السلام عليكم
هل فى طريقه لشراء bmw x3 28i و لا لأ
انا سألت التوكيل قالى انهم معندهومش و مينفعش يطلبوها مخصوص
و ممكن يكون جمكها كام لو هشتريها من بره ؟
عرض للطباعة
السلام عليكم
هل فى طريقه لشراء bmw x3 28i و لا لأ
انا سألت التوكيل قالى انهم معندهومش و مينفعش يطلبوها مخصوص
و ممكن يكون جمكها كام لو هشتريها من بره ؟
لو جبتها من بره هتلاقيها بتمن ال 35i ويمكن أعلى. بس اكيد مفيش منها يعني خلاص مش هتتجمع تاني ولا لفتره مؤقته؟ أصلها نازله على موقع بي ام مصر عادي وبشوف منها مستعمل معروض للبيع على مواقع بيع السيارات
http://www.bmw-eg.com/eg/en/newvehic...xDrive_20i.pdf
ازاى هتبقى بتمن ال 3000 سى سى صعب قوى
تمنها بره 40 الف دولار و فى الكويت ب 13400 دينار
و ماتورها 2000 سى سى
عمر البافارية ماهتجمع الموديل ده في مصر لانه ببساطة هايقتل نهائيا اي مبيعات للموتور الاكبر ال ٣٠٠٠ سي سي لانه قريب منه جدا في الاداء بمعنى ٢٤٥ حصان مقابل ٣٠٦ حصان للكبير و في نفس الوقت ضريبة ١٠٠٠ جنيه بس مش ٢٪ من تمن العربية. من الاخر ياتشتريها من الكويت او الامارات و موجودة هناك و شوفتها في دبي بس تكون اول مالك و مظبط ورقك و تجهز جمارك محترمة ٢٣٥٪ من تمن العربية سيف وارد بمعنى انك هاتخبط في حوالي ٧٠٠ الف مرتاح علشان عربية ٢٠٠٠ سي سي في الاخر طب ماجيب ال ٣٠٠٠ سي سي و الفرق ادفع منه الضريبة ٥٠ الف ٥-٦ سنين استخدام و هايفضل فلوس كتير جدا كمان بعدها.
الحل هو عمل اسبيشيال اوردر من البافارية بال ٢٠٠٠ سي سي و لكن بكمالياتك اللي انت عايزها و مش هاتبعد كتير في الاخر عن سعر ال ٣٠٠٠ سي سي بس الفرق انك هاتوفر في الضريبة السنوية بس مع قليل من توفير البنزين.
نصيحة من اخوك لو عايز تركب ال x3 صح يبقى كاداء و كماليات يبقى لازم تجيب ال ٣٠٠٠ سي سي و موضوع الضريبة كنت هاتخسر بيهم كماليات مش موجودة في ال ٢٠٠٠ سي سي الحالية ب ١٨٤ حصان ده غير فرق الاداء.
تحياتي يا ابو حميد رفيق منتدى الاحوال المصري
بدون سياسة خليني اوضح لحضرتك ان ال X3 ال ٢٠٠٠ سي منها موديلين
20i ودي اللي بتتجمع في مصر بس القدرة الحصانية ١٨٤ حصان و كماليات ضعيفة جدا ب ٤٦٥٠٠٠ ج و دي اللي حضرتك تكرمت بوضع البروشور بتاعها
28i ودي متاحة للبيع بس البافارية لا يطلبها للتجميع بمصر لانه لازم يشيل مواتير ال ٣٠٠٠ سي سي طبقا لعقده مع المانيا و بالتالي مش هايجمعله موديل يمنعله مبيعات الموتور الكبير. دي اللي صاحب الموضوع عايزها.
الكلام ده علما بان سعر ال 28i حوالي ٣٧٠٠٠ دولار سعر اساسي في بلدها و سعر ال 35i حوالي ٤٣٠٠٠ دولار سعر اساسي قبل اضافة اي كماليات اضافية.
ياريت بتدفع الضعف ده الجمرك لوحده 235% لفئة ال 2000 سي سي يعني حضرتك على عربية صاحب الموضوع من الكويت ب 40000 دوﻻر يدفع عليها جمارك و ضرايب 90000 دوﻻر يعني اجمالي العربية داخل مصر 130000 دوﻻر يعني مليون جنيه تقريبا.
تحياتي يا باشا.
متشكر يا شباب على التفاعل
انا مش عارف فى مصر بيعملوا فينا كده ليه , عموما
انا ميهمنيش الكماليات لأن معرف الفرق بينهم اصلا فى الكماليات :)
المهم الماتور هل ينفع اطلب منهم اى واحده فيهم بس يتغير الماتور بس ؟
انسى يا مستر زيكس انك تضحك على البافارية. اقصى حاجة يعملوها ليك ال 20i الحالية يضيفولك كماليات بالطلب و هاتستنى كمان اقل واجب ٣ شهور على الاستلام و هاتدفع زيادة مش اقل من ٥٠٠٠٠ جنيه و هتفاجئ انك قربت من سعر ال 35i بعد الانتظار و الاضافات دي و برضه موتور مش مرضي ليك على العربية. المبلغ ال ٥٠٠٠٠ الزيادة دي هما الضريبة ال ٢٪ متناقصة ب ١٠٠٠ جنيه سنوي لمدة ٥ سنين قدام.
تحياتي يا باشا.
مأقصدش ضحك يا استاذ محمد , بره اللى بيطلب حاجه بيعملوهاله و كل شىء بتمنه مش تمنه مضروب فى 10
انا مش فاهم ليه ما يطلبوليش العربيه اللى عاوزها كامله زى ما هيا بره حتى ؟