المشاركة الأصلية كتبت بواسطة gogohaggag
نفس الي حصل معايا في كبوت ورفرف بيرسونا 2013 بس علي ما اخدت بالي بعد 8 شهور من الشراء تقشير بسيط بيزيد عدده مع الوقت وبيشوف شكل العربية من الامام -- رفعت شكوي في حماية المستهلك -- وقابلت المهندس آمر مدير خدمة ما بعد البيع بروتون مصر-- طبعا زعقت وشرشحت وطالبت بتغيير العربية لكن رد المهندس آمر اقسمي ان مش هاينفع تغير العربية الا في 3 حالات :
1- عيب امان 2- عيب لايمكن تصليحة 3 عيب اتصلح اكثر من ثلاث مرات
وطبعا الثلاث حالات لا تنطبق علي حالتنا-- اتخانقت وقولته معادنا مع حماية المستهلك وطبعا اتحولت الشكوي الي تصعيد جلسة فنية واتحولت للكشف علي السيارة بهندسة عين شمس بس لقيت هدفع الف جنيه قيمة الكشف من جيبي
كلمت المهندس آمر وانا زي ..... وقولتله حسبي الله ونعم الوكيل
الراجل مشكورا بعت الشكوي الي ماليزيا وطلب تعويض عن ضرر رش الكبوت والرفرف بقيمة خمسة الاف جنية يضاف الي حساب السيارة وخصمهم من الصيانات
قبلتهم وصلحت العربية
بس نصيحة طالما الموضوع متكرر كمل مع جهاز حماية المستهلك للنهاية لعل وعسي يتم تغيير العربية