تسعير ساره عامله حادثه و تكلفه اصلاحها

السلام عليكم ورحمة الله وبركاته
كنت عاوز اسال حضراتكم فى العربيه دى

فيها حادث

فتكلفه اصلاحها تبقى كام علما ان دى الحجات المبدئيه من المعاينة هتتغير
هيونداى النترا 2012 اول فئه اوتوماتيك بها حادث من الامام
تحتاج للاصلاح الاتى :
كبوت
رفرف يمين
مقص يمين
كوبلن يمين
فانوس يمين
قربه مياه
مجموعه التبريد " سربنتينه تكيف + مواسير التكيف + الردياتير + المراوح + الشنب الامامى الى بيشيل الكام دا كله
اكصدام امامى + الشاسيه الحديد بتاع الاكصدام

وطبعا هيبقى فيه شغل فى الجزء الى ماسك الرفرف دا مش عارف اسمه بس ممكن يبقى حاجه فى الشاسيه

وباقى السياره سليمه

دى صوره السياره

http://imageshack.us/a/img822/7380/x0hw.jpg


http://imageshack.us/a/img716/6521/n4qw.jpg


http://imageshack.us/a/img163/4922/0gpd.jpg


http://imageshack.us/a/img15/955/2b15.jpg


فكام يبقى سعرها لو اتباعت على كدا و كام تكلفه اصلحها
وهل الحادث قوى والعربيه مش هترجع زى الاول
علما ان الايرباج مفتحش

احسن شئ تتصلح في التوكيل
هيرجعهالك زي ماكانت
كفانا الله واياكم شر الطريق

ربنا معاك بس دى لو متامن عليها تتصلح ف التوكيل لو مش متامن عليها لو ودتها التوكيل مش هيدفعك اقل من 50 الف ف حادثة زى دى
انا عملت حادث بس كان اخف من دا دخلت ف عمود بسرعه عالية وبصلح فيها اخدت لحد الوقتى فيما يقرب من 7 الاف لو كنت ودتها التوكيل كان اخد 20 ع الاقل

بص لو الموتور سليم كلة يهون مجرد ما هتروح للسمكرى هيفكلك كل الكلام دا وتعرف ايه اللى باظ بالظبط وتروح للكهربائى برضه هيعرفك انتا محتاج ايه وهتروح تجيب قطع الغيار وتركبها وان شاء الله خير

بس متغلطشى غلطتى قبل ماتشترى اى حاجة انا عملت زيك كدا بالنظر ورحت اشتريت واكتشفت ان كان ف حاجات ممكن مشتريهاش فانت اول حاجة بالترتيب كدا هتروح للسمكرى والكهربائى يفكلك الالعربية وشيل اثار الحادث بعدها تشوف محتاج ايه جديد وايه يتعدل وبعدها قبل ما تجيب اى حاجة تشوف الموتور يعنى تلف الكرنك شزف الموتور قافش ولا لا واطمن علية تمام لو كدا ابدا هات قطع الغيار وركب واشتغل

شكرا لردودكم
بس ايه الى يخلي الماتور يقفش ؟!!! الحادث بعيد عنه

كله كلام بسيط متقلقش
سمكري شاطر بس عشان لو محتاجة زراجين او حاجة او بتاع للصدر او كدة ويظبطهالك بمقاساتها ولا هتحتاج توكيل ولا بتاع دول حرامية اساسا في التوكيل والحاجة ام الف هيدفعك عليها عشرة
دي كلها على بعضها برشها وتلميعها متاخدش 7 او 8 ألاف ان شاء الله :]

بسيطة يا باشا و ان شاء الله ترجع زى الاول و باين من الصور ان الموتور محصلوش حاجة و دا المهم
كل الباقى معظمه سمكرة و هتبقى سليمة ان شاء الله

من الشكل العام من 8 - 10
فى اسوأ الظروف 15
لو انت بتشترى نزل من تمنها --- فى اعتقدى سعرها من 80 - 85 فى حالة ان كل حاجه بعد كده تبقى سليمه

جزاكم الله خيرا وانا فعلا بشتريها

بس ان عاوز اعرف اسعار الحجات دى استيراد
كبوت
رفرف يمين
مقص يمين
كوبلن يمين
فانوس يمين
قربه مياه
مجموعه التبريد " سربنتينه تكيف + مواسير التكيف + الردياتير + المراوح + الشنب الامامى الى بيشيل الكام دا كله
اكصدام امامى + الشاسيه الحديد بتاع الاكصدام

والى معاه رقم جد تاجر اكلمه يبقى كتر خيره

وسؤال تانى مهم جدا ,, هل العربيه لو حبيتت ابيعها طبعا هقول انها اتخبطت من قدام هل دا هينزل من سعرها ن لو كانت سليمه اد ايه ؟

وبلنسبه لمكان السمكره انا معرفش اى حد مستنى افادتكم حتى لو غالى مش مهم عندى غير ان العربيه ترجع زيرو عشان اركبها وانا متطمن

ارجو الى عنده معلومه يضيفها لى او يرد على اسئلتى بخصوص اسعار القطع و هل الخبطه دى تعيب العربي جامد ؟ واودى العربيه عند مين يعملها لان اخوكم ميعرفش غير فى دايو,, عشان لو كدا اتوكل على الله واخلص فيها

+up 000

الاسعار مش هعرف افيدك فيها
بس توكل على الله وخلص فيها
والسمكرية على افا مين يشيل
عندك ورشة نايل موتورز هتظبطها كويس
وممكن الورشة اللي بتعامل معاها
وفيه سمكري جنب البيت عندي كمان
كلهم كويسين بس هي هتصرف شوية زي ما قلنا فمتقلقش يعني :]

اقتباس:

---

المشاركة الأصلية كتبت بواسطة blazer

ارجو الى عنده معلومه يضيفها لى او يرد على اسئلتى بخصوص اسعار القطع و هل الخبطه دى تعيب العربي جامد ؟ واودى العربيه عند مين يعملها لان اخوكم ميعرفش غير فى دايو,, عشان لو كدا اتوكل على الله واخلص فيها

---

قدر الله و ماشاء فعل الحمدلله على كده
الخبطة تعيب العربية بس مش جامد مش عاوزك تتخض هى تصرفلها من 7 لى 8 الاف و تخس من تمنها زيهم
بس نصيحة متجبش استيراد الا الصاج باقى الحاجات جديد افضل عندك التوفيقية و شارع دمشق
وزى ما قالوا الزملاء فك الاول و بعدين اعرف اللى عاوز يتغير

بالنسبة لمين يصلح الاستاذ أشرف جابلك من الاخر

معلومات بالتفصيل الممل بصراحه مش عندى
لكن انا لو مكانك هاعمل التالى
1 - هاجيب واحد سمكرى محترم جدا وهاجيبه اوريه العربيه وهاقوله انى هاغير كل حاجه عايزه تتغير - هل العربيه هاتحتاج اى سمكره
2- هاجيب واحد عفشجى محترم جدااااااااااااااااااااااا ااااااااا وهارفع له العربيه وهاخليه يبص عليها وانا بنفسى هانزل تحت العربيه واشوف بعينى الوضع ايه
3- هاشترى الفوانيس والاكصدام والرفرف استيراد وممكن اشترى سدر كامل - وهاشتريها لون العربيه وتكون بدون اى خدوش
4- هاشوف كل حاجه عايز اغيرها زى الكوبلن - الريداتير - المرواح - سربنتينة التكييف - وكل الحاجات اللى ليها علاقه بالموتور وهاشتريها من التوكيل
5- هادور على واحد شغال فى التوكيل وهاتفق معاه يعمل لى الشغل ده بره
6- هاروح لأحسن وأغلى سمكرى هاخليه يركب لى الرفرف والاكصدام
7- على الاقل هاغير فردتين الكاوتش اللى قدام (إن مكنش الاربعه)

اللى هاقوله لو حبيت ابيع العربيه

لو العربيه متعملش فيها اى سمكره هاقول انها غيرت اكصدام وكبوت ومترشوش
لو العربيه اتعمل فيها اى زراجين هاحكى للى بيشترى كل حاجه عن العربيه وهاوريه الصور كمان

انا شايف انها مخاطره عاليه. في تجار بيشتروا الحاجات دي وبيعرفوا يتصرفوا فيها ويرجعوها زيرو.
انما احنا غلابه
رأيي بلاش تخاطر بفلوسك ومجهودك وهات حاجه تانيه كسر زيرو وانت مطمن

يا راجل .. أيه اللي يرميك علي الصداع ووجع الدماغ ده
و حتي بعد الاصلاح مش هاتضمن أن العربية هاترجع بنسبة 100 % او حتي 90 % زي الاول يعني وارد المشاكل في الموتور أو الفتيس زي مابعض الاخوة قالوا

لو عجباك الألنترا .. ممكن تجيب كسر زيروي او مستعمل بحالة نظيفة حتي لو عاملة 100,000 كم هاتكون أفضل من العربية دي

اولا السعر المطلوب فيها كام ...... متعديش المفروض 55 الف
عشان فيها شاسية قدام كامل ملوح

بالكتير العربية ممكن يتصرف عليها من 8 الى 15 وتبقى زيرو
ولازم ال يعملها يكون واحد اغلب شغلة فى الانصاص عشان هيعرف يعالجها تمام اوى

الخبطة موصلتش للركب..... كلم استا> كريم مونير ورشة نيل موتورز هيعملك مقايسة وهيخلصهالك اكنها زيرو

بالتوفيق اكرر الخبطة مش قوية والخسائر سهلة
الله المستعان

اقتباس:

---

المشاركة الأصلية كتبت بواسطة msobhy

لو العربيه متعملش فيها اى سمكره هاقول انها غيرت اكصدام وكبوت ومترشوش
لو العربيه اتعمل فيها اى زراجين هاحكى للى بيشترى كل حاجه عن العربيه وهاوريه الصور كمان

---

لا حول ولا قوة إلا بالله
ربنا يهدي

نصيحة لصاحب الموضوع :
لما تيجي تبيع لااااااازم تقول كل اللي حصل عشان ربنا يباركلك فيها
لو نيتك من الأول مش سليمة
عمر ماربنا هيباركلك

اقتباس:

---

المشاركة الأصلية كتبت بواسطة A.Adel

لا حول ولا قوة إلا بالله
ربنا يهدي

نصيحة لصاحب الموضوع :
لما تيجي تبيع لااااااازم تقول كل اللي حصل عشان ربنا يباركلك فيها
لو نيتك من الأول مش سليمة
عمر ماربنا هيباركلك

---

حضرتك لو كوبلن باظ منك وغيرته - هل وحضرتك بتبيع بتقول انك غيرته؟؟؟؟؟
لو ريداتير اتخرم وغيرت - هل .............................
لو سربنتية تكييف اتخرمت وغيرتها - هل ..........................
لو اكصدام اتكسر
لو كارتيرة كاوتش
لو
لو
لو

حضرتك والله انا بخاف ربنا جدا وانا لسه عند مقولتى
لو هاتغير حاجات طبيعى انها بتتغير متتكلمش غير فى الاكصدام والكبوت لأنهم مش من المستهلكات
اى حاجه من المستهلكات هاتها جديده من التوكيل وركبها

اى حاجه ليها علاقه بالشاسيه أو الحوض أو اساسيات العربيه - يبقى لازم تقول كل حاجه عن العربيه

وطبعا انا بشكر استاذ A.Adel على أمانته وصراحته

راي بلاش تغامر فظل اسعار المصنعية الخيالية

لو فيه نية للبيع على كده انا باذن الله شارى ومعاك لغاية 67000

01225040229

ياباشا اسعار قطع الغيار اللى حضرتك طلبتها من التوكيل هيه كالتالى

كبوت 2000
رفرف يمين 1250
مقص يمين 1000
كوبلن يمين 3000
فانوس يمين 2000
قربه مياه 160
مجموعه التبريد " سربنتينه تكيف 2750
+ مواسير التكيف 2500
+ الردياتير2000
+ المراوح 2500
+ الشنب الامامى الى بيشيل الكام دا كله 2250
اكصدام امامى 1550
+ الشاسيه الحديد بتاع الاكصدام 950

معلش يعنى انتوا ازاى بتقولوا ان العربية شغلها بسيط , وكلها سمكرة , ومش واخدين بالكوا ان فية سلاح شايل الماتور والفتيس متأثر جامد وواضح جدا من قاعدة الفتيس , وبعدين دية فيها قطعية , فى الشنب والقنطرة

من الاخر العربية هتحتاج ربع امامى كامل + استعدال شاسية

اعتقد بالشكل ده انها هتتكلف في حدود 12 الف
بس اهم حاجة السمكري يكون كويس عشان ما يبهدلش العربيه
ماتروحش لاي سمكري
ولو العربيه متامن عليها يبقى خلاص هتروح التوكيل وهتتصلح على حساب التامين وهتدفع انت برده تحميلات اجباريه مش هتقل عن 7-8 الف جنيه