الموضوع: غيرت مساعدين ماندو بس سؤال

السلام عليكم ورحمة الله وبركاتة

ازيكم يا شباب غيبت عليكم اسبوع بحاله ههههههههههه

انا الحمد لله من اربع ايام غيرت جوز كبالن جداد بتوع كيا برايد علشان نفس العفشه ونفس المقاس بس طلعت مشكلة ان الكوبلن الطويل بعد ما ركب ومشيت فك من جوا من عند الكوبلن الداخلى وروحت عند الميكانيكى تانى كبسناه وحط وردتين فى الكوبلن الخارجى قبل الصره علشان يزق الداخلى لجوا علشان ما يفكش تانى مع ان الطويل نفس مقاس القديم بس غريبه

المهم وبعدين امبارح روحت جيبت اربع مساعدين ماندو امامى وخلفى علشان الاربعه ما شاء الله طالعين ضاربين والحمد لله :d

ركبتهم امبارح الحمد لله وطلعت اجرب بس لقيت صوت تزيق جاى من ورا كده مع ان لما جربتهم قبل ما اركبهم ماكنش فى حاجه
والكاوتش اللى راكب على المساعدين تحت وفوق كويس

هل فى اقتراحات الصوت ده جاى بسبب ايه ؟

المشاركة الأصلية كتبت بواسطة eng.salama93

هو انتا جبت المساعدين بكام ؟ و ايه نوع ماندو دا انا اول مره اسمع عنه

الاربعه عملو 630 جنيه نوعهم المفروض كورى ودى الماركه اللى مكتوبه على التيكت وعلى الصندوق والميكانيكى لما وريتهمله بيقولى دول اللى ماشيين فى السوق

بصراحه انا علشان مزنقه معايا جيبت دول كان فى طقم يبانى قدام وورا عاملين 1230 جنيه
الجوز قدام 625 وورا 600
واللى انا جيبتهم قدام 325 وورا 300

وقولت مدام هيقضو بالغرض احسن من الاربعه اللى مضروبين بالنار دول وكمان اللى جيبتهم طلعو اقصر سنتى وبصراحه العربيه بقى شكلها احسن ووطت من ورا شويه وبقت احسن وشكلها كمان بقى احلى لان المساعدين التانين كانو معلينا اوى وكمان كانو ضاربين وكانت مراجيح