كرويسليه بومه

**socrate** · 09-09-2013 11:34 PM

ممكن حد يفدنى بس بسرعه لو سمحتوا محتاج كروسيله بومه علشان ئدامى فرصه مش عاوز اضيعها بس ضرورى بكام

**AlGazar2** · 10-09-2013 12:09 AM

دى عايزه لفه فى الحرفيين عشان تجيب اقل سعر و احسن حالة

**socrate** · 10-09-2013 12:13 AM

انا بسئل بس يعنى فى حدود 25 30 40 50 فى حدود كام

**amro0000** · 10-09-2013 02:32 AM

ههههههه لو ب 40الف هيا العربية كلها بحاجة وستين الف ولا 70الف لسة هتشتري موتور وعفشة و و و و كله دا هيكلفك تمنها بردة هيبقي معملتش حاجة من عندك

**Michael12** · 10-09-2013 02:33 AM

""دى عايزه لفه فى الحرفيين عشان تجيب اقل سعر و احسن حالة""
بالظبط كده زي رد الباشا و علي حسب سعة الموتور اللي أنت عايزه و علي حسب الحاله العامة طبعا فيه خبطات كتير في الصاج مكان الشحن و كدة ولا أيه و حسب كبس الموتور عامل ايه طبعا معاك 10 أيام بعد متشتريه علشان تجربه و العفشة ايه حالتها الصالون في خربشة كتير أو شرخ في الطابلوه وفي حاجات بتكون ليها مواصفات اكتر من اللي بتبقي نازلة في مصر و الي أنت عايزها الفل أوبشن ولا لأ خلي بالك ممكن تشوف واحد مثلا ب 25000 و شكله كده انه حلو و واحد تاني ب 35000 مش شرط يكون الأغلي أحسن ممكن يكون الراجل ده بيغلي و مش شرط برضه يكون الأرخص مش كويس ده سيتوقف علي التدقيق الجيد عند الشراء و تجيب كورسليه "عربية واحدة و أتقطعت" مش مثلا نصف أمامي نبيتي و نصف خلفي نبيتي بس ده بتاع عربية و التاني بتاع عربية تانية خالص بس نفس اللون.
ان شاء الله لا يزيد عن 40 و ربنا يسهلهالك
بالتوفيق

**AlGazar2** · 10-09-2013 08:07 PM

مفتكرش ان العربية كامله هتعدى ال 25 ل 30 الف ده لو اتنططت يعنى و كانت بتزغرط
خصوصا ان انت هتشترى كله على بعضه فبيبقى سعره اقل من كل حاجة لوحدها لانك بتديله فلوس حاضره مش بضاعه مركونة