استشارة فى مبادلة الألينترا 2012 بهوندا 2012

السلام عليكم

أنا كنت هنداوى قديم وكان معايا سيتى 2004 لمدة خمس سنين والحمد لله مزعلتنيش فى حاجة غير ضعف الأكصدامات

انا حولت وبقيت هيونداوى ومعايا النترا الشكل الجديد 2012 فولى لودد يعنى كل حاجة من اول السقف الى مثبت السرعة -
لكن مش مرتاح فيها لسبب واحد وهو ان التعليق الخلفى بيخلى السيارة تتمرجح من الخلف مع المطبات الا لو محمل ناس وشنط

امامى هوندا 2012 الشكل الجديد نبيتى فى تى أى كاملة بالسقف وكله عاملة 20 الف كم زى الالنترا بالضبط - وهادفع فرق طبعا حوالى 40 الف وحالة السيارتين زى بعض تمام حتى نفس الكيلومتر يعنى سيارتى على 135 مثلا وهو 175 الف

حد يقولى هل أدوس والا اييييييييييييييييه







تم تعديل العنوان ليتناسب مع المحتوى

لو حضرتك تقصد العربية ماشية 175 الف يبقي خليك في عربيتك احسن لان كدة كتير اوي

أعتقد انت لو زودت السعر ده على الفولي لوديد تجيب حاجة أحسن من السيفيك ... لوغاوي السيفيك هاتها ومتحرمش نفسك من حاجة مفيش أحلى من أنك تركب عربية غاويها وبتحبها والسيفيك عربية كويسة .

اقتباس:

---

المشاركة الأصلية كتبت بواسطة m i d o

لو حضرتك تقصد العربية ماشية 175 الف يبقي خليك في عربيتك احسن لان كدة كتير اوي

---

لأ ال 175 الف جنيه مش كم - السيارة 2012 ملحقتش دى عاملة 20 الف كم
ايه رأيك؟

اقتباس:

---

المشاركة الأصلية كتبت بواسطة ashturbo

أعتقد انت لو زودت السعر ده على الفولي لوديد تجيب حاجة أحسن من السيفيك ... لوغاوي السيفيك هاتها ومتحرمش نفسك من حاجة مفيش أحلى من أنك تركب عربية غاويها وبتحبها والسيفيك عربية كويسة .

---

والله الحقيقة أنا بعشق هوندا عموما - مبحبش الألمانى لأنه خشن شوية بالرغم من انه أجمد فى بنيته
انت ايه رأيك ؟

لو انت مبسوط بالالنترا و العربية مريحاك و شايف انك مش محتاج ثبات السيفيك
يبقى خليك ف الالنترا ,, خصوصا انك مش هتغيير لفئة اعلى و هتدفع 40 الف

لكن لو الالنترا اللى معاك مفهاش ايمبوليزر ,, يبقى الحق اخلص منها

اقتباس:

---

المشاركة الأصلية كتبت بواسطة sindibad

لأ ال 175 الف جنيه مش كم - السيارة 2012 ملحقتش دى عاملة 20 الف كم
ايه رأيك؟

---

انا بقول برضو هية لحقت ههههههههههه بص مادام انت غاوي الهوندا اتوكل علي الله لاكن انا في رايي الشخصي خليك في الالنترا عربية جميلة جدا وشكل احلي بكتير من الهوندا ومشكلة التخبيط دي فكك متركزش فيها اوي هتكون راكب عربية انت الي مربيها علي ايدك من الزيرو وشكل اجمل ولما هتيجي تبيع بعدين سعر اعادة بيع هيكون اقوي و القرار النهائي لحضرتك

الهوندا اشد واقيم مع ان الالنترا جميله لاكن الراحه النفسيه هامه لو انا مش مرتاح للمرسيدس وراكبها هكون مش مبسوط اهم حاجه تكون العربيه انتا بتحبها كأنك انتا هيا هتبقا مرتاح وكل مشوار هيبقا متعه الشيء الثاني ان يكون لا يوجد اي عيوب خفيه بها والا عربيتك مضمونه ارجو لك التوفيق

لو كنت فكرت في الفوكاس 2012 مكنتش فكرت في البدل ولا حتى البيع
بس ربنا يوفقك إن شاء الله

اقتباس:

---

المشاركة الأصلية كتبت بواسطة sindibad

السلام عليكم

أنا كنت هنداوى قديم وكان معايا سيتى 2004 لمدة خمس سنين والحمد لله مزعلتنيش فى حاجة غير ضعف الأكصدامات

انا حولت وبقيت هيونداوى ومعايا النترا الشكل الجديد 2012 فولى لودد يعنى كل حاجة من اول السقف الى مثبت السرعة -
لكن مش مرتاح فيها لسبب واحد وهو ان التعليق الخلفى بيخلى السيارة تتمرجح من الخلف مع المطبات الا لو محمل ناس وشنط

امامى هوندا 2012 الشكل الجديد نبيتى فى تى أى كاملة بالسقف وكله عاملة 20 الف كم زى الالنترا بالضبط - وهادفع فرق طبعا حوالى 40 الف وحالة السيارتين زى بعض تمام حتى نفس الكيلومتر يعنى سيارتى على 135 مثلا وهو 175 الف

حد يقولى هل أدوس والا اييييييييييييييييه







تم تعديل العنوان ليتناسب مع المحتوى

---

توكل على الله . العربية كويسة جدا و الجديدة 2013 عاملة 215 ألف يعنى السعر معقول بس حاول تعمل فحص فى الوكيل

بالمناسبة شكل 2012 هو بالضبط 2013

شوف ياباشا بحيادية تامة , لان فى الاول وفى الاخر محدش هيستفاد حاجة انك تشترى دية او دية , هقيمهالك كدة من حيث كل حاجة عشان تبقى عارف انت هتغير للاحسن فية اية ولااقل فى اية

1- من حيث الشكل الخارجى : الالنترا تكسب

2- من حيث الشكل الداخلى : السيفيك اشد وبردة الالنترا مش وحشة بس السيفيك عصرية اوى

3- من حيث التقفيل : السيفيك افضل

4- من حيث الاداء كمحرك : السيفيك اشد خصوصا فوق 130 كم بفضل نظام ال i-vtec لية متعة تانية تماما

5- من حيث الثبات : السيفيك اشد وبفرق

6- من حيث الراحة : السيفيك افضل

7- من حيث المساحة : تقريبا زى بعض بس الالنترا اوسع شوية من قدام

8- من حيث استهلاك البنزين : السيفيك افضل قليلا

9- من حيث انظمة الامان : السيفيك طبعا

10- من حيث الاوبشن : الالنترا بتنزل بأوبشن اكتر من السيفيك

11- الاعتمادية : السيفيك ( انا لحد دلوقتى شايف اربع سيارات النترا عطلانين فى وسط الطريق ) دة غير ان الالنترا بتحتاج تغير علبة دركسيون على 30-40 الف كيلو + كبالن امامية

فى حين ان السيفيك 2012 عالجت كل المشاكل اللى كانت بتواجها فى الجيل الثامن

11- توافر قطع الغيار واسعارها : الاتنين موجودين + والاتنين اسعارهم واحدة

دية المقارنة مابينهم وفية هنا الاستاذ amrgoma كان معاة النترا 2012 وبدلها بسيفيك 2012 ومرتاح جداااااااااااااااااا الحمد لله ممكن بردة تستنى رأية وتقييمة

الحمد لله وبعد الأستخارة بيعت الألنترا واشتريت الهوندا فى صفقة مع التاجر والفرق الحمد لله مش كبير قوى تعتبر السيفيك وقفت عليه ب 175 الف جنيه وهى فى تى أى مش ال اكس

السيارة نبيتى غامق (طوبى) لونها حلو - ناعمة جدا - موتور قوى - عفشة ممتازة فى الأمام - ناشفة شوية صغيرة فى الخلف لكن مش مضايقانى زى الألنترا - الكاسيت صوته حلو قوى - التابلوه روعة - الشاشة الخمسه بوصة مش عارف اتعامل معاها - حد يقولى ازاى استخرج معلومات السيارة منها زى معدل استهلاك البنزين والمسافة المتبقية وكده !!!!!!!!1 - الغريبة ان مفيش فوانيس شبورة!!!! عجيبة دى - حد معاه فوانيس شبورة فى عربيته - أحسن تكون مغيرة اكصدام ؟

الجنط شكله حلو - لسه لم أصورها - ولما أصورها هاعمل بوست كامل

الفرق بين الألنترا والهوندا مش كبير قوى لغاية دلوقتى لأننى مسافرتش بيها يادوب 2 كم من المعرض للبيت

لما اجربها هقولكم ايه بالضبط الموضوع

سلام

الف مبروك واختيار موفق ان شاء الله هوندا يعنى اعتماديه - جوده- ثبات- امان وان شاء الله هتحس بفرق جامد وهتدعى لقسم هوندا نايل موتورز

مبروك يا صديقي المواطن ولكن 40 ألف تدفع فرق في عربيتك فإنت كده لم تحسن اﻹختيار وكان معاك عربية تبيعها في ثانية وخدت عربية تقعد تدلل في بيعها وشكلها مش حلو وقطع غيارها غالية وإنت لو كنت بتفكر بره الصندوق كان وصلت لحل أسهل وهو ببساطة عربيتي مزعلاني من نظام التعليق الخلفي مش مصيبة أعدله بألفين جنيه وأشتري صحتي عامة إنت إشتريت خلاص وكلامي مش حيعجبك ولا حيعجب ملاك هوندا بس قدام شوية حتفتكر كلامي ودمتم.للنضال واللي عمل معاك المبادلة دلوأتي بيصلي ركعتين شكر

اقتباس:

---

المشاركة الأصلية كتبت بواسطة saddam

مبروك يا صديقي المواطن ولكن 40 ألف تدفع فرق في عربيتك فإنت كده لم تحسن اﻹختيار وكان معاك عربية تبيعها في ثانية وخدت عربية تقعد تدلل في بيعها وشكلها مش حلو وقطع غيارها غالية وإنت لو كنت بتفكر بره الصندوق كان وصلت لحل أسهل وهو ببساطة عربيتي مزعلاني من نظام التعليق الخلفي مش مصيبة أعدله بألفين جنيه وأشتري صحتي عامة إنت إشتريت خلاص وكلامي مش حيعجبك ولا حيعجب ملاك هوندا بس قدام شوية حتفتكر كلامي ودمتم.للنضال واللي عمل معاك المبادلة دلوأتي بيصلي ركعتين شكر

---

هية دة وجهة نظرك , تمام مافيش مشكلة

بس فية توضيح لازم تعرفة

السيفيك بتتخطف والف مين بيدور عليها

قطع غيار السيفيك نفس تمن قطع غيار اللالنترا وفية حاجات فى الالنترا اغلى مع فرق الاعتمادية لصالح الهوندا

شكلها مش حلو , الكلام دة خاطىء , هية شكلها مش بيعجب ناس كتير عشان معجبين السيفيك خدوا على Style معين بس كدة , لكن العربية بقت افضل من الجيل الثامن

وعلى فكرة هو فعلا عمل صفقة رابحة , انت مش مقدرها الا لو ركبت الاتنين ساعتها هتعرف

- تعليق اية دة اللى يتعدل بألفين جنية دة وبتاع عربية اية اصلا ؟؟؟؟ وحتى لو ليها تعديل لية اصلا يلعب فى عربية لسة جديدة

- لأ هو حضرتك المفروض صاحب الموضوع هو اللى يكون صلى ركعتين شكر انة خلص من العربية دية

اقتباس:

---

المشاركة الأصلية كتبت بواسطة sameh_fouad

هية دة وجهة نظرك , تمام مافيش مشكلة

بس فية توضيح لازم تعرفة

السيفيك بتتخطف والف مين بيدور عليها

قطع غيار السيفيك نفس تمن قطع غيار اللالنترا وفية حاجات فى الالنترا اغلى مع فرق الاعتمادية لصالح الهوندا

شكلها مش حلو , الكلام دة خاطىء , هية شكلها مش بيعجب ناس كتير عشان معجبين السيفيك خدوا على style معين بس كدة , لكن العربية بقت افضل من الجيل الثامن

وعلى فكرة هو فعلا عمل صفقة رابحة , انت مش مقدرها الا لو ركبت الاتنين ساعتها هتعرف

- تعليق اية دة اللى يتعدل بألفين جنية دة وبتاع عربية اية اصلا ؟؟؟؟ وحتى لو ليها تعديل لية اصلا يلعب فى عربية لسة جديدة

- لأ هو حضرتك المفروض صاحب الموضوع هو اللى يكون صلى ركعتين شكر انة خلص من العربية دية

---

اﻷخ الطيب لا طاقة عندي للدخول معك في جدالات لا طائل منها أنت مقتنع برأيك وأنا مش حغير رأيي وهوندة إيه اللي أنا أعتبرها ركوبة أساسا هو حضرتك بتتكلم عن شبح وأنا مش واخد بالي ثم كلامي وكلامك مش حينفع صاحب الموضوع هو إشترى ومبسوط وخلاص وده المهم أما تيجي تكلمني في تعديل فلحد كده وعندك أنا عمري مخليت عيب في عربية يوقف في وشي ومبقعدش أبكي وأعيط زي مناس كتير بتعمل ولا ألوم توكيل ولا ألوم زمن عربية عجباني فيها مشكلة في التكييف أعدل التكييف مشاكل في العفشة أغير وأوفق عفشة كورونة مش عجباني أغيرها وأنا مقضي حياتي كلها في تعديلات أما اللي خد اﻹلانترا دلوأتي فهو إتضحك عليه فأحب أقلك إن الراجل اللي إشتراها لو مكسبش في الليلة دي من 25 إلر 30 مكانش دخل الدخلة دي بعدين هو حضرتك مش شايف الهوندا ليها ناس معينة أما إلانترا الناس لما بيكون معاها فلوس زيادة وعايزة تجيب عربية أغلى فيجيب إلانترا ملحوظة أنا لا أغترف بالعربيتين عشان نكون واضحين إحنه لينا تفكير تاني وركوبات تانية الإلانترا تلاقي دلوأتي قطع غيارها التجاري بتنزل أما الهوندا مش حتنزل قطع غيار تجاري وحتفضل عايش عالتوكيل بس ثم الهوندا الشكل القديم أحلى والهوندا مش عربية وحشة لكن مش تستاهل الفلوس المدفوعة فيها وأنا ممكن أقلك أنا شاري 3 طقم مرايات سيفيك 2010 جداد ومركبهم تعديل في عربياتي وفعلا تصميمهم شيك جدا ثم حتروح بعيد ليه إسأل أي ظابط أو أي سوق حرامية شوف كام إلانترا مسروقة وشوف كام هوندا مسروقة حتى الحرامي يقلك وأنا أسرق عربية مش بياعة ليه أنا أسرقلي عربية عليها طلب ومعلش اللي يقلك عربية مفيهاش أمبولايزر روح بيعها مهازل والله الواحد بيسمعها ويقول والله مساكين إعمل يا سيدي إمبولايزر إعمل بصمة إعمل تراكر إعمل مفتاح خاص إعمل زراير خفية إعمل تايمر متوقفش على حاجات بسيطة عزل مش حلو بحاجات بسيطة أضاغف العزل وأخليها رولز رويز وعيش حياتك

الأخ الكريم الموضوع أخد أكبر من حجمه وأتمنى متردش عليا عشان إنت عارف لا إنت حتغير رأيك ولا أنا حغير رأيي ودمتم للنضال

اقتباس:

---

المشاركة الأصلية كتبت بواسطة saddam

اﻷخ الطيب لا طاقة عندي للدخول معك في جدالات لا طائل منها أنت مقتنع برأيك وأنا مش حغير رأيي وهوندة إيه اللي أنا أعتبرها ركوبة أساسا هو حضرتك بتتكلم عن شبح وأنا مش واخد بالي ثم كلامي وكلامك مش حينفع صاحب الموضوع هو إشترى ومبسوط وخلاص وده المهم أما تيجي تكلمني في تعديل فلحد كده وعندك أنا عمري مخليت عيب في عربية يوقف في وشي ومبقعدش أبكي وأعيط زي مناس كتير بتعمل ولا ألوم توكيل ولا ألوم زمن عربية عجباني فيها مشكلة في التكييف أعدل التكييف مشاكل في العفشة أغير وأوفق عفشة كورونة مش عجباني أغيرها وأنا مقضي حياتي كلها في تعديلات أما اللي خد اﻹلانترا دلوأتي فهو إتضحك عليه فأحب أقلك إن الراجل اللي إشتراها لو مكسبش في الليلة دي من 25 إلر 30 مكانش دخل الدخلة دي بعدين هو حضرتك مش شايف الهوندا ليها ناس معينة أما إلانترا الناس لما بيكون معاها فلوس زيادة وعايزة تجيب عربية أغلى فيجيب إلانترا ملحوظة أنا لا أغترف بالعربيتين عشان نكون واضحين إحنه لينا تفكير تاني وركوبات تانية الإلانترا تلاقي دلوأتي قطع غيارها التجاري بتنزل أما الهوندا مش حتنزل قطع غيار تجاري وحتفضل عايش عالتوكيل بس ثم الهوندا الشكل القديم أحلى والهوندا مش عربية وحشة لكن مش تستاهل الفلوس المدفوعة فيها وأنا ممكن أقلك أنا شاري 3 طقم مرايات سيفيك 2010 جداد ومركبهم تعديل في عربياتي وفعلا تصميمهم شيك جدا ثم حتروح بعيد ليه إسأل أي ظابط أو أي سوق حرامية شوف كام إلانترا مسروقة وشوف كام هوندا مسروقة حتى الحرامي يقلك وأنا أسرق عربية مش بياعة ليه أنا أسرقلي عربية عليها طلب ومعلش اللي يقلك عربية مفيهاش أمبولايزر روح بيعها مهازل والله الواحد بيسمعها ويقول والله مساكين إعمل يا سيدي إمبولايزر إعمل بصمة إعمل تراكر إعمل مفتاح خاص إعمل زراير خفية إعمل تايمر متوقفش على حاجات بسيطة عزل مش حلو بحاجات بسيطة أضاغف العزل وأخليها رولز رويز وعيش حياتك



الأخ الكريم الموضوع أخد أكبر من حجمه وأتمنى متردش عليا عشان إنت عارف لا إنت حتغير رأيك ولا أنا حغير رأيي ودمتم للنضال

---

سيدى الفاضل

لقد أحبطتنى أحباطا غير عادى - موضوع التعديلات ده مش اى حد له فيه - يمكن انت معاك جرأة وفلوس تعدل - لكن انا لأ - لا عندى الجرأة ولا مستعد أدفع فلوس فى تجربة يمكن تنفع ويمكن لأ - المضمون احسن - وبالنسبة لى أقرب ركوبة للبى أم والمرسيدس اللى انا نفسى اركبهم بس موديل عالى ومش معايا دلوقتى امكانية هى الهوندا - انا ركبت تقريبا كل انواع السيارات سواء فى مصر او أوروبا - ما عدا المرسيدس ركبتها ولم اسوقها والبى ام أيضا سوقتها لكن مش كتير - لكن بعد كده تقريبا جربت كله من اول موديلات 1979 الى 2013 من كل الأنواع وعارف يعنى ايه هوندا - والمسألة ذوق شخصى - أما مسألة المكسب المادى فبلا شك التاجر اللى أخد الألنترا فرحان زى ما قولت لأنه أخد سيارة بياعة - صح كلامك - ولكن بالنسبة لى انا كسبت الهوندا - الحقيقة المسألة شخصية تماما - وبتفرق من واحد للتانى - ومحدش يقدر يحكم على الأطلاق - والا كان زمان هوندا لم تبيع قطعة واحدة من سياراتها - المشكلة فى هوندا التسويق - هما مكبرين دماغهم تماما لن الفطيم مش محتاج وأنا شخصيا قعدت مع واحد من اللى بيعرف الراجل الكبير وقاللى انه لا يتابع حتى اداء التوكيل هنا الا نادرا ومش فى دماغه سوق مصر نهائى - الشكل الخارجى مسألة تعود - الألنترا احلى مفيش كلام - لكن الشكل مش كل حاجه - انا باركب مش باتفرج - التابلوه الداخلى بتاع هوندا جميل جدا وفخم وده اللى يهمنى لأنى قاعد فى السيارة طول الوقت - الأداء ممتاز - العفشة مريحة - التكييف تلج - الكاسيت ممتاز - السماعات تحفة - كل ده على ابوه مش محتاج تعديل انا فى حاجة - ولو هعدل هاعدل شكل من بره - نواكل - عتب - ليدات - فوانيس - وهكذا - بعيد عن انظمة التشغيل علشان الضمان - كمان توكيل هوندا فى التجمع جميل جدا وانا ساكن فى التجمع دلوقتى - يعنى خطوتين - دى كلها حاجات بتدخل فى الحسابات - انت ليك حساباتك برضه وانا مبسوط وانت مبسوط - فأيه الداعى للخلاف ؟؟؟؟؟

ودمتم للنضال !!!!

اقتباس:

---

المشاركة الأصلية كتبت بواسطة sindibad

سيدى الفاضل

لقد أحبطتنى أحباطا غير عادى - موضوع التعديلات ده مش اى حد له فيه - يمكن انت معاك جرأة وفلوس تعدل - لكن انا لأ - لا عندى الجرأة ولا مستعد أدفع فلوس فى تجربة يمكن تنفع ويمكن لأ - المضمون احسن - وبالنسبة لى أقرب ركوبة للبى أم والمرسيدس اللى انا نفسى اركبهم بس موديل عالى ومش معايا دلوقتى امكانية هى الهوندا - انا ركبت تقريبا كل انواع السيارات سواء فى مصر او أوروبا - ما عدا المرسيدس ركبتها ولم اسوقها والبى ام أيضا سوقتها لكن مش كتير - لكن بعد كده تقريبا جربت كله من اول موديلات 1979 الى 2013 من كل الأنواع وعارف يعنى ايه هوندا - والمسألة ذوق شخصى - أما مسألة المكسب المادى فبلا شك التاجر اللى أخد الألنترا فرحان زى ما قولت لأنه أخد سيارة بياعة - صح كلامك - ولكن بالنسبة لى انا كسبت الهوندا - الحقيقة المسألة شخصية تماما - وبتفرق من واحد للتانى - ومحدش يقدر يحكم على الأطلاق - والا كان زمان هوندا لم تبيع قطعة واحدة من سياراتها - المشكلة فى هوندا التسويق - هما مكبرين دماغهم تماما لن الفطيم مش محتاج وأنا شخصيا قعدت مع واحد من اللى بيعرف الراجل الكبير وقاللى انه لا يتابع حتى اداء التوكيل هنا الا نادرا ومش فى دماغه سوق مصر نهائى - الشكل الخارجى مسألة تعود - الألنترا احلى مفيش كلام - لكن الشكل مش كل حاجه - انا باركب مش باتفرج - التابلوه الداخلى بتاع هوندا جميل جدا وفخم وده اللى يهمنى لأنى قاعد فى السيارة طول الوقت - الأداء ممتاز - العفشة مريحة - التكييف تلج - الكاسيت ممتاز - السماعات تحفة - كل ده على ابوه مش محتاج تعديل انا فى حاجة - ولو هعدل هاعدل شكل من بره - نواكل - عتب - ليدات - فوانيس - وهكذا - بعيد عن انظمة التشغيل علشان الضمان - كمان توكيل هوندا فى التجمع جميل جدا وانا ساكن فى التجمع دلوقتى - يعنى خطوتين - دى كلها حاجات بتدخل فى الحسابات - انت ليك حساباتك برضه وانا مبسوط وانت مبسوط - فأيه الداعى للخلاف ؟؟؟؟؟

ودمتم للنضال !!!!

---

صديقي المواطن
المهم إنت مبسوط وفي اﻵخر دي حاجتك وفلوسك بس اللي زعلني أكتر إنك طلعت زميل لافف وشايف الدنيا يعني شفت العربيات بره اللي عندنا بمليون ونص بره ب 200 ألف يعني أنت مطلع ولست محروم زي معظم أبناء الشعب المصري فبعد اللف والدوران تحط 175 ألف في هوندا وكمان تحسسني إنك سعيد عارف لو.إنت عايش في مصر على أبوه كنت قلتلك مبروك بس إنت محتاج تقعد مع نفسك ولو دي نظرتك في موضوع بسيط زي تغيير عربية بعربية تانية يبقه تجاربك في السفر منفعتكش بحاجة
أرجوك تسامحني أرجوك تسامحني بس زي مكل المنتدى عارف أنا العربيات بتجري بدمي ويمكن عندي عربيتين تلاتة في التعديل والشد والتطوير بقالهم 3 و 4 سنين ولسه مركبتهمش وبعتبر كل المنتدى إخواتي فبتحرق بجد لما أشوف تاجر أو.توكيل بيضحك عليهم

عموما صديقي المواطن متلتفتش ﻷي حرف من كلامي وإن شاء الله تقضيلك فيها سنتين وتروح تجيب البي إم أو المرسبدس اللي نفسك فيها بس مش تصوم وتروح تجيب بي إم 300 خليك مبتكر
ودمتم للنضال

اﻷخ الطيب الحبيب أبو ألف من يشتريها بكره لو نزلت إعلان خسارة 20 ألف حتسمع كلام كتير بس المحصلة كفتة مفيش

ملحووظة معادش فيه حاجة إسمها تعديل ينجح أو مينجحش هو إنت بتعدل عند اﻷسطة بلية أبشركم إحنه في مصر بنتقدم وكل التعديلات بتتفوق وبتضيف عالفبريكة بس تكون ملم ومواكب ومطلع
بالتوفيق وسامحني نيتي عكس إحباطك نيتي في المستقبل تفكر أكثر وتحسبها صح

اقتباس:

---

المشاركة الأصلية كتبت بواسطة saddam

صديقي المواطن
المهم إنت مبسوط وفي اﻵخر دي حاجتك وفلوسك بس اللي زعلني أكتر إنك طلعت زميل لافف وشايف الدنيا يعني شفت العربيات بره اللي عندنا بمليون ونص بره ب 200 ألف يعني أنت مطلع ولست محروم زي معظم أبناء الشعب المصري فبعد اللف والدوران تحط 175 ألف في هوندا وكمان تحسسني إنك سعيد عارف لو.إنت عايش في مصر على أبوه كنت قلتلك مبروك بس إنت محتاج تقعد مع نفسك ولو دي نظرتك في موضوع بسيط زي تغيير عربية بعربية تانية يبقه تجاربك في السفر منفعتكش بحاجة
أرجوك تسامحني أرجوك تسامحني بس زي مكل المنتدى عارف أنا العربيات بتجري بدمي ويمكن عندي عربيتين تلاتة في التعديل والشد والتطوير بقالهم 3 و 4 سنين ولسه مركبتهمش وبعتبر كل المنتدى إخواتي فبتحرق بجد لما أشوف تاجر أو.توكيل بيضحك عليهم

عموما صديقي المواطن متلتفتش ﻷي حرف من كلامي وإن شاء الله تقضيلك فيها سنتين وتروح تجيب البي إم أو المرسبدس اللي نفسك فيها بس مش تصوم وتروح تجيب بي إم 300 خليك مبتكر
ودمتم للنضال

اﻷخ الطيب الحبيب أبو ألف من يشتريها بكره لو نزلت إعلان خسارة 20 ألف حتسمع كلام كتير بس المحصلة كفتة مفيش

ملحووظة معادش فيه حاجة إسمها تعديل ينجح أو مينجحش هو إنت بتعدل عند اﻷسطة بلية أبشركم إحنه في مصر بنتقدم وكل التعديلات بتتفوق وبتضيف عالفبريكة بس تكون ملم ومواكب ومطلع
بالتوفيق وسامحني نيتي عكس إحباطك نيتي في المستقبل تفكر أكثر وتحسبها صح

---

بص انت عندك حق فى موضوع انك تحط 175 الف جندى فى سيارة بتتباع فى الخليج مثلا بنص المبلغ ده لكن ايه العمل ؟ أهاجر مثلا - مش هينفع - الواقع بيقول ان موضوع التعديلات ده لسه بدرى عليه والناس مش مهتمة بيه قوى - لما يستوى كده ويرعرع وينتشر - بالتأكيد هيكون هوه السبيل والطريقة الوحيدة للقضاء على استغلال الوكيل والتجار - لكن الى ان يتم ذلك مضطرين نتعامل - هنعمل ايه؟ المسألة مسألة وقت - كام عربية متعدلة فى مصر وتمثل نسبة كام فى السيارات؟ حاجة بسيطة - ليه لأن حتى أمكانيات التعديل مش متاحة زى أمريكا مثلا - أوروبا حالة خاصة - بتدعم صناعتها وبتفرض على الصناعات الأخرى زى اليابانى ضرائب وجمارك عالية وسعر الهوندا هناك زى هنا وأعلى كمان - علشان فرق اليورو - لكن السعودية والأمارات حاجة تانية - شوف أنا معاك لو انت بتفهم فى التعديلات انا عاوز اخد من خبرتك - وعلى فكرة انا مهندس ميكانيكا وخبرة من سنة 1991 فى المحركات الدوارة وباشتغل فى شركة انترناشيونال ولى فى موضوع المحركات التوربينية لكن مش فى الترددية ولذلك لو عندك مواقع بتتكلم عن التعديلات ابعت لى وممكن كمان ننشر انا وانت الثقافة دى - فى المنتدى هنا عقول ممتازة - وممكن تتعاون معانا - ممكن كمان تكبر معانا ونعمل مركز - شوف وانا تحت امرك فى اى حاجة - وانا مقدر حرقتك على الناس وعملية السرقة اللى بتتم فى مصر من الوكلاء والتجار وفاهم انت معترض على ايه كويس - وقرار شرائى كان ممكن يتأجل لو فيه حل تانى لكن انت رديت متأخر شوية - مش مشكلة - المهم نعلم الناس ونوعييهم ونشرح لهم ونفهمهم ممكن يتغلبوا أزاى على مشاكل سياراتهم - وأنا معاك ياسيدى - ودمت للنضال والكفاح

متابع :fun_10_9_134[1]:
:yeah: :argue1:

ياأستاذى الفاضل saddam

فى مصر عندنا كل شىء مبالغ فى تمنة , يعنى من اربع سنين كنت تحط 150 الف جنية تركب عربية high line , دلوقتى تركب نفس العربية فاضية اول فئة

طيب نعمل اية مانركبش عربيات يعنى عشان الدنيا عندنا كدة , خلاص دة واقع واحنا عايشينة

- نيجى بقى لنقطة البيع , ياباشا انت لسة مشترى عربية هتفكر تبيعها , وبعدين حضرتك بتتكلم عن سيفيك مش بتتكلم عن عربية كورى او صينى او ماليزى

يعنى معاك عربية فيها انظمة امان كتير - سيارة واسعة ومريحة - وموفرة فى البنزين - من اقوى المحركات ال1600 فى مصر - ناعمة - جودة تقفيل - قلة اعطال - مصاريف تشغيل اى حد يقدر عليها

كل دة اية تخليها تكون السيارة الاولى فى فئتها

انت بتتكلم عن السيارات الالمانية : وان السيفيك لا تمثل ليهم شىء

طيب ياباشا ماتجيب كدة امثلة سياارات ونشوف اذا كانت السيفيك تستاهل ولا لأ

وكلمة اخيرة بس , عدل فى اى عربية انت عايزها , لكن الكورى مابينفعش معاة التعديل , مهما تصرف علية فى الاول وفى الاخر كورى وادائة هيفضل اداء كورى ولو فكرت تعدل هتصرف جاااااااااااااااااااااااا ااااامد جداا, يبقى من الافضل انك تبيع العربية وتجيبلك حاجة افضل

وخلى بالك دة مش كلام لأ دة عن تجارب

اقتباس:

---

المشاركة الأصلية كتبت بواسطة sameh_fouad

ياأستاذى الفاضل saddam

فى مصر عندنا كل شىء مبالغ فى تمنة , يعنى من اربع سنين كنت تحط 150 الف جنية تركب عربية high line , دلوقتى تركب نفس العربية فاضية اول فئة

طيب نعمل اية مانركبش عربيات يعنى عشان الدنيا عندنا كدة , خلاص دة واقع واحنا عايشينة

- نيجى بقى لنقطة البيع , ياباشا انت لسة مشترى عربية هتفكر تبيعها , وبعدين حضرتك بتتكلم عن سيفيك مش بتتكلم عن عربية كورى او صينى او ماليزى

يعنى معاك عربية فيها انظمة امان كتير - سيارة واسعة ومريحة - وموفرة فى البنزين - من اقوى المحركات ال1600 فى مصر - ناعمة - جودة تقفيل - قلة اعطال - مصاريف تشغيل اى حد يقدر عليها

كل دة اية تخليها تكون السيارة الاولى فى فئتها

انت بتتكلم عن السيارات الالمانية : وان السيفيك لا تمثل ليهم شىء

طيب ياباشا ماتجيب كدة امثلة سياارات ونشوف اذا كانت السيفيك تستاهل ولا لأ

وكلمة اخيرة بس , عدل فى اى عربية انت عايزها , لكن الكورى مابينفعش معاة التعديل , مهما تصرف علية فى الاول وفى الاخر كورى وادائة هيفضل اداء كورى ولو فكرت تعدل هتصرف جاااااااااااااااااااااااا ااااامد جداا, يبقى من الافضل انك تبيع العربية وتجيبلك حاجة افضل

وخلى بالك دة مش كلام لأ دة عن تجارب

---

يمكن يكون عندك حق - لما بفكر فى سيفيك 92-94 وهى فى بورسعيد كتير بالمناسبة وتشوف الناس عاملة فيها ايه وشكلها احلى من سيارات كتير جديدة واقوى وانعم وأفضل بمراحل وتشوف الكورى لنفس السنة زى الأكسيل والأكسنت مثلا تلاقى فرق شاسع فى كل حاجة - لكن للأمانة الكورى أتقدم كتير جدا وأصبح ينافس بقوة اليابانى وقرب منه قوى والفروق لم تعد كبيرة جدا زى زمان نشوف مثلا سيارة زى الالنترا الماتريكس والفيرنا عملوا شغل عالى بالغم من انهم عاديين جدا ولغاية دلوقتى شغالين كويس

اقتباس:

---

المشاركة الأصلية كتبت بواسطة Sindibad

يمكن يكون عندك حق - لما بفكر فى سيفيك 92-94 وهى فى بورسعيد كتير بالمناسبة وتشوف الناس عاملة فيها ايه وشكلها احلى من سيارات كتير جديدة واقوى وانعم وأفضل بمراحل وتشوف الكورى لنفس السنة زى الأكسيل والأكسنت مثلا تلاقى فرق شاسع فى كل حاجة - لكن للأمانة الكورى أتقدم كتير جدا وأصبح ينافس بقوة اليابانى وقرب منه قوى والفروق لم تعد كبيرة جدا زى زمان نشوف مثلا سيارة زى الالنترا الماتريكس والفيرنا عملوا شغل عالى بالغم من انهم عاديين جدا ولغاية دلوقتى شغالين كويس

---

ياباشا الفيرنا والماتريكس دول سيارات نازلة اقتصادية , يعنى مهما عملتلها من تعديلات دة اخر السيارة , معلش يعنى لما الفيرنا تتباع ب44 الف جنية موديل 2006-2007 اكيد طبعا ناس كتير هتجيبها وهتبيع , زيها زى اللانوس , لانها الصراحة صفقة رابحة جداااااا , للى لسة مبتدى حياتة وعايز عربية لعائلتة الصغيرة ومصاريف تكاليفها قليلة بدل مايجيب عربية 131-132 تمنهم 21-23 الف جنية , يستحمل سنة ولا اتنين ويجيب فيرنا احسنلة 100 مرة من اى عربية قديمة وقطع غيارها عند البقال - ومش غالية واى واحد يصلحها

لكن انتشارها مش لحلاوتها لا سمح الله

الكورى اتقدم فى الاتى

1- شكل - اوبشن -- مواتير

فقط لاغير

وعموما عشان انا بس مش عايز احول الموضوع لمقارنة مابين الكورى واليابانى

بس صدقنى هناك فرق كبير لن تستطيع السيارات الكورية تخطى اليابانية فية وبالتحديد العمالقة الثلاثة ( honda - subaru - toyota )

يا استاذ Sindbad اولا مبروك عالعربية و طالاما مبسوط بيها و مستريحلها نفسيا عن الالنترا يبقى خلاص متفكرش كتير اهم حاجة الاقتناع و ربنا يكفيك شرها و يديلك خيرها

يا أستاذ Sadam احنا فئة من المستهلكين غير حضرتك .. احنا ناس بنشتري العربية زيرو نستهلك فيها بالكتير 10 سنين و نقوم بايعنها .. و الهوندا مش محتاجة اننا ندلل على بيعها و الدليل السيفيك ال 92 و ال 93 اللي لسة في السوق لحد دلوقتي و ماسكة سعر عكس عربيات كتير .. حضرتك بقى من الفئة اللي بتشتري العربية و تعدل فيها .. احنا مش كدة خالص .. حضرتك عندك طولة بال تقف عند ميكانيكي و كهربائي عشان تعدل براحتك لكن احنا بنشتري العربية و بنخاف لما ميكانيكي يدب فيها مفك .. و انا معاك كليا ان العربيات برة مصر بنص تمنها حتى انا شاري السيفيك 2008 في مصر بضعف تمنها هنا في ابوظبي بعد تحويل العملة (مع العلم ان السيفيك في ابوظبي 1800 سي سي مش 1600 كمان ).. بس هي دي بلدك و المثل بيقولك عاوز تركب ادفع

اقتباس:

---

المشاركة الأصلية كتبت بواسطة saddam

مبروك يا صديقي المواطن ولكن 40 ألف تدفع فرق في عربيتك فإنت كده لم تحسن اﻹختيار وكان معاك عربية تبيعها في ثانية وخدت عربية تقعد تدلل في بيعها وشكلها مش حلو وقطع غيارها غالية وإنت لو كنت بتفكر بره الصندوق كان وصلت لحل أسهل وهو ببساطة عربيتي مزعلاني من نظام التعليق الخلفي مش مصيبة أعدله بألفين جنيه وأشتري صحتي عامة إنت إشتريت خلاص وكلامي مش حيعجبك ولا حيعجب ملاك هوندا بس قدام شوية حتفتكر كلامي ودمتم.للنضال واللي عمل معاك المبادلة دلوأتي بيصلي ركعتين شكر

---

وجهة نظرك لها إحترامها و من حقك أن تعبر عن رأيك بحرية

إسمح لى أقولك حاجة : فيه نوع من الناس لما بيشترى سيارة مش بيهتم قوى بسعر إعادة البيع بقدر إهتمامة إن السيارة ترضى رغبته ( ركيب غاوى حاجة معينة ) و أكيد بتسمع دايما مقولة إن العربية دى ليها ناسها .

اقتباس:

---

المشاركة الأصلية كتبت بواسطة sindibad

الحمد لله وبعد الأستخارة بيعت الألنترا واشتريت الهوندا فى صفقة مع التاجر والفرق الحمد لله مش كبير قوى تعتبر السيفيك وقفت عليه ب 175 الف جنيه وهى فى تى أى مش ال اكس

السيارة نبيتى غامق (طوبى) لونها حلو - ناعمة جدا - موتور قوى - عفشة ممتازة فى الأمام - ناشفة شوية صغيرة فى الخلف لكن مش مضايقانى زى الألنترا - الكاسيت صوته حلو قوى - التابلوه روعة - الشاشة الخمسه بوصة مش عارف اتعامل معاها - حد يقولى ازاى استخرج معلومات السيارة منها زى معدل استهلاك البنزين والمسافة المتبقية وكده !!!!!!!!1 - الغريبة ان مفيش فوانيس شبورة!!!! عجيبة دى - حد معاه فوانيس شبورة فى عربيته - أحسن تكون مغيرة اكصدام ؟

الجنط شكله حلو - لسه لم أصورها - ولما أصورها هاعمل بوست كامل

الفرق بين الألنترا والهوندا مش كبير قوى لغاية دلوقتى لأننى مسافرتش بيها يادوب 2 كم من المعرض للبيت

لما اجربها هقولكم ايه بالضبط الموضوع

سلام

---

مبروك على السيارة و ربنا يكفيك شرها و اللون رائع عليها

السلام عليكم

واتتنى الفرصة الأن لكى أقود السيارة الهوندا 2012 لمدة ساعتين ونصف مابين طريق سريع على الدولى الساحلى وطرق داخلية طريق المحلة المنصورة فى طريق عودتى الى بيتى

انطباعاتى وتقييمى للسيارة بكل أمانة وصدق من غير تحيز:-
1- المميزات:- ناعمة جدا - استهلاك البنزين اكتر من ممتاز لدرجة ان على سرعة 90 كمظساعة منتظمة بتستهلك مابين 4-5 لتر لكل 100 كيلو حسب مؤشر الأستهلاك - العفشة ممتازة جدا ناعمة مع قوة وثبات - كرسى مريح - صالون واسع لأن كان معايا الأولاد ورا فى الكنبة والمدام جنبى - الموتور قوى جدا والسحب عالى - الفتيس نقلاته سلسة ولا تحس بها - العزل ممتاز - وضعية القيادة ممتازة جدا - ممتعة فى القيادة - الدركسيون ناعم ودقيق فى التوجيه - الفرامل ممتازة ومن مميزاتها انها مش على درجة واحدة بل هى على درجتين أو ثلاثة واستجابتها سريعة - التابلوة قمة الشياكة بالرغم من ان هوندا عملته من لدائن بلاستيكية لكنها شيك وقوية ومشبحة بشكل جميل خاصة فى الضوء - المصابيح الأمامية جامدة انارة فوق الممتازة - الكاسيت صوته نقى جدا - كاميرا باركنج بخطوط تحدد لك ابعاد السيارة مع خط متقطع يحدد لك مكان وقوفك قبل المناسب - البلوتوث بيشتغل على السيارة بسهولة وبينقل سجل الأسماء والأتصال على الشاشة الخمسة بوصة الملونة - الشاشة الخمسة بوصة الملونة الوانها باينة حتى فى الشمس لأن تصميمها داخل التابلوه فعامل ظل عليها - الجنوط ممتازة الشكل والكاوتش ممتاز فى امتصاص الصدمات - الثبات جيد جدا - سهولة الوصول الى كل زراير التحكم فى السيارة - الطارة لذيذة جدا وخامتها ممتازة - زراير التحكم فى الموجودة فى الطارة سهلة وتحس انها من خامة ممتازة ناعمة واماكنها ممتازة وتوزيعها ميه ميه - المقابض الخارجية نيكل جميلة - الشنطة قتحتها واسعة تدخل حاجات عالية - واخيرا زرار الأيكون Econ - بيشتغل جد مش هزار ولا حاجة زى الألنترا وبيخنق السيارة لتوفير بنزين

2- العيوب ومفيش سيارة من غير عيوب :- يوجد صوت للهواء خلفى اثناء السير بسرعة وواضح انها محتاجة سبويلر صغير - الفتيس كان يبقى أفضل لو كان ستب ترونك زى الأنترا والسيراتو - دواسة البنزين ناعمة جدا لدرجة تخاف تسند رجلك عليها لازم دايما تخلى رجلك خفيفة عليها أو تستخدم مثبت السرعة فى حالة المشاوير السالكة - الشنطة ضيقة مش واسعة وان كان شكلها يتيح لك الأستفادة منها الأستفادة القصوى لكن لا تقارن بأختها السيتى - مفيش فوانيس شبورة ولا حتى مكان ليها فى الأكصدام علشان تركب فى التوكيل - مفيش نواكل على الأبواب الخارجية الا المقابض كان نفسى تكون موجودة أيضا على حدود الأبواب زى الجيتا الهاى لاين كده - مفيش بصمة ولا حساس ضوء أو مطر - مفتاح ريموت واحد فقط فيه ازرار الغلق والفتح والشنطة كان لازم يكون فيه واحد كمان فى حالة ضياع الأول أو فساد بطاريته - مفيش عواكس فى الأكصدام الخلفى تعكس الأضاءة فى حالة تعطل السيارة فى طريق ضلمة .

فى النهاية السيارة فى المجمل رائعة وتستاهل كل قرش اندفع فيها بالنسبة لسيارات اخرى فى نفس فئتها زى الأوكتافيا والجيتا والفورد الفوكس والألنترا والسيراتو

لو سالتنى ايه اكتر حاجه هتضايقك فى السيارة من العيوب المذكورة أنا شخصيا هقولك الشنطة الصغيرة الحجم والصوت اللى بيظهر على السرعات هحاول اعرف مصدره لأنى شاكك فى مكانه هل هو من الخلف ام من المرايا الجانبية بس لو مشغل كاسيت على صوت واطى مش هتسمعه

ودمتم للنضال

ربنا يباركلك فيها , ويحفظهالك

بس ياريت تقول كلمة واحدة او اجابة واحدة هل انتى ندمان بشرائك للهوندا بعد الالنترا ؟؟؟؟؟

اقتباس:

---

المشاركة الأصلية كتبت بواسطة sameh_fouad

ربنا يباركلك فيها , ويحفظهالك

بس ياريت تقول كلمة واحدة او اجابة واحدة هل انتى ندمان بشرائك للهوندا بعد الالنترا ؟؟؟؟؟

---

الى الأن لأ طبعا والف لأ - الألنترا عربية وسط فى كل حاجه - وسط فى الركوبة والنعومة والجودة والعزل - لكن الهوندا فيها حاجات متفوقة كتير وسوبر كمان

بس ياباشا تسلم على الاجابة الوافية دية , قالت كل حاجة

عشان مافيش حد بيركب الالنترا ويبيعها ويجيب السيفيك ويقول كلامك دة

ودة معناة ان السيفيك متفوقة وهتفضل ال top بتاعة الفئة دية

اقتباس:

---

المشاركة الأصلية كتبت بواسطة sameh_fouad

بس ياباشا تسلم على الاجابة الوافية دية , قالت كل حاجة

عشان مافيش حد بيركب الالنترا ويبيعها ويجيب السيفيك ويقول كلامك دة

ودة معناة ان السيفيك متفوقة وهتفضل ال top بتاعة الفئة دية

---

أنا كان نفسى يكون فيها حاجه واحدة بس هى أن شنطتها تبقى اوسع من كده شوية يعنى 450 لتر بدل من ال380 لتر كان يبقى أفضل لكن الواحد مبيخدشى كل حاجه - وهى فعلا أفضل سيارة فى فئتها بلا منازع - عندك مثلا السكودا الأوكتافيا صحيح هى شنطتها واسعة جدا لكن صالونها فى المقابل أضيق من الهوندا خاصة من الخلف وموتورها ضعيف جدا على البودى بتاعها وسحبه ضعيف حتى الرابع أو الخامس - ايضا الفورد الفوكس تحتاج الى بنزين 95 ولو حطيت 92 الموتور بتنيل على عينه ويضيع - ايضا الجيتا حلوة جدا بس غاليه جدا جدا وقطع غيارها نار اكتر من الهوندا - التويوتا عندى فى الشغل وبركبها كل يوم مسافة 50 كم حلوة برضه لكن متوسطة فى كل حاجة زى اللألنترا بالضبط وضيقة من وراء فى الصالون والشنطة مش واسعة زى الأوكتافيا أو الجيتا والكرسى مش مريح - بس موتورها جامد جدا وعفشتها ممتازة فى الأمام وفى الخلف ناشفة

يعنى الواحد مبياخدش كل حاجه فى عربية واحدة لكن بيشوف المناسب له . يعنى أنا عندى اطفال وبحب ان يكون السيارة واسعة من الخلف ومريحة لهم مثلا - أما القيادة فانا بحب أسوق بسرعة وبتخنق من الموتور الضعيف - زوجتى بتدور على سهولة القياده والفرامل القوية والتحكم فى السيارة والمرايات الكبيرة وهكذا - أنا عارف الهوندا كويس لذلك جبتها لأنها بتحقق لى المطلوب - جايز مع حد تانى متحققش المطلوب ولو انى أشك فى ده - بس احيانا فيه ناس بتجيلها رهبة من التابلوه لأنه مش بيسوق أو يعنى مبيحبش البهرجه الزيادة - يبقى ميبدتيش بيها - يجيب كورى وبعدين يطلع واحده واحده

بس ياسيدى ادى القصة

على فكرة انا معايا العربيتين هيونداى النترا 2013 وهوندا 2008 وشايف مفيش فرق كبير هوة فى الاخر حسب الراحلة النفسية او فى ثبات فى الهوندا وموتور اقوى بس يعنى مش للفرق الجامد الى تحس بيها او تدفع فرق كبير وفى الاخر دة حاجة ترجعلك لكن لو انا مكانك مش حدفع فرق كبير كدة انا ممكن ساعتها انزل شوية واشوف هوندا 2010 مثلا يبقى الفرق اقل لكن فى الاخر انا بفضل الهوندا على الالنترا

اقتباس:

---

المشاركة الأصلية كتبت بواسطة saddam

مبروك يا صديقي المواطن ولكن 40 ألف تدفع فرق في عربيتك فإنت كده لم تحسن اﻹختيار وكان معاك عربية تبيعها في ثانية وخدت عربية تقعد تدلل في بيعها وشكلها مش حلو وقطع غيارها غالية وإنت لو كنت بتفكر بره الصندوق كان وصلت لحل أسهل وهو ببساطة عربيتي مزعلاني من نظام التعليق الخلفي مش مصيبة أعدله بألفين جنيه وأشتري صحتي عامة إنت إشتريت خلاص وكلامي مش حيعجبك ولا حيعجب ملاك هوندا بس قدام شوية حتفتكر كلامي ودمتم.للنضال واللي عمل معاك المبادلة دلوأتي بيصلي ركعتين شكر

---

تدلل على ايه يا باشا :wink14: انا اعدت اسبوعين ادور على سيفيك 2008 مش لاقي لحد ما ربنا كرمني واشتريت .... في حين ان الالنترا كانت مرمية قدامي في كل مكان اروحو دا معناه ان السيفيك مش موجودة اصلا والطلب عليها كتيير وبعدين من وجهة نظري مينفعش نقارن النترا بسيفيك حراااام