مشكله بعد عمره العربيه,,ارجو الرد انا على اخري منها

**ايه اسامة** · 10-09-2013 08:27 PM

انا عملت عمره من 9 اشهر للعربيه,,,لاحظت ان العربيه بتدخن برضه من وارا والزيت بينقص بسرعه,,المهم روحت للميكانيكي اللي عملها الله يجازيه بقى قالي غيري الزيت والفلتر ونشوف,,نفس الموضوع وروحتله واتخانقت معاه,,سيبتهاله وكان قايلي كاوتشات صبابات او حاجه كده,,المهم ان ااتخنقت وسيبتهالو وعملها,,نقص الزيت قل شويه والدخنه,,,المهم بطلت اقيس الزيت لاني اتخنقت واقنعت نفسي ان العربيه بقت كويسه وعشان ماتخنقش,,النهارده ماشيه لقيت لمبه الزيت نورت
روحت حطلها زيت على طول
ياجماعه ايه الحل؟العمره اللي انا شحت عشانها ماتعملتش تمام ولا ايه؟ولا في حاجه انا مش فاهمها,,واتأكدت ان مافيش زيت بينزل من العربيه إلا شويه نشع في الموتور,,ايه الحل افيدوني... ولو فيه حد امين اقدر اروحله يقولي ايه الوضع عشان انا اتخنقت من الميكانيكيه كلهم

**اسلام السعيد** · 10-09-2013 08:32 PM

مــــــتــــــابـــع

**beshomilan** · 10-09-2013 09:00 PM

هو حضرتك منين؟؟
انا عندى حد فى شبرا مصر امين جداااااااااااا وكويس

**aldesha989** · 10-09-2013 09:02 PM

انتا عملت عمره كامله ؟

خرطت حاجه في الماتور ؟

**amrelsaqqa** · 10-09-2013 09:15 PM

العربية اللى معاكى ايه الاول ؟
لانسر ؟ لانسر ايه ؟

**ايه اسامة** · 10-09-2013 09:16 PM

مصر الجديدة للأسف

**ايه اسامة** · 10-09-2013 09:17 PM

المشاركة الأصلية كتبت بواسطة aldesha989

انتا عملت عمره كامله ؟

خرطت حاجه في الماتور ؟

ايوه ,,عمره كامله,,الزيت مغيراه من 3 شهور

**ايه اسامة** · 10-09-2013 09:18 PM

المشاركة الأصلية كتبت بواسطة amrelsaqqa

العربية اللى معاكى ايه الاول ؟
لانسر ؟ لانسر ايه ؟

لانسر 99

**amrelsaqqa** · 10-09-2013 09:28 PM

العمرة يعنى الموتور يتفك حتت
بيبقى في حاجة اسمها بساتم دى المكابس اللى بتتحرك من تحت لفوق وتضغط خليط البنزين وبعدين شرارة البوجيه تفجر البنزين يقوم ضاغط عليها جامد لتحت تولد حركة وقدرة ، وهكذا ..

اللى بيحصل ان البساتم بتفوت في جدار السلندر ، يعنى زي ما تكونى مركبة قلب حقنة صغيرة في واحد تانية كبيرة (مفيش اي كبس يعنى ضعف في الموتور ، وفي فراغ جامد بين فوق وتحت ) ، ده اللى يخلى الزيت يطلع من تحت لفوق ويتحرق من البنزين وساعتها نقول الموتور فوت

التلف اللى بيحصل ده درجات ، في حاجة اسمها الشنبر دى حلقات حديد راكبة ع البستم وزنقاه في السلندر ، دى غالبا اول حاجة بتبوظ ولما بتتعمل الكبس بيرجع كويس تانى والزيت ما ينفدش من تحت لفوق وترجع الدنيا تمام

دى ابسط عمرة ممكن تتعمل وبيبقى اسمها نص عمرة

العمرة الكاملة تتضمن تغيير البساتم والشمايز و خرط الكرنك و عمل روديه للصباابات ، وحاجات كتير ... ( حسب ما الميكانيكى بيشوف قدامه وهو فاكك الموتور )

دلوقتى لازم تبقى عارفة ايه اللى حصل فعلا في الموتور ؟
اشتريتى ايه ؟ ولا الميكانيكى اللى جاب كل حاجة وعملها ، ودفعتى كام ؟
ولا الميكانيكى نصب عليكى وممكن يكون ما عملش حاجة اصلا ؟

الزيت بينقص معناها ان التفويت لسة موجود في الموتور ، تروحى للميكانيكى فورا ، لو كنتى دافعة فلوس كتير وتاخدى حد معاكى ، يشده الشدة الصح ، ويا يظبط العربية بدون فلوس زيادة يا تاخدى فلوسك عشان اللى حصل ده حرام ، وبعد كدة نبقى نشوف ايه قصة الموتور وايه اللى محتاج يتعمل ويتعمل عند مين

ربنا معاكى ..