عيوب الإنفى

**M I D O** · 13-09-2013 07:01 PM

المشاركة الأصلية كتبت بواسطة ashrafmahmoud93

فعلا والله لو مش عارف حاجة يقولك يخربيت الصينى عشان مشتغلش فيها وميعرفهاش يعنى لو معاك كيا مثلا وبرضة مشتغلش فيها يقولك الفيرنا احسن من الكيا ازاى ياعم الحج بس
حصل معايا موقف الكهربائى اشتغل ف العربية وجة يعمل حاجة معرفش اخر مزهق قال وديها التوكيل امال انا جيلك ليه عشان تقولى كدا وبعديها يقولى اصل الصينى معقد طبعا دا جهل مش تعقيد ولا حاجة

هما الصنايعية كدة وانا شايف ان الاسبرانزا بالتحديد تكنولوجيا العربيات فيها جميلة

**M I D O** · 14-09-2013 12:46 AM

المشاركة الأصلية كتبت بواسطة ashrafmahmoud93

لا مش تكنولجيا بس احب اغيظ اى حد بيكرة الصينى واقولة الاسبرانزا اعتمادية جدا جدا
بينى وبينك انا اما حصلتلى الحادث قولت خلاص كل سنة وانتا طيب عربية صينى وحادثة خلاص انتهت وكنت بفكر اجيب مكنة لانسر وعفشة لانسر واعيش بقى دوامات مع العربية من الرعب اللى بيصدرة الناس اللى مركبتش الاسبرانزا لكن بعد التجربة والواقع الحمد لله العربية بدات اشتغل فيها واغير الحاجات اللى باظت وجيت ادور وامشى المفجاة
ماشاء الله هوا انتى طالعه من حادثة العربية بحالة قبل الحادثة ومفيش اختلاف لا ف سحب او اداء او اى حاجة مكنتش مصدق نفسى والله قلت العربيات دى مظلومة ويقولك الصينى ورق وميستحملش بجد ..........

ما شاء الله ربنا يحفظلك العربية يا باشا ويكفيك شر الحوادث وجميع المسلمين يارب وبما ان حضرتك مالك للعربية من زمان عاوز اعرف منك استهلاك البنزين عامل اية معاك

**khaled93** · 14-09-2013 06:52 PM

انا كنت رايح اشتري الجيلي ايمجراند دالوقتي بقيت محتار والله :( اعمل ايه طيب

**ashrafmahmoud93** · 14-09-2013 09:08 PM

اسمع فيها مشاكل كتير بس بامانة انا مجربتهاش انتا ممكن تتاكد بنفك اسال كام واحد من ملاكها
احكيلك قصة بمناسبة الحيرة انا اما كنت ناوى ع ام 11 كنت محتار بينها وبين البى واى دى اف 3 وكل اما اشوف واحدة اقول خلاص هجيب دى وكنت محتار جدا كل يوم براى وكل يوم بعربية
لحد ما كنت ف مشوار ولقيت واحد بيركن ام 11 رحتلة هيا حركة مش لطيفة بس هنعمل ايه عاوزين نطمن رحت كلمتة باحترام وعاوز من حضرتك سؤال كدا عن العربية الراجل طلع زوق جدا وادانى الكارت بتاعه ونزل من العربية وفرجنى عليها وقالى دى تمام بيقولى مغيرتش مسمار من ساعه ما جبتها بصراحة هوا اقنعنى بيها وتانى اسبوع كنت حجزتها فنصيحة انزل واسال ملاك الجيلى وقولهم ع المشاكل لو اجمعوا انها فعلا كلها مشاكل خلاص شوف اختيار تانى مش هتروح ترمى فلوسك ف عربية زيرو فيها مشاكل حتى لو شكلها شكل البى ام حتى دا رايى

**M I D O** · 14-09-2013 11:50 PM

المشاركة الأصلية كتبت بواسطة ashrafmahmoud93

الكبيوتر كاتب 7.8 لتر لكل 100 كم لكن الفعلى اللى بمشى بية حوالى 9 لتر بس انا كل مشى ف المدينة وزحمه والاول والتانى كتير طبعا دا بيفرق ف الاستهلاك فانا شايف ان استهلاكها كويس جدا ومعقول جدا الحمد لله

الاستهلاك كدة وجوة البلد يبقي ممتاز تسلم يا باشا علي الافادة

**M I D O** · 14-09-2013 11:51 PM

المشاركة الأصلية كتبت بواسطة khaled93

انا كنت رايح اشتري الجيلي ايمجراند دالوقتي بقيت محتار والله :( اعمل ايه طيب

رايي الشخصي اصبر شوية شهر كمان كدة لحد متشوف موديل 2014 عامل اية يمكن غبور يصلح فية حاجة

**M I D O** · 14-09-2013 11:52 PM

المشاركة الأصلية كتبت بواسطة ashrafmahmoud93

اسمع فيها مشاكل كتير بس بامانة انا مجربتهاش انتا ممكن تتاكد بنفك اسال كام واحد من ملاكها
احكيلك قصة بمناسبة الحيرة انا اما كنت ناوى ع ام 11 كنت محتار بينها وبين البى واى دى اف 3 وكل اما اشوف واحدة اقول خلاص هجيب دى وكنت محتار جدا كل يوم براى وكل يوم بعربية
لحد ما كنت ف مشوار ولقيت واحد بيركن ام 11 رحتلة هيا حركة مش لطيفة بس هنعمل ايه عاوزين نطمن رحت كلمتة باحترام وعاوز من حضرتك سؤال كدا عن العربية الراجل طلع زوق جدا وادانى الكارت بتاعه ونزل من العربية وفرجنى عليها وقالى دى تمام بيقولى مغيرتش مسمار من ساعه ما جبتها بصراحة هوا اقنعنى بيها وتانى اسبوع كنت حجزتها فنصيحة انزل واسال ملاك الجيلى وقولهم ع المشاكل لو اجمعوا انها فعلا كلها مشاكل خلاص شوف اختيار تانى مش هتروح ترمى فلوسك ف عربية زيرو فيها مشاكل حتى لو شكلها شكل البى ام حتى دا رايى

ههههههههههههه انا بعمل كدة دايما وبروح اسئل ناس اينعم حركة رخمة بس قشطة يعني ارخم مرة ولا اتنين ولا عشرة احسن مرمي 80 الف جنية في الارض