السلام عليكم
هذه اول مشاركه لي في المنتدى وكنت احب آخد رأيكم أنا هأجر عربية للسفر الداخلي تقريبا اسبوعين و واحنا خمس أشخاص فحابين عربية واااااسعة ومريحة لول
ياترى تنصحوني بايه ؟
شكرا وفي انتظار ردودكم :satelite:
عرض للطباعة
السلام عليكم
هذه اول مشاركه لي في المنتدى وكنت احب آخد رأيكم أنا هأجر عربية للسفر الداخلي تقريبا اسبوعين و واحنا خمس أشخاص فحابين عربية واااااسعة ومريحة لول
ياترى تنصحوني بايه ؟
شكرا وفي انتظار ردودكم :satelite:
مادام هتاجر وعاوز عربية واسعة يبقي عليك وعلي الرينو داستر لو لاقتها ولو ملاقتش suv يبقي شوف كدة الرينو فلوانس
اجر عربية اوكتافيا او عربية جيتا عربيات اخر دلع !!
أشكركم على الردود :M_yes[1]:
:M_yes[1]::
شكرا ياجماعة بس هي الحاجات دي سهل الاقيها في الايجار في مصر ؟
طيب ايه. ايكم في
Renault Clio ?
ويه رايكم في renault megane
صديقي المواطن محلات التأجير معندهاش غير عربيات محددة زي إلانترا وفيرنا وسيراتو وكارينز وجيب وصني واﻷسعار من 180 إلى 600 في اليوم طبعا في اﻷعياد وقبلها بأسبوع السعر 3 أضعاف وملحوظة عنرك محتسلك مع بتوع مكاتب اﻹيجار صور العربية بموبايلك فيديو ومعاك صاحب المكتب يطلع في الصور وإمشي على كل حاجة فيها عشان لما حترجعهاله حيطلع عنيك في أعطال من 10 سنين كلها حيشيلهالك وطبعا حيمضيك على وصل أمانة بقيمة العربية وزيادة ولو إنت مش مصري حياخد جواز السفر وحلم حياته صاحب المكتب إنك ترجع خابط العربية عشان حياخد منك 3 أضعاف ثمن التصليح يا يسجنك بوصل اﻷمانة ويقلك أصلحها في توكيل ومش توكيل وهو بياخدها يلزقها بشريط لحام تحت الكوبري
الخلاصة
مصر تعتبر دولة مش شبعانة.إوعه تأجر فيها عربية لو عايز إشتري نفسك وأجر عربية.بسواق برضو ب 200 جنيه في اليوم وسايقها شايل مسؤوليتها إنت في مصر مش في الخليج تخبط عربية إيجار ولا تدفع جنيه واحد لا وكمان.اللي يخبطك هو اللي يكلم البوليس ويعملولك المحضر في الشارع ولو كلمت صاحب المكتب اللي مأجر منه العربية تقول له العربية إتخبطت حيقلك فداك يا راجل عيب عليك هات بس تقرير الحادثة وتعال خد عربية تانية
يااااااااه
مصر بتصغر في عيني كل يوم يا مواطن ودمتم للنضال
أنا آسف على التعليق .. بس الحقيقة مصر مالهاش ذنب .. صاحب المعرض غشاش وانت بتشتمها .. يبقى العيب فينا احنا ولاد البلد .. وبعدين ياأما نحاول نصلحها أو نبطل نعملها اسوأ دعاية ببلاش ؟؟ ونقول ربنا يهدى الجميع ويصلح حالنا وحالها وكل المسلمين .. وماتزعلش منى لأنى بحب بلدى جدا مهما كان حالها :satelite:
معقوله!!!!! خسارة يامصر
صديقي المواطن أنا لا أكره بلدي ولا أعمل دعاية سيئة وإحنه بس بنخدع نفسنا وبنطبطب على روحنا ومش معنى إني مش راضي عن بلدي فده يعني إني بكرهها أنا أتمنى لها الخير بس طبعا مش حيحصل طالما البلد دي بتضيع فيها حقوق الناس عيني عينك زي تقعد في ملك حد وتديه 8 جنيه في الشهر ةحقها مثلا 2000 جنيه وقاعد بقوة القانون وأكثر من مليون ونص عيلة عايشين كده حيقلك ننام في الشارع يعني ﻷ طبعا نعيش بالحرام وغصب عن أصحاب الملك وأكل الحقوق لو ليك وصل أمانة على واحد أو شيك بشوية حركات في القانون بسيطة تخليه يستنه حقه 3 سنين عقبال متخش إجراءات ضدك في الجد إحنه الشعب الوحيد اللي بيبني عماير من غير كراجات بسبب الطمع ورغبة في توفير أكبر كمية من الفلوس على حساب راحة الناس وخناقتها عالركنة كل يوم صديقي المواطن مالم ندرك أن كل الشعوب التي علمناها نحن في الخمسينات والستينات والسبعينات صارت كلها شعوب أرقى منا ونحن بتنا دولة من مصاف دول العالم الخامس فمفيش فايدة أوعه حد يخدعك ويقلك إحنه أحسن من غيرنا فأحب أقلك كل الدول المحيطة أعلى مصر بلدا ومواطنا طبعا طلع منها الصومال واليمن وليبيا دول ربنا يصلح حالهم إلا إن واقع الحال إحنه إنتهينا خلاص مصر لو مرجعتش ملكية ممكن تتحسن بس خدها مني كلمة لا بحياتنا ولا بحياة.ولادنا ملحوظة مش حجيب سيرة ضياع شبابنا في المخدرات والحشيش ﻷ وكمان بقه ساب محترم ومؤدب وإبن ناس بس بيشرب حشيش عادي كأنه لبان يعني ومش من حقك تتدايق أو تزعل عليه غير الخلع غير العرفي
الخلاصة مصر كلام كتير كفتة.مفيش
اﻷخوة المواطنون رجاءا مش عايزين نوسع ونكبر النقاش في الموضوع ده وبلاش نزايد على بعض كلنا عارفين اللي فيها
صاحب الموضوع
بالنسبة لقضيتك الوطنية فمحدش من قرايبك حيأجرلك عربيته فبلاش تحرج نفسك أو تحرجه وحتى لو لقيت حد قريبك حيفضل يعايرك من ورا ظهرك ولو عطلت بعد 22 سنة حيقلك بسببك وعلى إيه
تأجر عربية بسواقها حتلاقي شباب مكافح حتى ب 160 وب 180 في اليوم وناس برضو عالنعاش واﻹعلانات مالية الدنيا فإشتري نفسك وخليك في اﻷمان ودمتم للنضال
طيب أنا كده لو أجرت بسواق احنا أصلا ما شاء الله خمسة والسواق يعني ماشاء الله ستة .... طيب هيكون كده إيجار حاجة كبيرة
يبقى بكام تقريبا ؟
العربية ب 200 جنيه بالسواق ولو فترة كبيرة حتلاقي ناس ب 180 في اليوم حسب العربية وحتلاقي ناس كتير وفيه شباب عندهم الشيفرولية إن 300 دي مكيفة وثمانية راكب ممكن يطلع ب 250 جنيه بص خش على موقع مصراوي الإعلانات المبوبة وحتلاقي كتير عروض شباب عايزين يأجروا عربياتهم وهم يسوقوا
ودمتم للنضال