بعد 3 شهور من البحث أصبحت تيداوي

السلام عليكم جميعا
أخيرا و بعد طووووول انتظار الحمد لله خلصت امبارح في تيدا هاتش باك 2009 , العربيه ما شاء الله حالتها كويسه و فبريكه بره و جوه و في خبطه في الباب اللي ورا السواق , طلعت جربت العربيه عال إن أيه امبارح و ما شاء الله جابت مني 180 و انا مش واخد بالي :C_laugh[1]: , العربيه ما شاء الله ثابته جدا عالطريق و ال أوفر درايف بيخليها مجنونه بزياده , بشكر كل واحد في المنتدى:cheekkiss5: كتب حاجه عن العربيه ديه علشان انتوا اللي حببتوني في العربيه بجد و خلتوني اتمسك اني اجيبها عالرغم من اني قاعد بقالي 3 شهور مقضيها تكاسي ,
و هكتب كده حته للتيداويه و الصيناويه ميزعلوش مني طلعت انا وواحد صاحبي معاه صني الشكل الجديد 2013 و مع ان العربيه 2009 بس من الاخر و في كلمه واحده "علمت عالصني بزياده" :vctry:
تحياتي للجميع

الف مبروك و العربيه موتوها بسم الله ماشاء الله و بتعلم على الفيرنا عادى كده :(

مبروك يا باشا ربنا يباركلك فيها

بالتوفيق يا مواطن زمان كنت خطبت بنت معاها تيدا نبيتي وربك متممهاش على خير فدايما لما تيجي سيرة العربية.أفتكر الذي مضى تقبل مروري ودمتم للنضال

الف مبروك يا باشا و ربنا يحفظهالك

مبروك يا باشا

اقتباس:

---

المشاركة الأصلية كتبت بواسطة haysam2000

الف مبروك و العربيه موتوها بسم الله ماشاء الله و بتعلم على الفيرنا عادى كده :(

---

:) الله يبارك فيك يا باشا بس انت زعلان ليه ;) شكلك كده معاك فيرنا

سعر كام و العداد بليز؟

اقتباس:

---

المشاركة الأصلية كتبت بواسطة saddam

بالتوفيق يا مواطن زمان كنت خطبت بنت معاها تيدا نبيتي وربك متممهاش على خير فدايما لما تيجي سيرة العربية.أفتكر الذي مضى تقبل مروري ودمتم للنضال

---

:C_laugh[1]: احنا اسفين علشان فكرناك بالذي مضى يا ريس , بكره تاخد ست ستها و لا يهمك ;)

الله يبارك فيكم جميعا
العداد 74 ألف و السعر غالي سنه ب 92 ألف و أنا اعرف انها عامله 90 اللي في حالتها بس كنت مضطر علشان بقالي فتره من غير عربيه و غير كده العربيه نادره شويه و حالتها الصراحه شدتني .

طبعا العربية فيها ايموبلايز في كل فئاتها وسنوات بتاعتها صح ؟

مبروك يا باشا

اقتباس:

---

المشاركة الأصلية كتبت بواسطة mohamed hussei

طبعا العربية فيها ايموبلايز في كل فئاتها وسنوات بتاعتها صح ؟

---

و الله يا باشا سؤالك جميل و ياريت حد يجاوب لأن المفتاحين اللي استلمتهم نفس الشكل " مفتاح +ريموت" مفيهو ش إلا 3 زراير واحد يفتح و التاني يقفل و التالت لونه أحمر مرسوم على سبيكر و أنا مش فاهم التالت ده بتاع أيه ! و هل فعلا العربيه فيها ايموبلايزر و لا لأ لأني مسألتش صاحبها عن الموضوع ده ؟

اقتباس:

---

المشاركة الأصلية كتبت بواسطة memo2000soft

مبروك يا باشا

---

الله يبارك فيك

اقتباس:

---

المشاركة الأصلية كتبت بواسطة medhat bahgat

و الله يا باشا سؤالك جميل و ياريت حد يجاوب لأن المفتاحين اللي استلمتهم نفس الشكل " مفتاح +ريموت" مفيهو ش إلا 3 زراير واحد يفتح و التاني يقفل و التالت لونه أحمر مرسوم على سبيكر و أنا مش فاهم التالت ده بتاع أيه ! و هل فعلا العربيه فيها ايموبلايزر و لا لأ لأني مسألتش صاحبها عن الموضوع ده ؟

---

انا ركبتها 2012 كنت مع واحد قريبي هو استلم 3 مفاتيح معاهم تقريبا ومش لقي لمبة مكتوب عليها ايموبلايز مش عارف بئا فا انا بسئل علشان لو كدة واحد يشوف واحدة مستعملة عربية جميلة وميزتها عدم الانتشار تحس انت مختلف

الف مبروك والعربيه ديه من العربيات الممتازه واللي فيها ميزه ان الفئات اللي بتنزل في مصر هي نفس الفئات اللي بتنزل في العالم كله من غير مينقص منها اي حاجه في الكماليات واعتقد انها فيها ايموبلايزر وربنا يديك خيرها ويكفيك شرها

فيها ايموبلايزر....لا تقلق ان شاء الله
حاول تدورها بالمفتاح الي عليه علامة نيسان بالاسود وشوف النتيجة

اقتباس:

---

المشاركة الأصلية كتبت بواسطة jojojojo

الف مبروك والعربيه ديه من العربيات الممتازه واللي فيها ميزه ان الفئات اللي بتنزل في مصر هي نفس الفئات اللي بتنزل في العالم كله من غير مينقص منها اي حاجه في الكماليات واعتقد انها فيها ايموبلايزر وربنا يديك خيرها ويكفيك شرها

---

الله يبارك فيك , متشكر جداا

اقتباس:

---

المشاركة الأصلية كتبت بواسطة mohamed hussei

انا ركبتها 2012 كنت مع واحد قريبي هو استلم 3 مفاتيح معاهم تقريبا ومش لقي لمبة مكتوب عليها ايموبلايز مش عارف بئا فا انا بسئل علشان لو كدة واحد يشوف واحدة مستعملة عربية جميلة وميزتها عدم الانتشار تحس انت مختلف

---

بس بدأت تنتشر دلوقتي للأسف :46[1]: , هو اللي انا اعرفه ان الامبولايزر ده حاجه بتديكو رقم بيطلعه الريموت يعني بتتعرف عالريموت بتاع العربيه بحيث لو حد طلع مفتاح عالعربيه من غير ريموت مش هيبقى له لازمه و كمان لو حرامي ميعرفش يلمس اسلاك العربيه و يدورها لأنها مش هتدو إلا لما يكون الريموت جنبها !

اقتباس:

---

المشاركة الأصلية كتبت بواسطة elmkaneeki

فيها ايموبلايزر....لا تقلق ان شاء الله
حاول تدورها بالمفتاح الي عليه علامة نيسان بالاسود وشوف النتيجة

---

هجرب إن شاء الله و اكتبلكم
بس انت تقصد اني افتح العربيه بالمفتاح من غير الريموت و ادورها و اشوف هتدور و لا لأ صح ؟

جربت موضوع المفتاح من غير ما استخدم الريموت و العربيه دارت عادي !!!
هل معنى كده ان مفيهاش ايمبولايزر مع العلم اني مستلم مفتاحين و كل مفتاح معاه ريموت منفصل و اللي فهمته من اللي كان معاه العربيه ان التيدا كانت بتطلع مفاتيحها بالشكل ده 2009 يعني كان المفتاح منفصل عن الريموت .
ياريت اصحاب التيدا يفودونا
تحياتي

3 مفاتيح و 2 ريموت مش 2 و 2

الله يرزقك خيرها ويكفيك شرها ويباركلك فيها إن شاء الله
وأهلا بيك فى نسيان عموما مافيش تفرقة بين التيدا والصنى والقاشقاى وغيرها كلهم عيلة محترمة مش عايزين تفرقة كفاية اللى البلد فيه خلينا واحد الله يباركلكم جميعا

نيسان وبس

الف مبروك واختيار موفق وعقبال عشان انا مازلت في حيرة ومقضيها تكاسي :(

اقتباس:

---

المشاركة الأصلية كتبت بواسطة elmkaneeki

3 مفاتيح و 2 ريموت مش 2 و 2

---

شكرا لأهتمامك بس يا ترى المفاتيح التلاته لهم نفس الوظيفه يعني انا اعرف مثلا ان في مفاتيح للكونتاكت و تانيه للباب ؟
طب حضرتك عندك ايمبولايزر و لا لأ ؟

اقتباس:

---

المشاركة الأصلية كتبت بواسطة khaledshaheen

الله يرزقك خيرها ويكفيك شرها ويباركلك فيها إن شاء الله
وأهلا بيك فى نسيان عموما مافيش تفرقة بين التيدا والصنى والقاشقاى وغيرها كلهم عيلة محترمة مش عايزين تفرقة كفاية اللى البلد فيه خلينا واحد الله يباركلكم جميعا

---

..
ربنا يجمع كلمتنا عالحق :) وشكرا عالمباركه الجميله ديه

اقتباس:

---

المشاركة الأصلية كتبت بواسطة محمد هاني

الف مبروك واختيار موفق وعقبال عشان انا مازلت في حيرة ومقضيها تكاسي :(

---

ان شاء الله تلاقيها هي العربيه البيع فيها قليل فعلا و المعروض كتير منه متبهدل بس عدم اهتمام صاحب العربيه بها فتتعب شويه عقبال ما هتلاقيها لو بتدور على تيدا , بس عربيه محترمه .

ربنا يعطيك خيرها ويكفيك شرها.... بالنسبه لموضوع الايموبليز حضرتك علشان تقطع الشك باليقين روح لاى حد بتاع مفاتيح وخد معاك المفتاح اللى بتدور بيه العربيه وخليه يعملم عليه مفتاح حديد بس ( اللى بخمسه جنيه ) مش مفتاح مشفر ولا حاجه وروح بالمفتاح الحديد ده وحاول تدور العربيه

لو دارت يبقى العربيه مفهاش ايموبليزر للاسف

لو مدارتش يبقى مبروك عليك وفيها ايموبليزر

اه عندي يا فندم ايموبلايزر

اقتباس:

---

المشاركة الأصلية كتبت بواسطة m.abdou

ربنا يعطيك خيرها ويكفيك شرها.... بالنسبه لموضوع الايموبليز حضرتك علشان تقطع الشك باليقين روح لاى حد بتاع مفاتيح وخد معاك المفتاح اللى بتدور بيه العربيه وخليه يعملم عليه مفتاح حديد بس ( اللى بخمسه جنيه ) مش مفتاح مشفر ولا حاجه وروح بالمفتاح الحديد ده وحاول تدور العربيه

لو دارت يبقى العربيه مفهاش ايموبليزر للاسف

لو مدارتش يبقى مبروك عليك وفيها ايموبليزر

---

..
شكرا جدا لمشاركتك و ان شاء الله هعمل كده فعلا , تحياتي لك

اقتباس:

---

المشاركة الأصلية كتبت بواسطة elmkaneeki

اه عندي يا فندم ايموبلايزر

---

تمام

الف مبروك
ربنا يديك خيرها ويكفيك شرها

الف مبروك يا باشا

الله يبارك فيكم , شكرااا جدااا :)