بروتون جين 2 جديدة ولا سيراتو 2010 هاى لاين مستعملة

**M.sawy** · 11-09-2013 10:49 AM

انتوا معاكوا حق وغيرتوا تفكيرى ناحية الجين 2 مع انى بحب العربية دى جدا عن السيراتو . بس علشان قطع الغيار والصيانة والتوكيل ولو جيت ابيعها بعد كدة يبقى سيراتو . توكلت على الله ومتشكر جدا جدا جدا لاعضاء المنتدى الجامد دة

**eng.m7md.ali** · 11-09-2013 02:40 PM

المشاركة الأصلية كتبت بواسطة m.sawy

انتوا معاكوا حق وغيرتوا تفكيرى ناحية الجين 2 مع انى بحب العربية دى جدا عن السيراتو . بس علشان قطع الغيار والصيانة والتوكيل ولو جيت ابيعها بعد كدة يبقى سيراتو . توكلت على الله ومتشكر جدا جدا جدا لاعضاء المنتدى الجامد دة

عايزك تحط حلقة في ودنك

شوف سعر فانوس امامي للسيراتو بكام وشوف نفس الفانوس للجين 2 هيبقى بكام؟

شوف اكصدام الجين2 بكام وشوف بتاع السيراتو بكام؟

اعتقد في لبس في الموضوع الناس قالت عن قطع غيار الجين2 غالية في مقابل عربيات معينة في السوق مش مقابل السيراتو

هتلاقي الجين2 ارخص في الاخر .. بس الفرق انك هتلاقي حاجت السيراتو اسهل

**M.sawy** · 11-09-2013 04:21 PM

المشاركة الأصلية كتبت بواسطة eng f3lix

عايزك تحط حلقة في ودنك

شوف سعر فانوس امامي للسيراتو بكام وشوف نفس الفانوس للجين 2 هيبقى بكام؟

شوف اكصدام الجين2 بكام وشوف بتاع السيراتو بكام؟

اعتقد في لبس في الموضوع الناس قالت عن قطع غيار الجين2 غالية في مقابل عربيات معينة في السوق مش مقابل السيراتو

هتلاقي الجين2 ارخص في الاخر .. بس الفرق انك هتلاقي حاجت السيراتو اسهل

طيب وفى البيع دة بعد عمر طويل ان شاء الله هخسر فيها كتير ولا لا ؟
وتوكيل عز العرب اللى مفيش حد شكر فى معاملتة
وانا مش بطلع عيوب فى العربية وبحب العربية دى جدا من حيث الشكل والثبات والسحب حقيقى خرافة بس خايف منها فى المستقبل

**M.sawy** · 11-09-2013 04:35 PM

المشاركة الأصلية كتبت بواسطة m.sawy

طيب وفى البيع دة بعد عمر طويل ان شاء الله هخسر فيها كتير ولا لا ؟
وتوكيل عز العرب اللى مفيش حد شكر فى معاملتة
وانا مش بطلع عيوب فى العربية وبحب العربية دى جدا من حيث الشكل والثبات والسحب حقيقى خرافة بس خايف منها فى المستقبل

طيب وفى البيع دة بعد عمر طويل ان شاء الله هخسر فيها كتير ولا لا ؟
وتوكيل عز العرب اللى مفيش حد شكر فى معاملتة
انا مش بطلع عيوب فى العربية وبحب العربية دى جدا من حيث الشكل والثبات والسحب حقيقى خرافة بس خايف منها قدام وكلام حضرتك على قطع الغيار انها ارخص اوكى بس هدوخ على ما الاقيها ولا هلاقى اللى انا عاوزة فى مكان معين وخلاص زى الوكيل او التوفيقية على ما سمعت ؟
وبكررها تانى انا معجب جدا جدا جدا بالعربية بس محتاج اعرف عنها حاجات كتير فى قطع الغيار والصيانة فى التوكيل
ومتشكر جدا لحضرتك

**eng.m7md.ali** · 11-09-2013 05:25 PM

المشاركة الأصلية كتبت بواسطة m.sawy

طيب وفى البيع دة بعد عمر طويل ان شاء الله هخسر فيها كتير ولا لا ؟
وتوكيل عز العرب اللى مفيش حد شكر فى معاملتة
انا مش بطلع عيوب فى العربية وبحب العربية دى جدا من حيث الشكل والثبات والسحب حقيقى خرافة بس خايف منها قدام وكلام حضرتك على قطع الغيار انها ارخص اوكى بس هدوخ على ما الاقيها ولا هلاقى اللى انا عاوزة فى مكان معين وخلاص زى الوكيل او التوفيقية على ما سمعت ؟
وبكررها تانى انا معجب جدا جدا جدا بالعربية بس محتاج اعرف عنها حاجات كتير فى قطع الغيار والصيانة فى التوكيل
ومتشكر جدا لحضرتك

المشكلة هنا ان حضرتك بتدور على عربية فيها كل حاجة

ال2 مفيهمش كل حاجة طالبها .. يعني التوكيل للكيا احسن طبعاً بس اغلي في قطع الغيار .. حتى اسعار الاستيراد في الكيا اغلي من الجديد الاصلي من التوكيل للجين2 .. بس في نفس الوقت حاجت الجين 2 مش كتير زي السيراتو + ان التوكيل زفت ومبيجبش قط غيار اصلاً

سعر اعادة البيع انا شايفه للسيراتو مش تمام اوي .. يعني واحد جاب عربية موديل 2010 ب 130 مثلا دلوقتي هيبيعها ب 90 الف .. الواجا بتاعتي كنت جايبها ب 84 الف زيرو واتحطلي فيها 70 الف من اسبوعين

**2CODE** · 11-09-2013 06:31 PM

سيراتو طبعاً مفيش وجه مقارنة !!!!!!!!!!!!

المشاركة الأصلية كتبت بواسطة eng f3lix

سعر اعادة البيع انا شايفه للسيراتو مش تمام اوي .. يعني واحد جاب عربية موديل 2010 ب 130 مثلا دلوقتي هيبيعها ب 90 الف .. الواجا بتاعتي كنت جايبها ب 84 الف زيرو واتحطلي فيها 70 الف من اسبوعين

لأ مع احترامي ليك العربيات المستعمله مش بتتقاس بالموديل

دي بالحالة حضرتك ممكن عربيتك حالتها ممتازه والسيراتو دي ضايعة خالص !!!!!!!!!!!
ثم ان اول مره اشوف ان اعادة بيع الكوري عموماً مش تمام !!! دي من اهم مميزات الكوري اعادة بيعه !!!!

**eng.m7md.ali** · 11-09-2013 07:36 PM

المشاركة الأصلية كتبت بواسطة 2code

سيراتو طبعاً مفيش وجه مقارنة !!!!!!!!!!!!

لأ مع احترامي ليك العربيات المستعمله مش بتتقاس بالموديل

دي بالحالة حضرتك ممكن عربيتك حالتها ممتازه والسيراتو دي ضايعة خالص !!!!!!!!!!!
ثم ان اول مره اشوف ان اعادة بيع الكوري عموماً مش تمام !!! دي من اهم مميزات الكوري اعادة بيعه !!!!

يافندم ماهو ده مش كلامي ده كلام السوق .. السيراتو سعرها بينزل عشان الناس بتخاف من الجنوط ال 17 والعفشة الناشفة .. عكس الالنترا مثلا والفيرنا وباقي العربيات .. حتى عشان تتأكد هتلاقي سعر السيراتو القديمة احسن من السيراتو موديلات 2009-2013 .. انا بتكلم عن اعادة البيع

لوو حضرتك مش مقتنع ممكن تدخل اي موقع بيبيع عربيات مستعملة شوف اسعار السيراتو

**S O P H O S** · 21-09-2013 06:35 PM

فرأي الكيا بصراحة

**M7amD_7amDy** · 21-09-2013 11:33 PM

معايا الاتنين :)

احب أقولك ان الجين 2 مش وحشة بس مش كويسة :)

قطع الغيار مخدرات ومش موجودة وتوكيل فاشل جداااا

فرامل الجين 2 ضايعة وبتصفر علاطول حتى لو جبت التيل الاصلى ومبتعمرش

فرامل السيراتو برقبتها

تقفيل الجين 2 زبالة (متأسف على اللفظ) :)

الجين 2 ميزتها الوحيدة انها حمارة شغل بتفكرنى باللادا كده بصوتها العالى :)

ركوبة وفرامل وفخامة تبقى السيراتو

على فكرة الميزانية اللى انت حاططها ممكن تجبلك 2012 بالفتيس ال6 نقلات الجديد لو انت مقلق من ال4

مع ان عربيتى 4 والحمدلله مفيش مشاكل

تمام كده :)