الغباء في التوكيل المتخلف اللي كان حاططلي زيت زيادة اوي على الموتور ومكتشفتش الا بعد 5000 كيلو ربنا ينتقم منهم
العربية دلوقتي بقت زي الفل وسحبها تمام هي بس مشكلتها في البنزين استهلاكه عالي

**midnightman_74** · 10-09-2013 03:48 AM

المشاركة الأصلية كتبت بواسطة MITSUKERO

الكلام ده صحيح 100% و من مصدر داخل دياموند هم فعلا هيتجننوا من الموضوع ده و مش عارفين سبب تغيير تصميم الدائرة الكهربائية للتبريد و الانيل بقي ان المصنع مش بيرد علي طلب التعديل

و الخبر الوحش ان التعديل ده بقالة سنتين او تلاته (من ساعة ما التوكيل اتنقل من الرواس لدياموند) و غالبا شكوة حضرتك هتتحفظ لان محدش اشتكي و انا عارف الموضوع ده من سنتين تقريبا او اكتر و بدون مبالغة الناس في التوكيل بتشد في شعرها من غباء التصميم

ربنا معاك والله اعلي و اعلم

غريبة ان التوكيل مش عارف دائرة الكهرباء!!!

الريدياتير متثبت علية مروحيتين جنب بعض

المروحة الاولى بتشتغل لما مية الريدياتير تسخن واللى بيشغل المروحة الأولى ثرموستات الحرارة اللى راكب على خرج المية من الريدياتير واللى الميكانيكية بيقولوا علية طبة الحرارة

المروحة التانية بتاعت التكييف ودى بتشتغل فى حالة ان المروحة الأولى بتاعت الردياتير متقدرش تبرد غاز الفريون بالقدر المحسوب والمفروض
ودة بيتم عن طريق ( pressure switch ) خارج منة سلكتين متثبت على ماسورة الفريون الصغيرة اللى خارجة من الريدياتير

لما تشغل التكييف وانت ماشى بالعربية .. المروحة الأولى بتشتغل لتبريد مائة الريدياتير وغاز الفريون فى وقت واحد
فى حالة ان المروحة الأولى متقدرش تبرد الفريون للحرارة المطلوبة ...ال pressure switch بيقفل دائرة الكهرباء ويشغل المروحة التانية عشان تساعد فى التبريد ... وبعد حرارة غاز الفريون ما يوصل للدرجة المطلوبة ... المروحة التانية بتقف أوتوماتيك من خلال ال pressure switch

وأنا شايف ان دة تصميم ممتاز لأنة بيشغل المروحة التانية فى حالة الضرورة فقط وبيديك عمر طويل جداً للمروحة التانية غير قبل كدة المروحة التانية كانت بتشتغل علطول طول ما التكييف شغال

**os.a.ma** · 10-09-2013 04:59 AM

ايه يا جماعة الكلام ده ! ! أنا معايا بومة 2007 وفعلا أول ما اشغل التكييف المروحة التانية بتشتغل وترجع تفصل بس لما العربية بتسخن بترجع تشتغل .. فين المشكلة في كدة ؟؟

**saddam** · 10-09-2013 06:30 AM

متتعبش نفسك محدش حيرجعلك فلوس عربيتك ومتلفش كتير حتى لو رحت لليابان ذات نفسها ثم أساسا موضوعك بسيط جدا وحله مفيش أبسط منه وبرضو حيتعمل شغل نظيف وعالي بعدين يا راجل يا طيب حد يجيب عربية 2013 شكلها هو هو من 7 أو 8؛سنين يا راجل عامة متكبرش الموضوع حلك بسيط ودمتم للنضال

**MITSUKERO** · 10-09-2013 10:27 AM

المشاركة الأصلية كتبت بواسطة ahmed-moga

طيب والكلام ده بيسري علي الشارك 2012 وله لأ لأني بحس بأن صوت المراوح عاليه جدا خاصة اول ماشغل التكييف

لا الشارك تصميم مختلف تماما

**MITSUKERO** · 10-09-2013 10:36 AM

المشاركة الأصلية كتبت بواسطة midnightman_74

غريبة ان التوكيل مش عارف دائرة الكهرباء!!!

الريدياتير متثبت علية مروحيتين جنب بعض

المروحة الاولى بتشتغل لما مية الريدياتير تسخن واللى بيشغل المروحة الأولى ثرموستات الحرارة اللى راكب على خرج المية من الريدياتير واللى الميكانيكية بيقولوا علية طبة الحرارة

المروحة التانية بتاعت التكييف ودى بتشتغل فى حالة ان المروحة الأولى بتاعت الردياتير متقدرش تبرد غاز الفريون بالقدر المحسوب والمفروض
ودة بيتم عن طريق ( pressure switch ) خارج منة سلكتين متثبت على ماسورة الفريون الصغيرة اللى خارجة من الريدياتير

لما تشغل التكييف وانت ماشى بالعربية .. المروحة الأولى بتشتغل لتبريد مائة الريدياتير وغاز الفريون فى وقت واحد
فى حالة ان المروحة الأولى متقدرش تبرد الفريون للحرارة المطلوبة ...ال pressure switch بيقفل دائرة الكهرباء ويشغل المروحة التانية عشان تساعد فى التبريد ... وبعد حرارة غاز الفريون ما يوصل للدرجة المطلوبة ... المروحة التانية بتقف أوتوماتيك من خلال ال pressure switch

وأنا شايف ان دة تصميم ممتاز لأنة بيشغل المروحة التانية فى حالة الضرورة فقط وبيديك عمر طويل جداً للمروحة التانية غير قبل كدة المروحة التانية كانت بتشتغل علطول طول ما التكييف شغال

ياباشا الكلام بتاعك صح 100% في حالة ان الحرارة بتاعة الجو معقولة

في الحر الشديد لحظة فصل المروحة التانية دي بتخلي كفائة التكييف تقل شوية و دي الشكوي اللي بعض الناس بتشتكيها و مش كل الناس اخدت بالها علي فكرة. اللي اخد باله ميتعداش ال 1% من اجمالي المبيعات و ده اللي مخلي التوكيل مش مهتم لانه كده معندوش مشكلة حقيقية

و التوكيل عارف الدائرة و عارف الحل و الرواس بيعملها لانه مبقاش وكيل فبيتصرف براحته لكن دياموند لا ممنوع و المهندسين هناك خوافين شوية عكس الرواس حتي لما كان وكيل كان بيعدل و بيرسل طلبات تعديل

مثلا البومة ال 1300 الاوتوماتيك اول ما نزلت كان فيها عيب يمكن محدش لحق ياخد باله منه
العربية كانت بتخرف مع التكييف في الزحمة !!! يعني ايه ؟ يعني البنزين بيعلي و يوطي بطريقة هستيرية و بيخلي صوت العربية يتجنن

الرواس بعت لليابان شكوي و طلب تعديل للسوفت وير بتاع العربية و فعلا بعتوا التعديل و اتعمل في كل العربيات اللي دخلت تعمل صيانه حتي اللي محصلشي معاهم المشكلة و التعديل ده خنق العربية في السحب بدرجة بسيطة بس قضي علي المشكلة في اقل من اسبوعين و تقريبا محدش سمع عن المشكلة (انا عرفتها صدفة كت بعمل صيانه و عرفت ان في تحديث جه من اليابان و سألت و عرفت التفاصيل)

دياموند خبرتهم ضعيفة و مع الوقت هيتحسنوا لو سمعوا كلام الفنيين اللي معاهم خبره اللي شغالين معاهم لانهم اخدوا الفنيين الصغيرين في السن من الرواس بس برضة معاهم خبرة محترمة

حتي الان التعديل اللي حصل في الشكل الجديد في طريقة عمل المراوح لا يعتبر كارثة لان الشكاوي منه بسيطة جدا جدا و تأثيرة ليس بالكارثي علي العربية و ده اللي مخليني اتوقع حفظ الشكوي

ربنا يعمل اللي فيه الخير

**mody112** · 10-09-2013 10:52 AM

ازاى عربية بقالها امتر من 10 سنين هى هى تظهر فيها مشكلة زى دى -
اوعى تتنازل عن حقك - بس لو شكوتك فردية مجدش هيهتم بيها لازم تجمع عدد من الشكاوى معاك .
ربنا معاك - الواحد بيدفع دم قلبه فى عربية عشان تريحه وميشوفش صيانة ولا تعديل ولا يحزنون الا بعد 5 سنين عى الاقل - حسبى الله ونعم الوكيل - وبعدين هى اليابان اول مرة تصنع عربيات لمصر مش عارفة الجو بقى حر ازاى عندنا ولا هما بيعملو اللى على مزاجهم طالما الناس بتشترى ومش مهم يشتكو .

**بوراحيل** · 12-09-2013 10:02 PM

بالامس اتصل مدير الكراج وطلب ان ياخذ درجة الحراره الداخليه للمكيف وضغط غاز الفريون عند الساعة 12 ظهرا حتى ترسل لليابان واطلعنى على المكاتبات بينه وبين الشركه حول الموضوع وطلبت منه ان يعمل حاجه لتفادى الحرارة واستطيع المواصله فى هذا الحر حتى ياتى التعديل من المصنع وقام احد الفنيين اليابانيين بعمل تعيير متحسس حرارة السيارة وعملت المروحه الثانيه والان المروحتين تعملان معا وتتوقفان معا ولاكن الذى حصل ان مبدلة المروحة الثانيه صغيره ولاتتحمل الجهد المتواصل فى العمل واخذت تسخن. واليوم كنت فى كراج الوكاله وابلغت المدير مايحصل من عدم تحمل المبدله . بالنسبة لردود المشاركيين ان الشركه تحاول تخفف الضغط على المراوح واستهلاك البنزين صحيح ولاكن هذا النوع من المواصفات لاتنفع فى الدول الحارة . وشكرا