التأمين على العربيه ؟؟

**Eng.Mohammed** · 10-09-2013 08:20 PM

هو ايه الفرق بين التامين على العربيه من المعرض قبل ما امسي بيها وما بين التامين عليها وانا بخلص ورقها في المرور ؟؟

في معرض القرش اتقالي ان التامين في المعرض بيخلي بوليصة التامين بتمن العربيه كامل زي ما انا شاريها انما في المرور بيتعامل معاها انها عربيه مستخدمه والبوليصه بتبقى بتمن اقل .. الكلام ده صح ولا ايه؟؟

وكمان شؤال معلش .. ايه احسن شركة تامين ممكن اامن معاها ؟؟؟

**Ahmed Amin** · 10-09-2013 09:22 PM

أحسن شركة تأمين في مصر من رأيي كونتاكت كارز, لأن عندهم مصداقية,
وبتوفر لك ونش يجي ياخد العربية لو حصل حادث لقدر الله, وبتتعامل مع التوكيل علي طول,
وفيه تأمين تاني عندهم بيزيد 0.50% عن اللي قلت لك عليهم, دا بيوفر لك كل حاجة زي التأمين العادي بس بيوفر لك كمان عربية تتحرك بيها 3 أيام بعد اما الونش يجي ياخد عربيتك عشان تعرف تتحرك,
ولو حبيت تخليها معاك أكتر من 3 ايام لو عربيتك هتغيب في التصليح اليوم بيتحسب ب 200 جنية تقريباً,
وأنا شايف أن دي مناسبة للناس اللي مش بيبقي عندها وقت تدور علي عربية أيجار أو العربية عطلت وكان معاك أهلك.

علي عكس معظم شركات التأمين التانية يقولك صلح وحاسب بعد كدا أبقي تعالي حاسبنا !!! طب أفرض معييش فلوس يكفي ؟

أنا رأيي أنها أفضل شركة وأقري شروط كل شركة قبل ما تأمن, وأعرفة نسبة التحمل والمزايا والعيوب.

بالنسبة لأول سؤالين معنديش خلفية عنهم, وهستني أسمع من الزملاء معاك؟