تغيير مقاس الكاوتش

**i.ali** · 09-09-2013 09:40 AM

الكوتش الحالى مقاس 185/60/14 لفولكس بونتير 2006

هل ممكن اركب بدلا منه 185/65/14 او 185/70/14

بدون تأثير على العفشة

**snakeson2** · 11-09-2013 01:51 AM

لا طبعا الثبات هيضيع

**svneleven** · 11-09-2013 10:15 AM

فعلا هتحس بفرق كتير في الثبات مع ال 65 أما ال 70 ما تفكرش فيه أصلا.
ممكن تركب 195/60r14 أنسب من المقاسين اللي فاتو.

**i.ali** · 11-09-2013 12:48 PM

المشاركة الأصلية كتبت بواسطة svneleven

فعلا هتحس بفرق كتير في الثبات مع ال 65 أما ال 70 ما تفكرش فيه أصلا.
ممكن تركب 195/60r14 أنسب من المقاسين اللي فاتو.

الفرق ده ميأثر على العفشة

**svneleven** · 12-09-2013 09:29 AM

المشاركة الأصلية كتبت بواسطة i.ali

الفرق ده ميأثر على العفشة

ان شاء الله فرق بسيط جدا مش هتحس بيه.

**saddam** · 12-09-2013 10:24 AM

الفرق البسيط لن يؤثر على العفشة لو ركبت على 70 يا صديقي المواطن حتزيد ليونة العربية ولتلافي العومان ركب كاوتش عريض زي 205 بس القول الفصل عايزك تبص على الكاوتش بتاعك وهو واقف اﻷمامي والخلفي من داير الرفرف تمشيلي صباعبن جنب بعض لو عدو مستريح يبقه تقدر تركب ال 70 عادي وحيريحك جدا أما العرض فتبصلي عليها من.الداخل تشوف الكاوتش بتاعك فيه مسافة بعد عن جسم العربية وتلفلي الفردتين اﻷمامي شمال ويمين لو.في مكان بتاع صباعين جنب بعض بعيد عن الحك ركب براحتك ولو مفيش ومصر تركب كاوتش كبير فإعمل طقم فلنشات 8 سم عند الخراط يكون بيحترم نفسه ب ألفين جنيه وكلنا لما بنغير جنوط.بنعمل كده ولا تقلق وموضوعك بسيط ودمنم للنضال إوعه تسأل في موضوعك بتاع جنوط أو كاوتش حيجيبلك إحباط مزمن وحدلك على طريقة بسيطة روح لبتاع عجل اللي بيصلح الكاوتش حتلاقي عنده حاجات قديمة للبيع أم 100 جنيه دي إديله 20'جنيه وقول له بعد إذنك ركبهالي بس في عربيتي أجرب أشوفها حتحك في الرفارف ولا ﻷ ودمتم للنضال

**Karim Ibiza** · 14-09-2013 11:46 AM

فى البداية ياريت تقولنا ليه عايز تغير المقاس؟

المشاركة الأصلية كتبت بواسطة saddam

الفرق البسيط لن يؤثر على العفشة لو ركبت على 70 يا صديقي المواطن حتزيد ليونة العربية ولتلافي العومان ركب كاوتش عريض زي 205 بس القول الفصل عايزك تبص على الكاوتش بتاعك وهو واقف اﻷمامي والخلفي من داير الرفرف تمشيلي صباعبن جنب بعض لو عدو مستريح يبقه تقدر تركب ال 70 عادي وحيريحك جدا أما العرض فتبصلي عليها من.الداخل تشوف الكاوتش بتاعك فيه مسافة بعد عن جسم العربية وتلفلي الفردتين اﻷمامي شمال ويمين لو.في مكان بتاع صباعين جنب بعض بعيد عن الحك ركب براحتك ولو مفيش ومصر تركب كاوتش كبير فإعمل طقم فلنشات 8 سم عند الخراط يكون بيحترم نفسه ب ألفين جنيه وكلنا لما بنغير جنوط.بنعمل كده ولا تقلق وموضوعك بسيط ودمنم للنضال إوعه تسأل في موضوعك بتاع جنوط أو كاوتش حيجيبلك إحباط مزمن وحدلك على طريقة بسيطة روح لبتاع عجل اللي بيصلح الكاوتش حتلاقي عنده حاجات قديمة للبيع أم 100 جنيه دي إديله 20'جنيه وقول له بعد إذنك ركبهالي بس في عربيتي أجرب أشوفها حتحك في الرفارف ولا ﻷ ودمتم للنضال

ياباشا اسمحلى بس اعلق على نقطة انه ممكن يغير فى المقاس طالما مش هيحك
التغيير فى مقاسات الكاوتش ليه نسب لازم نراعيها
مش هقولك عشان العفشة والثبات والكلام ده لأن ده مفروغ منه
بس الفرق هيظهر فى ان عداد السرعة هيخلف معاك فى القراءة ومش هيديك السرعة الفعلية + ان ارتفاع العربية هيختلف