فى حد هنا ممكن يعلمنى السواقة المانيوال ؟ (باجر طبعا)

السلام عليكم ...
بعد التحية لرواد المنتدى الرائع ...
ليا طلب
عاوز حد يعملنى السواقة
والرخصة انا هطلعها تبع المرور بتاع مجمع التحرير (هما مش هيعلموا حاجة بس هيسهلوا حكاية الرخصة)
يتبقى ليا موضوع السواقة
ومدارس السواقة مش بيعملوا حاجة وشوفت اسعار وصلت ل 500 جنية ودة كتير جدا
انا عندى مبادىء وسوقت قبل كدة ومشيت على التانى وعاوز اكمل
فا عاوز حد يعلمنى السواقة وطبعا دى شغلانه وليها تمن
انا من القاهرة وفى منطقة غمرة (الشرابية) وممكن فى مدينة السلام (موقف اسكندرية)
انا لسة مش عندى عربية !!!
فهل من مستجيب
اخوكم مصطفى

ممكن تتفق مع سواق تاكسى يكون معرفة او قريب من منطقتك ،يعنى 3 او 4 حصص ولا حاجة فيهم المفيد وتديله في المرة 25-30 جنيه ولا حاجة ..

انا ممكن بس بدون اجر

و الله لو إنت كنت فى الغردقة معايا كنت قمت بالمهمة دى وقت الفراغ و خلال يومين تلاتة بالكتير كمان تكون بتسوق كويس .. و بدون أجر طبعاً ..

اقتباس:

---

المشاركة الأصلية كتبت بواسطة amrelsaqqa

ممكن تتفق مع سواق تاكسى يكون معرفة او قريب من منطقتك ،يعنى 3 او 4 حصص ولا حاجة فيهم المفيد وتديله في المرة 25-30 جنيه ولا حاجة ..

---

والله هى فكرة هشوف كدة بس عادة انا مليش معارف سواقين تاكسى ومعارفى فى المنطقة قوليلن
اشوف وربنا يوفقنى

اقتباس:

---

المشاركة الأصلية كتبت بواسطة ahmed air

انا ممكن بس بدون اجر

---

بس ازاى بدون اجر صعب اوى عليا عشان هعطلك واكيد هتزهق منى عشان بسال كتير

اقتباس:

---

المشاركة الأصلية كتبت بواسطة mohamed fahmy

و الله لو إنت كنت فى الغردقة معايا كنت قمت بالمهمة دى وقت الفراغ و خلال يومين تلاتة بالكتير كمان تكون بتسوق كويس .. و بدون أجر طبعاً ..

---

مشكور يا اخى محمد جزاك الله خيرا على اهتمامك وردك عليا
واهل الغردقة اجدع ناس طبعا

استاذ مكه

ممكن تتفق مع سائق تاكسي علي هذا الموضوع
و هم اكثر ناس درايه بخبايا القياده و الطرق

تحياتي

اقتباس:

---

المشاركة الأصلية كتبت بواسطة باسم يوسف

استاذ مكه

ممكن تتفق مع سائق تاكسي علي هذا الموضوع
و هم اكثر ناس درايه بخبايا القياده و الطرق

تحياتي

---

شكرا لمشاركة حضرتك وجزاك الله خيرا عنى
بس اية مكة دى ؟؟؟

مين الي قال لحضرتك 500 جنيه و الكلام ده
اخيرها اوووي 150 جنيه
علي حسب انتي و الاتفاق مدرسه السواقه هتسوق علي انهي عربيه
و تقوله عاوز اعمل ايه
كانك بتوقف تاكسي و بتتفق معاه :)
الموضوع سهل يعني ماتقلقش
و بردو انا تحت امرك في اي حاجه انا موضوع في الجيزه لو تعرفي تجيلي و نطلع دايري الهرم
و امشيك في حتت في زحمه انا تحت امرك :) اهم حاجه قبل الحظر

لو انت قريب من المهندسين انا اعرف مدرس سواقة ( استااااااااااااااذ )

اقتباس:

---

المشاركة الأصلية كتبت بواسطة rapper

مين الي قال لحضرتك 500 جنيه و الكلام ده
اخيرها اوووي 150 جنيه
علي حسب انتي و الاتفاق مدرسه السواقه هتسوق علي انهي عربيه
و تقوله عاوز اعمل ايه
كانك بتوقف تاكسي و بتتفق معاه :)
الموضوع سهل يعني ماتقلقش
و بردو انا تحت امرك في اي حاجه انا موضوع في الجيزه لو تعرفي تجيلي و نطلع دايري الهرم
و امشيك في حتت في زحمه انا تحت امرك :) اهم حاجه قبل الحظر

---

مشكور يا اخى الكريم
انا ممكن اجى اى حته ما دام هعمل حاجة بحبها وهى السواقة
وانا حاولت مع كذا مدرسة وهما عاوزين فلوس وبس وبيقلبوا
ولو قولته على حاجات معينه بيقلب برضة بيقولك ماشى وبيعمل اللى فى دماغة اهم حاجة الفلوس
فلو فلا ينفع احى لحضرتك يشرفنى ان حضرتك تساعدنى وجزاك الله خيرا عنى
وطبعا قبل الحظر

اقتباس:

---

المشاركة الأصلية كتبت بواسطة the lawyer

لو انت قريب من المهندسين انا اعرف مدرس سواقة ( استااااااااااااااذ )

---

انا قريب من المهندسين
حضرتك لو تقولى على اللى بيعلم السواقة دة يبقى جزاك الله خيرا عنى
ويجعلة ف ميزان تعب حضرتك

مش أي حد ممكن يعلمك السواقة يفضل تروح مدرسه عشان الي بيعلم لازم يكون ليه صبر و خبرة ممكن واحد من هنا يتعصب عليك ولا حاجة يخوفك من السواقة و بعدين السواقة محتاجة تمرين هتدرب علي ايه لو معكش عربيه ؟

اقتباس:

---

المشاركة الأصلية كتبت بواسطة mkah21

انا قريب من المهندسين
حضرتك لو تقولى على اللى بيعلم السواقة دة يبقى جزاك الله خيرا عنى
ويجعلة ف ميزان تعب حضرتك

---

اسمه الأستاذ / سامي
رقم التليفون / 01006516551 و 01116828021

هو بيدرب علي عربية شاهين .

اقتباس:

---

المشاركة الأصلية كتبت بواسطة the lawyer

اسمه الأستاذ / سامي
رقم التليفون / 01006516551 و 01116828021

هو بيدرب علي عربية شاهين .

---

انا كلمته وهو طلع تبع مرور الجيزة تقريبا
بس دة طلب منى 360 جنية
وعاوز صورة البطاقة
فاللى انا فهمته كدة انه تبع مدرسة تعليم سواقة تبع مرور الجيزة
بس حضرتك متاكد انه بيعلم صح وبيصبر عليك
وبيبقوا كام حصة
يعنى لما اخلص الكورس التعلميى هبقى قادر انى اسوق عربية لوحدى ةلا اية
انا خايف ادفع الفلوس وفى الاخر يطلع مش تمام
اتمنى حضرتك تقولى ..

اقتباس:

---

المشاركة الأصلية كتبت بواسطة chicobon

مش أي حد ممكن يعلمك السواقة يفضل تروح مدرسه عشان الي بيعلم لازم يكون ليه صبر و خبرة ممكن واحد من هنا يتعصب عليك ولا حاجة يخوفك من السواقة و بعدين السواقة محتاجة تمرين هتدرب علي ايه لو معكش عربيه ؟

---

ايوة ما انا ازاى هشترى عربية وانا مش عارف حتى اسوف
لازم اتعل وبعدين اشترى
والصح اية انا مبقتش عارف

الصح يا كبير انك تشترى عربيه وتتعلم عليها

هتقولى ليه
هتقولى دنا لسه فى الاول وهخبطها انا اتعلم سواقه وبعد كدته اشترى

اقولك لأ اشترى عربيه عشان تاخد عليها وعلى زوايها وعلى ابعادها وماسكة دركسيون وسنس الدبرياج ولمسة البنزين كله ده بيفرق من عربيه لعربيه يعنى مثلا لو اتعلمت على عربيه شاهين هتلاقى دركسيوت تقيييل اوووى تعالى بقى سوق لانوس هتلاقيه حلاوة بلاوة وكذلك فى بقيه الحاجات

العربيه زى 127 مش زى عربيه فرنا ديه زغيرة ودى كبيرة كل ده بيفرق

عن تجربة انا متعلمتش السواقة إلا لما جبت عربيتى واتعلمت عليها مع العلم انى اتعلمت ع عربيات صحابى وروحت مدارس بس الفكرة كلها ان السواقه ديه ممارسة يعنى لازم كل يوم تنزل تسوق لحد متتعود على العربيه

اسف على الاطاله

تحياتى

اساسيات القياده مش كتير بس الموضوع محتاج ممارسه و ده هيبقي صعب و حضرتك معندكش عربيه. انا رأيي تشوف مدرسه قياده من اللي في مناطق زحمه لانهم هيعلموك فيها من الاول في شوارع زحمه و في إشارات و كباري و ناس بتجري قدامك و ده اللي بيحصل في الواقع و كمان هيعلمك تركن في اماكن ضيقه و اعتقد هتلاقي اكتر من واحده في وسط البلد و لا اعتقد انهم بياخدوا مبالغ كبيره . الموضوع باختصار مش صعب حضرتك بتتعلم الأساسيات و دي مثلا ٤٠٪ أما ال ٦٠٪ فهي مجهودك و تدريبك الشخصي و لذلك ما تدفعش فلوس كتير في الموضوع و لا تدور علي واحد معاه دكتوراه في السواقه يعني و زيها زي السباحه مثلا او اي حاجه بتتعلمها المدرب هيديلك الأساسيات و حضرتك بعد كده بتطور نفسك و يبقي ليك أسلوبك و طريقتك فيها

اقتباس:

---

المشاركة الأصلية كتبت بواسطة mkah21

انا كلمته وهو طلع تبع مرور الجيزة تقريبا
بس دة طلب منى 360 جنية
وعاوز صورة البطاقة
فاللى انا فهمته كدة انه تبع مدرسة تعليم سواقة تبع مرور الجيزة
بس حضرتك متاكد انه بيعلم صح وبيصبر عليك
وبيبقوا كام حصة
يعنى لما اخلص الكورس التعلميى هبقى قادر انى اسوق عربية لوحدى ةلا اية
انا خايف ادفع الفلوس وفى الاخر يطلع مش تمام
اتمنى حضرتك تقولى ..

---

ياباشا الراجل دا كويس جدا ، انا اتعلمت علي ايديه والحمد لله بسوق زي الفل

مشكورر .............................................

اقتباس:

---

المشاركة الأصلية كتبت بواسطة chikka

مشكورر .............................................

---

حوار مشكور ده مش بيأكل عيش اليومين دول :36_1_8[1]:

هى شكلها كدة لازم عربية الاول وطبعا لازم اشوف حد ثقة يشوفلى عربية كويسة
بس المشكلة انى فى الاول لازم اخلى حد يسوقها عشان لسة بتعلم
وكمان مثلا يركنها
الموضوع دة تقيل عشان كدة هستعين بناس كتير والناس دلوقتى مبقتش تصبر
الله المستعان

اقتباس:

---

المشاركة الأصلية كتبت بواسطة the lawyer

ياباشا الراجل دا كويس جدا ، انا اتعلمت علي ايديه والحمد لله بسوق زي الفل

---

تمام الله المستعان انا هكلمة تانى ان شاء الله
جزاك الله خيرا يا اخى على تعبك معايا

اقتباس:

---

المشاركة الأصلية كتبت بواسطة land_cruiser

اساسيات القياده مش كتير بس الموضوع محتاج ممارسه و ده هيبقي صعب و حضرتك معندكش عربيه. انا رأيي تشوف مدرسه قياده من اللي في مناطق زحمه لانهم هيعلموك فيها من الاول في شوارع زحمه و في إشارات و كباري و ناس بتجري قدامك و ده اللي بيحصل في الواقع و كمان هيعلمك تركن في اماكن ضيقه و اعتقد هتلاقي اكتر من واحده في وسط البلد و لا اعتقد انهم بياخدوا مبالغ كبيره . الموضوع باختصار مش صعب حضرتك بتتعلم الأساسيات و دي مثلا ٤٠٪ أما ال ٦٠٪ فهي مجهودك و تدريبك الشخصي و لذلك ما تدفعش فلوس كتير في الموضوع و لا تدور علي واحد معاه دكتوراه في السواقه يعني و زيها زي السباحه مثلا او اي حاجه بتتعلمها المدرب هيديلك الأساسيات و حضرتك بعد كده بتطور نفسك و يبقي ليك أسلوبك و طريقتك فيها

---

طيب حضرتك تعرف مدرسة كويسة وسعرها كويس

اقتباس:

---

المشاركة الأصلية كتبت بواسطة magoda

الصح يا كبير انك تشترى عربيه وتتعلم عليها

هتقولى ليه
هتقولى دنا لسه فى الاول وهخبطها انا اتعلم سواقه وبعد كدته اشترى

اقولك لأ اشترى عربيه عشان تاخد عليها وعلى زوايها وعلى ابعادها وماسكة دركسيون وسنس الدبرياج ولمسة البنزين كله ده بيفرق من عربيه لعربيه يعنى مثلا لو اتعلمت على عربيه شاهين هتلاقى دركسيوت تقيييل اوووى تعالى بقى سوق لانوس هتلاقيه حلاوة بلاوة وكذلك فى بقيه الحاجات

العربيه زى 127 مش زى عربيه فرنا ديه زغيرة ودى كبيرة كل ده بيفرق

عن تجربة انا متعلمتش السواقة إلا لما جبت عربيتى واتعلمت عليها مع العلم انى اتعلمت ع عربيات صحابى وروحت مدارس بس الفكرة كلها ان السواقه ديه ممارسة يعنى لازم كل يوم تنزل تسوق لحد متتعود على العربيه

اسف على الاطاله

تحياتى

---

كلامك مظبوط ومنطقى جدا
بس شراء عربية مستعملة كويس دة بياخد وقت عموما ربنا يكرمنى واقدر اجيب عربية كويسة
اللهم امين

انا كنت عامل زيك كده لحد ما اشتريت عربيه وكنت بسوقها جنب البيت لوحدى وبعد يومين كنت عايز اعمل شغل فى العفشه وكان فى واحد جارى بيودينى للعفشجى عشان فى منطقه تانيه ويرجع ياخدنى لمده يومين واليوم الثالث ودانى ومشى واتصل اعتذر انه مش هايقدر يجيلى وطبعا الدنيا اسودت فى عينى وبقول للعفشجى اعمل ايه خدنى من ايدى وركبنى العربيه وحط المفتاح فى الكونتاكت ودور العربيه وقاللى مع السلامه :)
من ساعتها وماحدش بقى يجى معايا مشاويير وبقيت اسوق لوحدى
وعلى فكره مشوار الرجوع السابق ده ماحصلش فيه اى مشاكل غير خبطه صغيره فى الاول من ارتباكى بس :)

اقتباس:

---

المشاركة الأصلية كتبت بواسطة aaah

انا كنت عامل زيك كده لحد ما اشتريت عربيه وكنت بسوقها جنب البيت لوحدى وبعد يومين كنت عايز اعمل شغل فى العفشه وكان فى واحد جارى بيودينى للعفشجى عشان فى منطقه تانيه ويرجع ياخدنى لمده يومين واليوم الثالث ودانى ومشى واتصل اعتذر انه مش هايقدر يجيلى وطبعا الدنيا اسودت فى عينى وبقول للعفشجى اعمل ايه خدنى من ايدى وركبنى العربيه وحط المفتاح فى الكونتاكت ودور العربيه وقاللى مع السلامه :)
من ساعتها وماحدش بقى يجى معايا مشاويير وبقيت اسوق لوحدى
وعلى فكره مشوار الرجوع السابق ده ماحصلش فيه اى مشاكل غير خبطه صغيره فى الاول من ارتباكى بس :)

---

تمام اوى
تعرف فعلا دى شكلها كدة الطريقة الصح
بس انا كنت عاوز عربية كويسة ومش عارف اجيبها منين
انا نفسى فى اية اكس او زد اكس

اقتباس:

---

المشاركة الأصلية كتبت بواسطة mkah21

تمام اوى
تعرف فعلا دى شكلها كدة الطريقة الصح
بس انا كنت عاوز عربية كويسة ومش عارف اجيبها منين
انا نفسى فى اية اكس او زد اكس

---

يا باشا ما انا رديت عليك باستفاضة فى الرسائل الخاصه بخصوص الموضوع ده

اقتباس:

---

المشاركة الأصلية كتبت بواسطة aaah

يا باشا ما انا رديت عليك باستفاضة فى الرسائل الخاصه بخصوص الموضوع ده

---

فعلا والله حضرتك زودتنى بمعلومات كتيرة جزاك الله خيرا عنها
بس انت عارف حيرة المبتدا بقى بيببقى تايهه كدة

اقتباس:

---

المشاركة الأصلية كتبت بواسطة magoda

الصح يا كبير انك تشترى عربيه وتتعلم عليها

هتقولى ليه
هتقولى دنا لسه فى الاول وهخبطها انا اتعلم سواقه وبعد كدته اشترى

اقولك لأ اشترى عربيه عشان تاخد عليها وعلى زوايها وعلى ابعادها وماسكة دركسيون وسنس الدبرياج ولمسة البنزين كله ده بيفرق من عربيه لعربيه يعنى مثلا لو اتعلمت على عربيه شاهين هتلاقى دركسيوت تقيييل اوووى تعالى بقى سوق لانوس هتلاقيه حلاوة بلاوة وكذلك فى بقيه الحاجات

العربيه زى 127 مش زى عربيه فرنا ديه زغيرة ودى كبيرة كل ده بيفرق

عن تجربة انا متعلمتش السواقة إلا لما جبت عربيتى واتعلمت عليها مع العلم انى اتعلمت ع عربيات صحابى وروحت مدارس بس الفكرة كلها ان السواقه ديه ممارسة يعنى لازم كل يوم تنزل تسوق لحد متتعود على العربيه

اسف على الاطاله

تحياتى

---

جبت المفيد يابرنس بالفعل أنا عملت كدة اشتريت العربية واتعلمت عليها من اول وجديد مع اني كنت اتعلمت وسوقت عربيات (( بيجو 504 .... 27 .... لادا ..... لانسر بومة )) بس التعليم على العربيية اللى هتفضل معاك حاجة تانية