واحد صاحبي سوري مش عارف يخش مصر

**janagabr** · 10-09-2013 04:27 AM

معلش يا جماعة هتعبكوا معايا ليا واحد صاحبي سوري الجنسية ومقيم في السعودية لسه صغير وبيدرس في الجامعة المهم السنة لما خلصت سافر يقضي الاجازة الصيفية مع اهله في السعودية وجه يرجع مصر دلوقتي عشان السنة الجديدة فالسفارة المصرية رفضت تديله تاشيرة دخول
ورفضت كل الناس اللي كانوا معاه فالراجل مش عارف يعمل ايه عشان يلحق المصاريف ويكمل السنة التانية في الجامعة الخاصة وعشان ميقفلش باب المصاريف في الجامعة

**matrix_it** · 10-09-2013 04:30 AM

مضيقينها عليهم السنادى فى الاقامة مش عارف ليه

**Mohamed_Hamid** · 10-09-2013 09:48 AM

عقاب جماعى للسوريين علشان الناس فيهم اللى نزلت فى رابعة ومسيرات الشرعية. طيب ليه تيجوا عليهم كلهم؟!

**تامر.محمد** · 10-09-2013 09:54 AM

خليه ما يجيش هنا احسن
النظام الحالي مؤيد لبشار الاسد و مش عايز سوريين عنده اصلا
و مؤيدين النظام الحالي زيه بالظبط

فبلاش ييجي هنا عشان كمان ما يتبهدلش

**abou-yahia** · 10-09-2013 10:30 AM

ايه المشكله

كل دوله منحقها تحط شروط لدخولها او رفض الدخول من غير اسباب

والموضوع ده ليه ابعاد اجتماعيه واقتصاديه بلاضافه طبعا لابعاده السياسيه

**r0xer** · 10-09-2013 11:35 AM

معلش..فترة وتعدي لحد ما يتقبض عالسوريين اللي دبحوا عيالنا وموتوهم في بين السرايات وفي المنيل.

ولحد ما يتقبض على كل سوري بينزل مظاهرات تخص بلد تانية بدل ما يحترم البلد اللي استضافته...

ساعتها اهلا وسهلا بيه في بلده التانية مصر...لان مصر وسوريا واحد في النهاية.

**janagabr** · 10-09-2013 03:09 PM

المشاركة الأصلية كتبت بواسطة r0xer

معلش..فترة وتعدي لحد ما يتقبض عالسوريين اللي دبحوا عيالنا وموتوهم في بين السرايات وفي المنيل.

ولحد ما يتقبض على كل سوري بينزل مظاهرات تخص بلد تانية بدل ما يحترم البلد اللي استضافته...

ساعتها اهلا وسهلا بيه في بلده التانية مصر...لان مصر وسوريا واحد في النهاية.

بعد السؤال في الخارجية المصرية والجوازات قسم الوافدين والاجهزة الامنية تم التاكيد علي تضيق دخول السوريين الي مصر نظرا لحملهم السلاح وهجومهم علي اكثر من قسم شرطة مقابل مبالغ مالية تتراوح في حدود ٧٠٠ الي ١٠٠٠ جنية في اليوم وتم القبض علي عدد كثير منهم وبعد ما انا بنفسي شوفت الكثير من النساء السوريات ماشيين في مظاهرات لستتات الاخوان وتلاقي اللي لبسة نقاب واللي محجبة طبعا انا حافظ السوررين بلهجتهم وشكلهم واميزهم من وسط مليون مصري عشان محدش يقولي طاب هيا منقبة انت عرفتها ازاي طبعا من لهجتها وهتافاتها وبتاخد ٢٠٠ جنية في المسيرة والرجالة والستات السوريين يمشوا في مسيرات واعمال شغب انما مابيعتصموش وعلي فكرة سوريا كدولة متخلفة جدا عننا بس هما مش فوضوين ولسانهم مش زفر زينا في الاخر قولت لصاحبي كويس انك كنت برة مصر الايام اللي فاتت لاني لو كنت شوفتك في مسيرة للاخوان كنت هعمل معاك الدنيئة قالي هتلاقي السوريين الفقراء بتوع ٦ اكتوبر هما اللي عملوا الحاجات ده قولتوا اكيد لان السوريين الاغنياء سواء المؤيدين او المعارضين لنظام بشار قاعدين عندنا في الرحاب ومدينتي ومدينة نصر ومصر الجديدة ودول اخرهم يلعبوا طاولة
قولتلوا ياعم احنا ناقصنكوا احنا مش عارفين نلم العيال الصيع بتوعنا من الشارع تقوموا جايبين الصيع بتوعكوا عندنا ومعظمهم في اكتوبر الا من رحم ربي قعد يضحك وقولتلوا ادعيلنا عندك في الكعبة ان ربنا يهدي الحال عندنا والشارع يستقر والشرطة تمسك البلد من حديد زي الاول واكتر حفظ الله مصر جيشا وشرطة وشعبا وزقها الامن والاستقرار