عرض للطباعة
السلام عليكم يا شباب
انا النهارده استلمت العربية وطلعت بيها عالبنزينة علطول وفولت عالاخر ودفعت 100 جنيه. بس كمبيوتر العربية بيقولي ان الكمية دي تمشيك مسافة 400 كيلو متر بس!!!
هل معقولة الكروز مستهلكة للبنزين بالشكل ده ولا في عيب عندي في العربية ولا ايه؟
وممكن اعرف معدل الاستهلاك في باقي العربيات من الاعضاء الاحباب :)
شكرا ومنتظر ردكم بفارغ الصبر
سلام
شوف العربيه بتعمل 200 كيلو فى الصفيحه يعنى التانك يمشيك 600 كيلو بالتمام والكمال وده الى قراه الكمبيوتر عندى فى اول تفويله ولان رجلى كانت خفيفه عشان التليين بعد كده بقت تعمل 550 فى التانك له 60 لتر بعد التفويله التانيه وده لان رجلى تقلت شويه على دواسة البنزين واغلب المشى كان مابين داخل المدينه والطريق الزراعى الى كله مطبات وكل شويه اقف واتحرك
من الاخر الكروز اخرها لو مشيت على طريق سريع ومتعديش سرعة 100 حتعمل معاك 700 كيلو فى التانك شرط انه يكون طريق طويل مفيهوش توقف مستمر
تحياتى
المشكلة دى احيانا بتحصل معايا لما بفول والعربية دايره وبتبقى النتيجة ان قراية الكمبيوتر بتكون غلط
وساعات بلاقيها بتتظبط لوحدها لما ابطل العربية وادورها تانى او بتفضل قراية الكمبيوتر ثابته فترة بالرغم من ان العربية قطعت مسافة وبعد مسافه معينة بتبدأ القراية تقل
مع العلم ان عربيتى مش كروز بس اعتقد ان الفكرة فى الموضوع دا واحدة
وطبعا الصح انك لما تفول تبطل العربية
وبردة بلاش تعتمد جدا على قراية الكمبيوتر فى تحديد الاستهلاك لانها بتتحسب كمتوسط الاستهلاك فى فترة زمنية معينه وطبعا دا بيتأثر جد بظروف تشغيل العربية (الحرق ـ الزحام ـ التكييف وهكذا)
فالافضل عشان تحسب الاستهلاك انك تحسبه بنفسك عن طريق انك تفول وتقطع اى مسافة وترجع تفول تانى وتشوف الاستهلاك اد ايه.
حمد لله ع السلامة يا باشااقتباس:
المشاركة الأصلية كتبت بواسطة hossam_elwani
طبقا للي حضرتك ذكرته :
لو حطيت ب 100 جنيه و بنزين 92 ...يبقي حضرتك حطيت 54 لتر
الكمبيوتر اداك ان المسافه اللي حتقطعها 400 كم
يبقي كده اللتر علي حساب الكمبيوتر يعمل حوالي 7.4 كم
و ده معدل قليل شويه .
اصبر عليها و فول كذا تفويله و قارن و كمان قارن بالطريقه التقليديه اللي هيا انك بتصفر عداد الرحلات ( الكيلومتر الصغير ) او اللي بيبقي مكتوب عليه trip
فول و اقطع مسافه و اقرأها علي العداد و فول تاني و شوف خدت كام لتر و أقسم المسافه اللي في عداد ال trip علي البنزين اللي فولته ...حيديك اللتر بيعمل كام كيلومتر بالظبط و اعتقد الطريقه دي أدق .
و موضوع الاستهلاك بيتحكم فيه عوامل كتير متغيره :
1- طريقه السواقه ( رياضيه - اقتصاديه )
2- تشغيل التكييف من عدمه
3-ظروف الطريق ( زحمه و كل شويه فرامل و لا مفتوح )
4- سرعه السياره ( تحت ال 100 كم/ساعه و لا فوق ال 100 كم )
5- طريقه التفويل ...التفويل للزور ولا التفويل مع أول تكه فصل لمسدس البنزين ( دي بتفرق كذا لتر 5 لتر في المتوسط تقريبا )
الله يسلمك فيك الخيراقتباس:
المشاركة الأصلية كتبت بواسطة monamize4
اعتقد كدة العربية بتستهلك بنزين عالي جدا و المفروض الاستهلاك يقل بعد صيانة الالف وان كنت اسمع ان شيفورلية اول صيانة بعد 5 الاف
الفتيس بتاع الكروز اكمنه 6 غيارات
محتاج تعامل مخصوص شويه عشان تحسن تسارع العربيه وكمان الاستهلاك
يعني داخل المدينه يفضل تستخدم النقل المانيول عشان تحسن من كفائه الغيارات وتضبط معدلات الاستهلاك للبنزين التي اعتقد حتكون في حدود 1 لتر لكل 10 كيلو
اما في السفر فمعدل سرعه من 130 الي 140 كم في الساعه حيكون مناسب لاستهلاك يعادل حوالي 8 لتر لكل 100 كيلو .
طبعا بياثر علي الكلام ده طريقه السواقه ونوعيتها وتشغيل التكييف و زياده الاحمال داخل العربيه
كلااااااااام جميل اوي يا رجاله, الله ينور عليكو كلكوا
مش عارف من غيركم كنت هعمل ايه :)
على فكره انا هجرب اني افول واصفر العداد وكمان حكاية المانيوال لانه لما بقلب الفتيس عالمانيوال بلاقيه ماشي عالخامس او الرابع واحنا في وسط البلد, فأعتقد ده بياكل بنزين اكتر.
كان ليا استفسار تاني بس مش على البنزين, في زرار اسمه Menu في دراع الاشارات, عاوز اعرف فايدته ايه.
شكرا
العادى انها بتعمل 10 او 11 لتر لكل 20 كيلو و سيبك من معدل الاستهلاك اللى بيطلعلك ده فى الفشنك عشان محسوب بمعدل سرعة ثابت لازم تحسبها بالورقة و القلم تفول لحد او فصلة فى المكنة و تروح مشوار و ترجع تفول لحد اول فصلة تانى
و عموما الاستهلاك مش بيتزبط الا بعد اول 1000 كم بس متتوقعش احسن من 10 11 فى ظروف التشغيل العادية اللى هيا زحمة و تكييف
شكرا يا معلم, انا هعمل كده ان شاء اللهاقتباس:
المشاركة الأصلية كتبت بواسطة mido
اى خدمة يا باشا :)اقتباس:
المشاركة الأصلية كتبت بواسطة mohamedsaber2
اعتقد ان الارقام دى كويسه يعنى انا بالشارك كنت بعمل 190 او 200 فى الصفيحة ولما كنت بحرق مع تكييف كان بيوصل 180 وفى السفر علشان بجرى كانت بتعمل من 240 الى 280 حسب السرعة والتيست دريف على 95 طوالى عملت 365 فى الصفيحة
http://www.nilemotors.net/Nile/491776-a.htmlاقتباس:
المشاركة الأصلية كتبت بواسطة mohamedsaber2
:tumb: