عيوب الإنفى

**Mostafa Fahmy** · 09-09-2013 04:31 AM

المشاركة الأصلية كتبت بواسطة saddam

صديقي المواطن حلا لمشكلتك البسيطة بدل متسأل وتتعب نفسك أروح آخد الحقيقة في حموتها أطلع الصبح بدري على صيانة إسبرانزا في أبو رواش وأي مواطن داخل يصلح اﻹنفي كلمه بطريقة حلوة زي آسف تسمحلي أسألك سؤال مش من حقي بس أخوك مزنوق وتعبان ممكن تنقذني وتكلمني عن عيوب العربية تلاقيه حيرصلك كل مشاكل العربية وحيزود من عنده حبة شتايم في التوكيل بص أنا حنصحك نصيحة لمالك كذا ماركة عربية إنسى خالص ال إم 11 وال إم 12 حيجيلك يوم بعد فترة حتلاقي نفسك لوحدك بس في الشارع راكبها ومش حتعرف تجيب قطع غيار إسبرانزا الناجح عندهم ال 620'والتيجو وال 113 وعلى فكرة ال 213 كانت كويسة بس منتشرتش لضعف الدعاية وغلط في التسعير وال 516"نجحت ﻷنها نزلت تكسي فساهم في توفير قطع الغيار التجاري ولكنها لا تنجح من غير متغيرلها مكنة وفتيس
ولو إنت مصر تشتري صيني غير ال 620 وغير عربيات بريليانس فخد اﻹمجراند 7 رغم كل العيوب اللي سمعت عنها إلا إني بنصحك حسبة لله تعالى اﻹمجراند ليها خط إنتاج وحاجتها كلها حتنزل تجاري وإبتدت حاجات تنزل وحتلاقي لما تفكر تبيع حد يشتري بس الإنفي مش حتنتشر وال إم 11 مقدرتش تعيش اللحظة وده الفتي بتاعي اللي إنت متحبش تسمعه ودمتم للنضال

يا جماعه هو انتوا كلكوا ماسكين فى كلمة الفتى دى ليه انا آسف بس دى حقيقه فى ناس بتقول حاجات بمجرد بس انها سمعت عنها ومن غير ما يتأكدوا منها أو لمؤاخذه فى الكلمه يفتوا من عندهم من غير خبره أو أى معلومات صح وعموما أنا بلغت المشرف انه يعدل الموضوع و يمسح السطر ده خالص

نرجع تانى لموضوع الإنفى للأسف انا بالنسبالى أبو رواش سفر لأنى فى الجيزه (امبابه) فالبنسبالى سفر بس هى طبعا فكره كويسه للى يقدر يعملها لكن للأسف انا مش هقدر فعلشان كده بسأل أهل الخبره أو ملاك العربيه عن العيوب وأتمنى انهم يفيدونى و موضوع إنى أنسى الإم 11 علشان قطع غيارها هتغلى وهبقى لوحدى اللى راكبها بص انا بتفق معاك فى الموضوع ده ان هى بعد فتره قطع غيارها مش هتبقى متوفره غير فى التوكيل وبأسعار عاليه وانى ابقى لوحدى اللى سايقها ده صعب شويه لأنها عربيه كويسه جدا بالنسبه لسعرها وحتى لو بقيت لوحدى اللى راكبها دى حاجه جميله خالص :d أما موضوع الإمجراند ده انا حابب العربيه جدااااااااااااااااااااا بس مفيش حد بيحب يجيب عربيه زيرو يكون فيها مشاكل واول مايجيبها تقرفه بس عموما انا متابع اخبارها ولو لقيت ان المشاكل اتحلت أو التوكيل ابتدى يهتم بالمشاكل دى و خدمة العملاء بتاعة الإمجراند اتحسنت ان شاء الله أول حاجه هفكر فيها الإمجراند

**M I D O** · 09-09-2013 04:34 AM

للاسف مش هتلاقي حد يفيدك هنا عن الانفي لان محدش في المنتدي اشتراها

**M I D O** · 09-09-2013 04:38 AM

المشاركة الأصلية كتبت بواسطة hugan

الانفي ابتديت شوفها في الشارع
وده بيدل علي ان الايمجراند ابتدت تقف في المبيعات ودخلت الانفي بدلا منها

اتفق معاك تماما خصوصا بعد خروج الامجراند من اكثر 20 سيارة مباعة للشهر الي فات ودخول الانفي في القائمة

**M I D O** · 09-09-2013 04:39 AM

المشاركة الأصلية كتبت بواسطة saddam

صديقي المواطن حلا لمشكلتك البسيطة بدل متسأل وتتعب نفسك أروح آخد الحقيقة في حموتها أطلع الصبح بدري على صيانة إسبرانزا في أبو رواش وأي مواطن داخل يصلح اﻹنفي كلمه بطريقة حلوة زي آسف تسمحلي أسألك سؤال مش من حقي بس أخوك مزنوق وتعبان ممكن تنقذني وتكلمني عن عيوب العربية تلاقيه حيرصلك كل مشاكل العربية وحيزود من عنده حبة شتايم في التوكيل بص أنا حنصحك نصيحة لمالك كذا ماركة عربية إنسى خالص ال إم 11 وال إم 12 حيجيلك يوم بعد فترة حتلاقي نفسك لوحدك بس في الشارع راكبها ومش حتعرف تجيب قطع غيار إسبرانزا الناجح عندهم ال 620'والتيجو وال 113 وعلى فكرة ال 213 كانت كويسة بس منتشرتش لضعف الدعاية وغلط في التسعير وال 516"نجحت ﻷنها نزلت تكسي فساهم في توفير قطع الغيار التجاري ولكنها لا تنجح من غير متغيرلها مكنة وفتيس
ولو إنت مصر تشتري صيني غير ال 620 وغير عربيات بريليانس فخد اﻹمجراند 7 رغم كل العيوب اللي سمعت عنها إلا إني بنصحك حسبة لله تعالى اﻹمجراند ليها خط إنتاج وحاجتها كلها حتنزل تجاري وإبتدت حاجات تنزل وحتلاقي لما تفكر تبيع حد يشتري بس الإنفي مش حتنتشر وال إم 11 مقدرتش تعيش اللحظة وده الفتي بتاعي اللي إنت متحبش تسمعه ودمتم للنضال

كلامك جميل يا باشا بس انا عاوز اقف عند نقطة الام 11 و 12 هييجي فترة ومش هتلاقي حد راكبها .. العربية دي جميلة بجد ومشكلتها ان ابوالفتوح مش مهتم بيها في الدعاية انما هية في رايي المتواضع افضل عربية صيني نزلت مصر بعد ال 516

**M I D O** · 09-09-2013 04:51 AM

المشاركة الأصلية كتبت بواسطة mostafa fahmy

مش لازم يكون اشتراها على الأقل جربها او سمع عنها كلام متأكد منه

و عرفت عنها مشاكل بس طبعا مش متأكد منها بس لو فكرنا فيها هتبقى صح
يعنى موضوع السحب فى الإنفى ضعيف علشان العربيه 1500 cc وحجمها أكبر من ال 516 رغم ان ال 516 موتورها 1600 وناس كتير اشتكت من السحب فيها ما بالك اللى أكبر منها و موتورها أقل !!

ده اللى عرفت أوصله من عيوب بس ده عيب كبير و مش حلو طبعا لأنها كده هتبقى سفاحة بنزين بسبب وزنها على سعة الموتور القليله بتاعها اللى الحجم و الوزن أكيد هيأثر عليه

علي فكرة حجم الكابينة الداخلية في الانفي اصغر من ال 516 و اعتقد وزن الانفي برضو اقل وخلي بالك في نقطة المحرك كامة واحدة يعني توفير بنزين مش غول بنزين ولا حاجة

**M I D O** · 09-09-2013 05:29 AM

المشاركة الأصلية كتبت بواسطة mostafa fahmy

هو مكتوب ان الإنفى أكبر بحاجات بسيطه من ال 516 ومع كده موتورها أضعف (1500) من ال 516 (1600) ]97 حصان[ فكده أعتقد استهلاك البنزين هيبقى عالى

المحرك ال 1600 بيخرج 117 حصان و المحرك ال 1500 بيخرج 109 حصان وحجم الانفي من الداخل اصغر من ال 516 لاكن اصبحت اعرض حاجة بسيطة و اطول حاجة بسيطة و الطول في الكبوت قدام و الشنطة ورا وضيقو المساحة الداخلية للكبينة شوية ومحرك الانفي بكامة علوية واحدة ودة معناة محرك اقتصادي جدا في البنزين لاكن معا حجم العربية في اعتقادي الشخصي ممكن يكون استهلاكة زي المحرك القديم 7 لتر * 100 كيلو

**hugan** · 09-09-2013 01:51 PM

انامستغرب من رد الاخ صدام
ازاي يعني مش هايلاقي قطع غيار لل ام 11

هي العربيه بتزيد ولا بتقل

-

-

الموضوع: عيوب الإنفى

LinkBack

أدوات الموضوع

عرض

-

-

-

-

-

-

-

المواضيع المتشابهه

فرصة الفوز بتجربة قيادة سيارة بمحرك v8 الرائع ليوم كامل

[بالفيديو] النيسان جوك !! واول تقييم لتسارع السيارة بتجربة شد مع اللانوس والفيرنا

أين يمكن أن أقوم بتجربة قيادة للجيب رانجلر

دعوة للمطالبة بتجربة القيادة قبل الشراء .....حقك ما تتنازلش عنه

الكلمات الدلالية لهذا الموضوع

المفضلات

المفضلات

ضوابط المشاركة