رأى بعد تفكير واستفسارات وتعليقات ومماراسات

بسم الله الرحمن الرحيم
اخوانى جميعا من اعضاء المنتدى وحتى الزوار

المشكله فى الصينى فى عقلنا مش فى المنتج الصينى
طبعا يمكن قليل يعرف ان كان فى مباحثات فى الصين لوقف التصدير الى مصر لان (السوق المصرى)
من اسباب سؤ سمعة المنتج الصينى

لكن طبعا تراجعوا عن الفكره لان السوق المصرى مستهلك وفاتح لهم باب رزق كبير

يبقى العيب اتحدد فى مين؟؟؟؟؟
فى المستورد الى بيسافر لهم ويقلهم انا عايز جهاز كاسيت كبير وشكله جميل علشان يشتريه منهم بما يعادل 5 جنيه ويبيعوه هنا فى مصر بما يعادل 50 جنيه ان لم يكن اكتر
وطبعا الشعب هو الضحيه
وراح اضرب لحضراتكم ببساطه مثال واضح جدا لينا

الهاند فرى بتاعة مثلا موبايل نوكيا
الاصليه (اللى بتيجى فى علبة الجهاز) والمعفنه اللى احنا بنجيبها ب 5 او 7 جنيه من اى محل موبايل
طبعا عارفين الفرق فى الصوت ونقائه وطول العمر
لكن محدش اخد باله ان دى صينى ودى صينى؟؟؟؟؟

الحاجه اللى ممكن انتقد الصين عليها بس انها لسه جديده شويه بس مش جديده او لان مصانع السيارات فى الصين بقالها اكتر من 10 سنوات
ماتفكروش انها من سنه او اتنين
وعلفكره الصين بتتعاون كمان مع شركات كبيره فى خبرتها فى التصميمات وصناعة السيارات

المهم اكيد اى شركه معروفه جزء من تمن السياره بيكون لإسم الشركه فقط

لكن الصين بتحاول تثبت نفسها
واكيد لو مكانتش سيارتها اللى معروفه عندنا بإسم اسبرانزا
مكانتش طلعت انواع كتير تانيه
وكلها مزايا بجد انا مش مصدقها

لكن المشكله انى لاقيت اى حد بينتقد العربيه الإسبرانزا مجربهاش ولا حتى شافها
كل اللى بيقوه انها صينى وبس
من غير حتى ما يفكر ولا يدور


على العموم كرمنى الله ومش عايز اطول عليكم الكلام لكن اللى عايز يستفسر عن اى حاجه بجد
انا بقلكم ببساطه انا كفيل بإذن الله وكرمه انى اقنع اى حد بالعربيه الإسبرانزا
لانى انا اقتنعت بيها


وده من فضل الله وحده


وانا فى خدمة اخوتى ان كان هناك اى استفسار


اخيكم
أحمد محمد المهدى

كلامك عين العقل وانا مقتنع تماما بيه

وليا اضافة ... كل شركات العالم بتفتح ليها مصانع في الصين .. اكيد مش عشان تبوظ نفسها
مسألة الرخص من العمالة الرخيصة جدا عندهم

بجد كلامك محترم جدا................ انا نفسي اعرف ايه نظام ال A113 و المشكلة ان مشواري كبير اوي كل يوم حوالي 150 كم - عشان شغلي بعيد عن البيت

و ايه اخبار الصيانه و قطع الغيار؟؟؟؟ وهو فين مراكز الصيانة؟؟؟؟؟

نفسي اعرف كل شئ عنها واطمنلها لأن دي تحوشه عمري

و ربنا يكرمك يا رب............

وانا كمان استفساري زي الاستاذ تايجر عن العربية a113 عشان بجد في حيرة بقالي 3شهور اجيب اسبرانزا ولا شيفورليه اسبارك وده اسم عريق ولكن خايف ومتردد من اللي بسمعه عن الاسبرانزا وبجد دي عربية تحفه وكل الللي بفكر فيه هو اني اجربها بنفسي عشان اقتنع ولحد ما اجربها ياريت تفيدني وتقولني اقرب مركز خدمة وقطع غيار حيث اني في مدينة 15 مايو وشغلي في مدينة نصر وايه اخبار المشاكل اللي بنسمعها عنها

انا عاوز بس كل واحد يبص حواليه قبل ما يقول صينى ومش صينى ويقولى ايه بنستخدمة مش صينى؟؟؟؟ ياعالم فوقووو بقى الناس بتشتغل وتتقدم واحنا لسه بنقول ونحكم من غير درايه ولا فهم

تخيل يومك من ساعه ماتصحى لحد ماتنام كام حاجه صناعه صينى بتسخدمها ؟؟؟ وبمناسبه رمضان حبيت افكرك ان الفوانيس صينى وكمان سجاده الصلاة في منها صينى ومش عاوز حد يقارن صناعه فوانيس بصناعه عربيات لان لكل مقام مقال

بص على الكمبيوترز , كاميرات التصوير, الطابعات ...... الخ

إخوانى واخواتى بارك الله فيكم وشكرا جزيلا لردودكم الكريمه
قبل ما ابدأ كلامى احب اقولكم انى بإذن الله فى خلال يومين ان شاء الله نازل اشترى الإسبرانزا a113
وده بإذن الله بعد ما اخد تأجيل من الجيش ادعولى الله يكرمكم امين

طبعا بالنسبه للفرق بين الاإسبرانزا والإسبارك هاتلاحظ اكيد ان اسعار قطع غيرا الشيفروليه غاليه جدا وده لا يتأثر بنسبه انتشار السيارات الشيفروليه
هى كده قطع غيار الشيفروليه هاتفضل دايما غاليه

لكن الإسبرانزا كل ما ذاد انتشارها هايقل سعر قطع غيارها
وطبعا لاحظ ان جزء كبير من سعر السياره الإسبارك خاص بإسم شركة شيفرولية

المهم الكلام المهم ايه العربيه بيقولوا ان عيبها الوحيد انها ناشفه شويه فى المطبات وتم اصلاح هذا العيب والحمد لله قبل طرح السياره فى السوق المصريه

وطبعا الa113
اوسع بكتير من الإسبارك واشيك لان تصميمها ايطالى وعلشان كده شكلها امور
لكن الإسبارك عامله زى الطفل اللى بيعيط زى الماتيز شويه

مع احترامى طبعا لشركة شيفروليه

اما بالنسبه لاخى تيجر بيقول دى تحويشة عمرى
انا هاقلك ببساطه ان كنت تقدر تجيب الa516
يكون افضل لان المسافه دى يوميه اعتقد مجهود كبير
وده مش معناه ان الa113
ماتستحملوش لا الa113 تستحمل اكتر كمان
ان المشوار 150 كله رايح جاى يعنى هات ال a113وتوكل على الله

لكن لو 300 رايح جاى هاتقضى المشوار اسرع الa516
لانها 1600 سى سى
لكن الa113
1300
علكره الإسبارك 1000 سى سى
يعنى اعلى من موتور الفسبه بشويه
مع احترامى برده لشركة شيفروليه

ومع انى اشد المعجبين بالشيفروليه افيو وليست الأوبترا ومش راح اصدعكم اكتر من كده بكلامى

وعلى العموم يا اخوتى ده رأىى انا الشخصى والحمد لله عن امانه

اقتباس:

---

المشاركة الأصلية كتبت بواسطة ahmed_almahdy

إخوانى واخواتى بارك الله فيكم وشكرا جزيلا لردودكم الكريمه
قبل ما ابدأ كلامى احب اقولكم انى بإذن الله فى خلال يومين ان شاء الله نازل اشترى الإسبرانزا a113
وده بإذن الله بعد ما اخد تأجيل من الجيش ادعولى الله يكرمكم امين

طبعا بالنسبه للفرق بين الاإسبرانزا والإسبارك هاتلاحظ اكيد ان اسعار قطع غيرا الشيفروليه غاليه جدا وده لا يتأثر بنسبه انتشار السيارات الشيفروليه
هى كده قطع غيار الشيفروليه هاتفضل دايما غاليه

لكن الإسبرانزا كل ما ذاد انتشارها هايقل سعر قطع غيارها
وطبعا لاحظ ان جزء كبير من سعر السياره الإسبارك خاص بإسم شركة شيفرولية

المهم الكلام المهم ايه العربيه بيقولوا ان عيبها الوحيد انها ناشفه شويه فى المطبات وتم اصلاح هذا العيب والحمد لله قبل طرح السياره فى السوق المصريه

وطبعا الa113
اوسع بكتير من الإسبارك واشيك لان تصميمها ايطالى وعلشان كده شكلها امور
لكن الإسبارك عامله زى الطفل اللى بيعيط زى الماتيز شويه

مع احترامى طبعا لشركة شيفروليه

اما بالنسبه لاخى تيجر بيقول دى تحويشة عمرى
انا هاقلك ببساطه ان كنت تقدر تجيب الa516
يكون افضل لان المسافه دى يوميه اعتقد مجهود كبير
وده مش معناه ان الa113
ماتستحملوش لا الa113 تستحمل اكتر كمان
ان المشوار 150 كله رايح جاى يعنى هات ال a113وتوكل على الله

لكن لو 300 رايح جاى هاتقضى المشوار اسرع الa516
لانها 1600 سى سى
لكن الa113
1300
علكره الإسبارك 1000 سى سى
يعنى اعلى من موتور الفسبه بشويه
مع احترامى برده لشركة شيفروليه

ومع انى اشد المعجبين بالشيفروليه افيو وليست الأوبترا ومش راح اصدعكم اكتر من كده بكلامى

وعلى العموم يا اخوتى ده رأىى انا الشخصى والحمد لله عن امانه

---

مبروك مقدما على العربية يا باشا و ان شاء الله نستنى تقييمك للعربية :)

اولا الف مبروك مقدما........ اما تأجيل الجيش ان شاء الله خير ( على فكرة انا برضه لسه متخرج بس انا واخد اعفاء) المهم انك برضه مطمنتنيش عن اماكن مراكز الصيانه و قطع الغيار لأني ساكن في العاشر من رمضان و شغلي في المهندسين

السلام عليكم
الحمد لله وله حمدا وشكرا كثيرا فقد حصلت على التأجيل
المهم يا اخى تيجر
بجد انا مش من منطقتك ولا عارف الإ ان السياره تبع توكيل ابو الفتوح اسأل انت يا ريت حد فى منطقتك اكيد بإذن الله توصل

اخوك المهدى

اقتباس:

---

المشاركة الأصلية كتبت بواسطة tiger_target

اولا الف مبروك مقدما........ اما تأجيل الجيش ان شاء الله خير ( على فكرة انا برضه لسه متخرج بس انا واخد اعفاء) المهم انك برضه مطمنتنيش عن اماكن مراكز الصيانه و قطع الغيار لأني ساكن في العاشر من رمضان و شغلي في المهندسين

---

توكيل اسبرنزا عند سوق القنال الدولي بالقرب من توكيل لانسر ودايو ومرسيدس قبل مزلاقان السكه الحديد تخش يمين وانت جاي من العاشر من رمضان وكون علي شمالك سوق القنال
واي خدمه انا من العاشر من رمضان ومعايا دايو لانوس والتوكيل بتاعي جنب توكيل اسبرنزا

اقتباس:

---

المشاركة الأصلية كتبت بواسطة shanodaa

توكيل اسبرنزا عند سوق القنال الدولي بالقرب من توكيل لانسر ودايو ومرسيدس قبل مزلاقان السكه الحديد تخش يمين وانت جاي من العاشر من رمضان وكون علي شمالك سوق القنال
واي خدمه انا من العاشر من رمضان ومعايا دايو لانوس والتوكيل بتاعي جنب توكيل اسبرنزا

---

متشكر اويييييييي........

انا نفسي اعرف العربيه الصيني الاسبرانزا في السراعات العاليه بتبقي متزنه ولا لاء

وكمان العربيه بعد 140عامله ايه كويسه ولا لاء والعداد بتاعها بيوصل لاد ايه