السلام عليكم ورحمه الله وبركاته
---------------------------------
شهادتى على الهيونداى i 10 بعد اول 800ك. انا عارفان المسافه صغيره عشان احكم فيها على العربيه بس حبيت اشارككم.
1- انا جبت اللون الاسود وياريتنى ما جبته بيحتاج نظافه باستمرار.
2- الكاوتش صغير وبيحسسنى بانها عربيه لعبه
3- ف الدوران الواسع باخده ع 80 مفيش مشكله ف ثبات العربيه (افضل من الماتريكس)
4- ف سرعه ال 120 العربيه ثابته وتمام مفيش تعويم الا طفيف خالص
5- العفشه ناشفه شويه وبتحسسك بالارض الى ماشي عليها
6- الكراسي جلد ووفرت عليا الكسوه ومريحه وخصوصا الكنبه الخلفيه واسعه ومريحه
7- التكييف مش وحش بس مش قوى
8- الكاسيت نوع جولدي (مصري) بس كويس وشغال ومفهوش مشاكل خصوصا ف الاغاني العاليه لكن السماعات مش قويه
9- ينقص السياره الانذار والسنتر