الموضوع: اخيرا الدولار والعملات نزلت مقابل الجنيه

بس اعتقد هو مش هينزل اكتر من كدة علشان دي مساعدات وهتخلص يعني اقتصادك لسا واقع يعني شوية وهيعلي تاني بس اعتقد ممكن الخليج يرسل فلوس تاني

هى علامة كويسة و ان شاء الله تستمر و يتحسن حال الاقتصاد لان ده لمصلحة شعب البلد دى كله اللى عايز يشوف بلده احسن

المشاركة الأصلية كتبت بواسطة asemx1

اخيرا ياجماعه الدولار نزل تحت ال 7 جنيه بعد سنه كامله

وانا اول واحد هبيع اى دولارات علشان متوقع ينزل جامد بعد الى عمله رئيس البنك المركزى

اللهم اصلح حال مصر والمصريين واغرقها خيرات من عندك ياااارب قولوا امين

هو ايه اللى عمله رئيس البنك المركزى ؟؟
انا معايا مبلغ 5000 جنيه و كنت عاوز اغيره بالدولار اغيره منين ؟؟
لأنى اسمع ان البنوك بتحط قيود فى الموضوع ده
و هل ينفع اعمل حساب بالدولار فى البنك و اسحب منه بالمصرى فى اى وقت ؟؟ انا تبع بنك hsbc

للاسف دي الغلطة اللي مصر كانت ماشية عليها من ايام مبارك
لازم تعرف الجنيه بتاعك بيساوي كام في السوق ... هوه ده مفهوم السوق المفتوح
وعلشان تعرف الحقيقة شوف اسعار السلع زادت قد ايه .. وده معناه انخفاض القيمة الشرائية للنقود وارتفاع تكلفة الانتاج
يعني الجنية لم يرتفع بالعكس ده انخفض
اللي كان بيعمله مبارك ايه بقى .... كان ينزل دولار السوق قبالتالي تخفض قيمته ( ارتفاع سعر الجنية ) حتى فترة معينة او طوال ما هوه بينزل دولار .. وبما اننا عايشين على المساعدات دلوقتي يبقى اول ماتخلص الجنية حيرجع لاقل من قيمته الحقيقية ... يعني ممكن الجنية سعره السوقي دلوقتي 7.20 جنية تلاقية بقى 7.50 او 7.75

يارب اكون عرفت اوضح الموضوع ده
ملحوظة انا عندي شركة استيراد وبشتغل بالدولار من السوق السوداء وسعره دلوقتي 7.14 قرش وبيزيد ....

نزول سعر الجنية نتجية ان البنك المركزي دفع في السوق حوالي مليار و200 مليون دولار لمواجهة ارتفاع الاسعار للسلع الاساسية بس الاقتصاد والسياحة وقناة السويس اكبر مورد للعملة في مصر حالها لا يسر عدو ولا حبيب وربنا يستر

تعديل بسيط. . . العطاء الاخير بتاع البنك المركزى كان مليار و 300 مليون دولار لتلبية الاحتياجات من السلع الاساسية و توفير مخزون منها:
http://www.kalamakhbar.com/Details.aspx?I=6474513