لو سمحتوا يا جماعة انا كنت عايز اعرف هو مبلغ 50000 يجيب اوبل فيكترا من 1998-2000 وتكون كويسة ولا مايجبش عشان انا معنديش خبرة في الحوار ده وكل اما اسال حد يقولي يا لانوس يا فيرنا يا كريستالة
عرض للطباعة
لو سمحتوا يا جماعة انا كنت عايز اعرف هو مبلغ 50000 يجيب اوبل فيكترا من 1998-2000 وتكون كويسة ولا مايجبش عشان انا معنديش خبرة في الحوار ده وكل اما اسال حد يقولي يا لانوس يا فيرنا يا كريستالة
يجيبوا بس خلى معاك سمكرى شاطر
فرق كبير جدا بين الفيكترا والفيرنا او اللانوس
توكل علي الله بس اختار حاله حلوه تريحك بعد كده
متشكر اوي يا جماعة علي الردود بس معلش عندي سؤال كمان ايه نظام سعر الصيانة وقطع الغيار , انا عارف انها اكيد اغلي من الدايو والفيرنا بس هاتبقي اوفر يعني ولا برده في المعقول ؟ انا كمان محتاج اعرف شوية معلومات عن العربية , هل في مواضيع هنا في القسم ؟
يجيبو فيكترا مانيوال حاله جيده واكشف كويس قبل الشراء
متشكر يا استاذ احمد لرد حضرتك ، كنت عايز اعرف بس هي العربية فيها اي مشاكل جامدة وﻻ عادي وعلي حسب ما قريت المانيوال 1600 بس وفي مانيوال حاجة وسبعين حصان وفي مانيوال اكتر من 100 حصان اني احسن فيهم ؟؟؟
مانيوال 1600 واحد كامه 75 حصان وماتور لونه اسود
مانيوال 1600 اتنين كامه ايكوتيك ماتور 105 حصان وماتور لونه ابيض
صيانات ال1600 كويسه ومعقوله
ومقارنه بالفيرنا واللانوس والكوري عموما
ف قطع غيار الاوبل عاليه عن الحاجات دي
بس في المقابل انت مش بتغير قطعه مرتين لأن قطع الغيار معمره عن الحاجات التانيه دي
الموتور الايكوتيك 1600 الـ 16valve سواء مانيوال أو اوتوماتيك فهو نفس الباور هورس 100