رحله الى اسوان

**khaled_sabry** · 10-09-2013 10:30 AM

السلام عليكم
بفكر انى اسافر اسوان بالعربيه انا و الاولاد فى العيد القادم بإذن الله
طبعا انا عارف السكه كويس من القاهره الى اسيوط و حريح يوم فى اسيوط و اكمل الى اسوان
المشكله بقى انى معرفشى طريق اسوان من اسيوط بيبداء منين و هل طريق الجيش (اللى حستخدمه من القاهره الى اسيوط) ممتد الى اسوان و لا اخره فين ؟
فيارت تساعدونى و تقوليلى افضل طريق من اسيوط الى اسوان من حيث الخدمات و تجهيز الطريق نفسه و هل الطريق امان و لا عليه قلق

**mohamed_selim** · 10-09-2013 10:46 AM

بص معرفش اجابة سؤالك بس ممكن اقترح عليك طريق مختلف :)
اطلع على الغردقه طريق احسن من طريق الصعيد و ريح هناك يوم ... بعدين تاخد طريق قنا سفاجا و هتلاقى فى جزء منه تفريعه تنزلك على الاقصر (من الغردقه للاقصر ساعتين و نص حسب صاحبى اللى مشى فيه و بيقول طريق معقول بس تاخده فى النور) .... انا ان شاء الله ناوى اخطف يوم او يومين فى الاقصر لما اروح الغردقه المره الجايه .... بعدين من الاقصر لاسوان مره اخدتها بس مش فاكر اسامى (هو امتداد الزراعى) بس كانت تجربه مش لطيفه لان الطريق بطيئ و مليان بهايم (سواء بهايم بجد او سايقين اى شيئ على عجل ... طبعا فى ناس محترمه بس الدنيا كلها هرجله كانت) و الطريق اخد حوالى 4 ساعات على الرغم انه المفروض مياخدش ساعتين لو ماشى 100 مبتقفش !

اتمنى اكون ساعدتك

**khaled_sabry** · 10-09-2013 11:34 AM

انا بالنسبالى اريح فى اسيوط افضل لأنى عيلتى من اسيوط
بس على العموم شكرا على الاقتراح

**mohamed hussei** · 10-09-2013 11:46 AM

طب متسافر بالطيارة او بمركبة نيلية تبئا متعة

**khaled_sabry** · 10-09-2013 12:09 PM

المشاركة الأصلية كتبت بواسطة mohamed hussei

طب متسافر بالطيارة او بمركبة نيلية تبئا متعة

الطياره حتبقى غاليه
و المركب حتبقى بطئيه
غير انى حبقى محتاج العربيه فى اسوان للفسحه

**elpasha1** · 10-09-2013 12:22 PM

تسافر بالسلامة ان شاء الله

**علاء محمد** · 10-09-2013 12:27 PM

على ما اظن انه ممتد لاسوان لان الاتوبيس اللى بيطلع من الترجمان بيمشى عليه لان ابن عمى سافر فيه قالى االاتوبيس بياخد طريق الجيش

**mohamed_selim** · 10-09-2013 12:46 PM

انت مش محتاج العربيه فى اسوان خالص .... اسوان عباره عن السد العالى و معبد فيله و الصوت و الضوء فى فيله بالليل و المسله الناقصه و جزيرة النباتات .... كل ده تاكسى هيظبط معاك مفيش لف بالعربيه قوى (انا لما رحت اتفقت مع ميكروباص هو اللى ودانى كل حته و هو اللى ودانى الاقصر)
الفكره فعلا ان الطيران هتلاقيه غالى ... بس فكرة المركب لو متاحه هتكون كويسه من الاقصر لاسوان و المركب بتتضمن المزارات بالانتقالات بتاعتها فى اسوان و فى الاقصر و المعابد اللى على السكه

**khaled_sabry** · 10-09-2013 03:18 PM

المشاركة الأصلية كتبت بواسطة mohamed_selim

انت مش محتاج العربيه فى اسوان خالص .... اسوان عباره عن السد العالى و معبد فيله و الصوت و الضوء فى فيله بالليل و المسله الناقصه و جزيرة النباتات .... كل ده تاكسى هيظبط معاك مفيش لف بالعربيه قوى (انا لما رحت اتفقت مع ميكروباص هو اللى ودانى كل حته و هو اللى ودانى الاقصر)
الفكره فعلا ان الطيران هتلاقيه غالى ... بس فكرة المركب لو متاحه هتكون كويسه من الاقصر لاسوان و المركب بتتضمن المزارات بالانتقالات بتاعتها فى اسوان و فى الاقصر و المعابد اللى على السكه

طيب المركب بيبقى نظامه ايه ؟؟
انا حسافر انا و الاولاد (طفلين 3 و 5 سنوات ) و المدام
انا عمرى ماركبت مركب قبل كده و معرفشى اصلا بتتحجز منين

**hugan** · 10-09-2013 03:28 PM

متابع
اجازه سعيده

الموضوع: رحله الى اسوان

LinkBack

أدوات الموضوع

عرض

-

-

-

-

المواضيع المتشابهه

غرق باخرة في اسوان

عايز اروح اسوان

اسوان الغردقه

احلي مدن مصر مروريا اسوان

شكر لادارة مرور اسوان

الكلمات الدلالية لهذا الموضوع

المفضلات

المفضلات

ضوابط المشاركة