السلام عليكم ورحمة الله وبركاته
الحمدلله معايا النترا 2011
والكلاكس معايا بدأ يفصل اوقات يشتغل واوقات لاء
عاوز اغيره بواحد صوته عالي ونغمته افضل اجيب ايه؟؟؟
عرض للطباعة
السلام عليكم ورحمة الله وبركاته
الحمدلله معايا النترا 2011
والكلاكس معايا بدأ يفصل اوقات يشتغل واوقات لاء
عاوز اغيره بواحد صوته عالي ونغمته افضل اجيب ايه؟؟؟
بتاع التيجو
ده علشان انت معاك تيجووو ولا هو فعلا صوته حلو :)
ههههههه
يعني علشان معايا تيجوا هاقولك ان صوته هو الاقوي
لاء يا باشا تقريبا في اجماع علي ان صوت كلاكس التيجو
الافضل
تاااات تاااات
تسلم ياجميل
ومعلش بقي معليش خبرة في اصوات العربيات
وهسأل عنه
وجزاك الله كل خير
ممكن تجيب فردتين بتاع اللانوس صوته كويس ومزعج شوية وده المطلوب مع سواقين الميكروباصات بالذات
انا شخصيا بفضل بتاع الأسبيرانزا 2000 سى سى اللى هى الكبيره او التيوتا كورولا الشكل المكلبظ ده بتاع 2003 :)
انا معايا الانترا 2010 فعلا كلاكسها بطىء جدااا ومستفز و ماحدش بيعبره خالص
الكالاكس ممكن يعلي علي فكرة لو صوته واطي
http://www.nilemotors.net/Nile/354852-rb.html
انا مركب عندى بتاع اللانسر (اسمه دينسو) كنت جايبه ب 120 جنيه من شارع دمشق و صوته ممتاز
كلاكس التيجو حلو جدا جدا وصوته عالي و مش حاد
صديقي المواطن مش عايزين ندخلك في لفة كبيرة بس مفيش صوت كلاكس محترم في عربيات معدلة بييجي لوحده إحنه بنركب 7 أو 6 كلاكسات جنب بعض مختلفة بمقادير معينة ونعدل فيهم عشان نطلع صوت إنفجاري ومميز بس طبعا حضرتك مش محتاج لكل ده
إنت تروح التوفيقية تجيب طاط أخضر الدولية أصلي ب 85 وتركبه بس متركبش الكتاوت اللي جي معاه تركب كتاوت أصلي غيره أبو 30 أو 25 جنيه وعيش حياتك ولما بيعطل بعد سنتين ممكن يتفتح ويتصلح وحيرجع صوته أعلى من اليوم اللي إشتريته فيه بمرتين ودمتم للنضال
تجربتي من حوالي شهر في الفيرنا 2011 .... مرة واحدة فردة كلاكس فصلت و التانية بدأت تشاور عقلها ........ رحت للكهربائي بتاعي .... ببساطة بمفك صغير و شوية صيانه .... رجع احسن من الاول .... وتذكر ان الاصلي صعب تلاقي زيه .... جرب الكهربائي و هي كلها 10 جنيه ....
بالتوفيق ... وتذكر ان الكلاكس العالي جدااا هيصدعك انت قبل ان ينبه الآخرين
بتاع التويوتا دانسو يابانى
صوته مميز و عالى نسبيا مركبه فى السيراتو
وتمام الحمد لله تقريبا ب 100 جنيه
mixo بتاع الاوبل ممتاز . كنت مركبه ف عربيتى اللى فاتت (فيرنا) وبفكر اجيبه ( لالنترا ) دلوقتى صوته عالى وكان بيصرع اى حد بيضايقنى ف الطريق :)
نصيحة أخوية
فردة بوووش وفردة تط
وسمعني سلام بوش وتط وانت هتشوف بنفسك
عن تجربه فى النترا
عربيتى كلكسها واطى جدا
والموضع ده بالنسبه ليه مصيبه سوده
حاولت ارجلش الكلاكس الاصلى - ولا الدموع
بقى قدامى حل من اتنين
الحل الاول شراء كلاكس فرده واحده صوته عالى وده هايكلفنى فى حدود 100- 150 جنيه
الحل الثانى تركيب فردة كلاكس تانيه جنب الاولى الاصليه
وطبعا انا اختارت الحل التانى
مميزات الحل التانى
1- فردة كلاكس صينى ب 20 جنيه
2- التركيب 20 جنيه
3- الصوت عالى
4- الصوت فيه حاجه اسمها تنغيمه وده مش بتخرج غير فى حالة وجود فردتين كلاكس (يعنى الصوت مش حاد)
اما بخصوص كلاكس التيجو - والله العظيم احنا مسمين التيجو السفينه بسبب صوت كلاكسها - تحس انه بروجى بتاع بارجه حربيه مش كلاكس عربيه
فيام
من شارع دمشق
بس مش فاكر اسم المحل
منين الميكسو بتاع الاوبل