سؤال لخبراء المنتدى و م.ممدوح و م.طارق بالأخص
السلام عليكم ورحمة الله وبركاته
وانا رايح الشغل حصل معايا موقف بايخ جدا وربنا عزوجل ستر
مية الردياتير خلصت فجأة بسبب قطع خرطوم من مشترك المياه على جسم الموتور
وأمبير الحرارة على للاخر ومخدتش بالي غير لما وصلت الشركة وكان المؤشر في نص مشواري مظبوط فالمنتصف يعني تقريبا مشيت من 5 -7كيلو والميه بتفضى او فضت الله اعلم
والعربية طلعت دخنة بيضاءوانا بركن بضهري بس فالشركة وريحة احتراق من الكبوت
بس بعد ما العطل اتصلح وغيرت المشترك المقطوم ده جربو العربية وقاللولي....
الحمد لله ربنا ستر وجوان وش السلندر على كلامهم تمام بس الزيت اتحرق وريحته بعد الكشف عليه فيه ريحة شياط اوحرق وريحة العادم بقى فيه ريحة زيت محروق او عدم احتراق كامل بس ملهوش لون الحمد لله
سؤالي لحضراتكم هل الزيت كده لازم يتغير وايه اللي لازم اعمله مع اني لسه مغيره قبل الواقهة ديه ب 500 كيلو فقط
نوع الزيت شيل الأصفر 5000
وشكرا