موبايلى اتسرق النهارده من جوا العربيه وانا واقف

انا النهارده كنت من ساعه ونص بالزبط في تقاطع جسر السويس بعد كوبرى التجنيد اتجاه العباسيه كده ولقيت واحد زنق بالموتوسيكل بينى وبين العرربيه الى جنبى فوسعتله عجله لقيته زعق انت مبتشوفش انت مش عارف ايه انا قولت الواد ده مجنون

المهم تطاول خلانى نزلتله وانا أصلا مخنوق من الشعب ده في كل حاجه وزهقت من الأفعال الى كل يوم بشوفها
نزلته طبعا عليت صوتى عليه سبنى ومشى في اللحظه ديه كان الموبايل اتسحب من العربيه من داخل حامل الكوبايات جنبى وبعد مكلمت الواد ولسه بيطلع بالموتوسكيل لقيت تاكس ورايا بيقولى واحد منهم خد حاجه من العربيه ومشى

طب وانت واقف يعنى علشان تحكيلى أدى الناس في الشوارع حسبنا الله ونعم الوكيل

فحبيت اعمل الموضوع ده احذر ولما كلمت شركه اتصالات اتفاجئت ان كذا حد حصلت معاه النهارده

للعلم التيلفون الى اتسرق I Phone 5

قدر الله وما شاء فعل خلو بالكو البلد بقت سيئه لدرجه مبالغ فيها فعلا

حسبنا الله ونعم الوكيل

ربنا يعوض عليك , وكان المفروض تاخد بالك , لان فية اعضاء كتير هنا نبهوا على الموضوع دة كتييييير اوى

بس فعلا ساعة النصيب والقدر كل حاجة بتتنسى

ربنا يرحمنا من الاشكال دية بقى والبلد تنظف من الحرامية

وربنا يعوض عليك ياباشا والحمد لله انها جت على قد كدة

الله يعوض عليك

اقتباس:

---

المشاركة الأصلية كتبت بواسطة Secret-Man

انا النهارده كنت من ساعه ونص بالزبط في تقاطع جسر السويس بعد كوبرى التجنيد اتجاه العباسيه كده ولقيت واحد زنق بالموتوسيكل بينى وبين العرربيه الى جنبى فوسعتله عجله لقيته زعق انت مبتشوفش انت مش عارف ايه انا قولت الواد ده مجنون

المهم تطاول خلانى نزلتله وانا أصلا مخنوق من الشعب ده في كل حاجه وزهقت من الأفعال الى كل يوم بشوفها
نزلته طبعا عليت صوتى عليه سبنى ومشى في اللحظه ديه كان الموبايل اتسحب من العربيه من داخل حامل الكوبايات جنبى وبعد مكلمت الواد ولسه بيطلع بالموتوسكيل لقيت تاكس ورايا بيقولى واحد منهم خد حاجه من العربيه ومشى

طب وانت واقف يعنى علشان تحكيلى أدى الناس في الشوارع حسبنا الله ونعم الوكيل

فحبيت اعمل الموضوع ده احذر ولما كلمت شركه اتصالات اتفاجئت ان كذا حد حصلت معاه النهارده

للعلم التيلفون الى اتسرق I Phone 5

قدر الله وما شاء فعل خلو بالكو البلد بقت سيئه لدرجه مبالغ فيها فعلا

حسبنا الله ونعم الوكيل

---

لا حول و لا قوة إلا بالله العلي العظيم ... حسبي الله و نعم الوكيل ... شوف يا باشا خش على الصفحة بتاعت FIND MY IPHONE و هات GPS Location و ممكن تعمل Wipe , Lock , ring , divert all calls & SMSs بس ده لو انت مفعل الخاصية دي و الموبيل عليه 3g data و GPS متفعلين عليه أما بقى لو لأ يبقى يعوض عليك ربنا ...

اقتباس:

---

المشاركة الأصلية كتبت بواسطة Haitham Basha

لا حول و لا قوة إلا بالله العلي العظيم ... حسبي الله و نعم الوكيل ... شوف يا باشا خش على الصفحة بتاعت FIND MY IPHONE و هات GPS Location و ممكن تعمل Wipe , Lock , ring , divert all calls & SMSs بس ده لو انت مفعل الخاصية دي و الموبيل عليه 3g data و GPS متفعلين عليه أما بقى لو لأ يبقى يعوض عليك ربنا ...

---

انا فعلا عملت كده لكن الموبايل من ساعتها مغلق لكن عملت erase all date اول ما الموبايل هيتفتح هيطير كل حاجه عليه

بس مش ديه المشكله انا مصدوم من ساعتها مش فاهم في ايه انا اول مره في حياتى يتسرق منى موبايل

قدر الله وما شاء فعل

بس بعد كده ايان كده الظرف اللى انت فيه لو هاتنزل من عربيتك تقفل الازاز كله وانت خارج حتى لو هاتجيب حاجه من الكشك اللى قدامك الاحطياط واجب

عارف لو صلت انك تكتب ورقه وتعلقها على التابلوه تفكرك بانك تقفل الازاز وانت نازل اعملها الدنيا مافيهاش امان

ربنا يعوض عليك
بصراحة الواحد مش عارف يقول اية ولا اية
واللة انا بقيت اقفل السنتر لوك على أولادى لو نزلت اشترى طلب

فداك يا باشا الموبايل ,,,
بس ابقى خد بالك و متتسرعش و متخليش حد يسنفزك لان معظم الناس لما بتتعصب بتنسى الاحتياطات اللى بيبقوا مذاكرينها كويس

و زى ما قال العضو المحترم besso ,, ماتتحركش خطوة بعيد عن عربيتك الا و تكون مقفلها حتى لو نازل تبص ع الكاوتش :)

ربنا يعوض عليك ويبدلك خيرا منه

وممكن نضيف كمان
لوعربيتك عطلت في الشارع ولقيت واحد او 2
ولا د حلال جايين يساعدوك في زق العربيه
من نفسهم
خلي بالك منهم لانهم ممكن يقلبوا كل حاجه في العربيه
بدعوي المساعده والشهامه

اقتباس:

---

المشاركة الأصلية كتبت بواسطة secret-man

انا فعلا عملت كده لكن الموبايل من ساعتها مغلق لكن عملت erase all date اول ما الموبايل هيتفتح هيطير كل حاجه عليه

بس مش ديه المشكله انا مصدوم من ساعتها مش فاهم في ايه انا اول مره في حياتى يتسرق منى موبايل

---

معلش يا باشا فداك كل تلفونات الدنيا المهم إنك كويس و بخير و خلي بالك بقه بعد كده و متسيبش الإزاز اليمين مفتوح و لو هتفتحه إفتح حته صغيره بس الي هي يادوبك تدخلك هوا و مستبش حاجه مهمه ظاهره بعد كده في العربيه حتى و انت سايق و ربنا يستر طريقك ...

قدر الله وما شاء فعل .... البلد خربت

طب كويس انوا اتسرق لما نزلت احنا كنا تلاته ف العربيه والتليفون اتاخد من التابلوه منغير مننزل

احمد ربنا انها جت على الموبيل
فى اوائل سنه 2012 واحد معرفه كان فى وسط البلد بالعربيه و نزل يشترى حاجه و سايب مراته فى العربيه و بنته الصغيره على الكنبه اللى ورا و العربيه نفسها فى حته فيها ناس مش حته ضلمه يعنى - بس غلطته انه كان سايب المفاتيح فى الكونتاكت

مره واحده لاقيت واحد حاطط مطوه على رقبت بنتها - و التانى بيقولها"انزلى بشويش و من غير دوشه علشان خاطر بنتك"
نزلت طبعا و الحراميه خدو العربيه كلها و جوزها واقف على بعد 20 متر مش فاهم حاجه

اقتباس:

---

المشاركة الأصلية كتبت بواسطة abb

طب كويس انوا اتسرق لما نزلت احنا كنا تلاته ف العربيه والتليفون اتاخد من التابلوه منغير مننزل

---

ازاى ؟؟ حد خطفه و جرى ؟؟

اقتباس:

---

المشاركة الأصلية كتبت بواسطة hugan

وممكن نضيف كمان
لوعربيتك عطلت في الشارع ولقيت واحد او 2
ولا د حلال جايين يساعدوك في زق العربيه
من نفسهم
خلي بالك منهم لانهم ممكن يقلبوا كل حاجه في العربيه
بدعوي المساعده والشهامه

---

ما هى دى المشكلة. احنا وصلنا لمرحلة الشك فى كل الناس حتى اللى جاى يساعدك فى أى طارئ بتبص له بريبة والشك جواك انت عدو ولا صديق؟ انا عن نفسى بقيت ببص للناس كدة ومرتاب منهم :( لا حول ولاقوة الا بالله

صاحب الموضوع: ربنا يعوض عليك ومتزعلش.

شكرا لكل الناس المحترمه وربنا يحفظكم من اى شيىء وحش سرقه او غيره

وانا عملت الموضوع علشان الى مش واخد باله ياخد باله وربنا ينجينا من العيشه في البلد ديه بجد

ربنا يعوض عليك وانا اتسرق موبايلي كان 5800 بمنتهي الخفة .. واحد خبط الباب اللي ورا يمين ببص اشوف ايه
لاقيت الموبايل اتشال من قدام العدادات وازاز العربية كنت عاملة نص !! ولا حسيت ولا سمعت اى شىء يدل ان في حاجة بتتشال !
عموما فكرة انك تحط موبايلك علي التابلوة فاااااااااااااااشلة وممكن تخلي الحرامي يعمل اى شىء عشان ينزلك من العربية
الموبايل ميتشالش من الجيب او في الكونسول من بين الكرسيين في الدرا تحت ولو بتتكلم فيه ارفع ازاز عربيتك لقبل اخره بشوية !! غير كدا توقع ان موبايلك متروحش بيه

ربنا يعوض عليك ياباشا

اقتباس:

---

المشاركة الأصلية كتبت بواسطة kemoztanta

ربنا يعوض عليك وانا اتسرق موبايلي كان 5800 بمنتهي الخفة .. واحد خبط الباب اللي ورا يمين ببص اشوف ايه
لاقيت الموبايل اتشال من قدام العدادات وازاز العربية كنت عاملة نص !! ولا حسيت ولا سمعت اى شىء يدل ان في حاجة بتتشال !
عموما فكرة انك تحط موبايلك علي التابلوة فاااااااااااااااشلة وممكن تخلي الحرامي يعمل اى شىء عشان ينزلك من العربية
الموبايل ميتشالش من الجيب او في الكونسول من بين الكرسيين في الدرا تحت ولو بتتكلم فيه ارفع ازاز عربيتك لقبل اخره بشوية !! غير كدا توقع ان موبايلك متروحش بيه

---

هو ده بلضبط اللى حصل معانا ف رمسيس

اقتباس:

---

المشاركة الأصلية كتبت بواسطة kemoztanta

ربنا يعوض عليك وانا اتسرق موبايلي كان 5800 بمنتهي الخفة .. واحد خبط الباب اللي ورا يمين ببص اشوف ايه
لاقيت الموبايل اتشال من قدام العدادات وازاز العربية كنت عاملة نص !! ولا حسيت ولا سمعت اى شىء يدل ان في حاجة بتتشال !
عموما فكرة انك تحط موبايلك علي التابلوة فاااااااااااااااشلة وممكن تخلي الحرامي يعمل اى شىء عشان ينزلك من العربية
الموبايل ميتشالش من الجيب او في الكونسول من بين الكرسيين في الدرا تحت ولو بتتكلم فيه ارفع ازاز عربيتك لقبل اخره بشوية !! غير كدا توقع ان موبايلك متروحش بيه

---

لعلمك هو سرقه من بين حامل الاكواب تحت جنب الفتيس يعنى بعيد جدا عن الشباك لازم يدخل نص جسمه علشان يعرف ياخده

والادهى من كده ان الناس شايفاه وبعد مامشى واحد ورايا يقولى الحق ده شكله خد حاجه من العربيه

نفس الموقف حصل لواحد قريبي من شهرين بالقرب من ميدان عبد المنعم رياض.

عمل نفسه اتخبط وهوبا الموبايل اتسرق..وكان جالاكسي نوت 2.

معلش ربنا يعوض عليك..حاجة تحزن مستوى الامن في مصر ولكن ربنا كبير.

وممكن نضيف كمان
لوعربيتك عطلت في الشارع ولقيت واحد او 2
ولا د حلال جايين يساعدوك في زق العربيه
من نفسهم
خلي بالك منهم لانهم ممكن يقلبوا كل حاجه في العربيه
بدعوي المساعده والشهامه

ما هى دى المشكلة. احنا وصلنا لمرحلة الشك فى كل الناس حتى اللى جاى يساعدك فى أى طارئ بتبص له بريبة والشك جواك انت عدو ولا صديق؟ انا عن نفسى بقيت ببص للناس كدة ومرتاب منهم :( لا حول ولاقوة الا بالله

صاحب الموضوع: ربنا يعوض عليك ومتزعلش.
__________
لاءن ده اللي حصل معايا فعلا

امبارح و انا مروح فى المترو الموبايل كان حا يتسرق الافندى بعد ما المترو قفل الابواب مد ايده جوه الشباك و كانت الكنبه وضعها انى مدى ضهرى للشباك لكن و الفضل لله كان الموبايل فى ايدى بس لتحت شويه فا ايد الافندى الحرامى مش طالت توصل كل ده انا لاقيت واحد بيقول حاسب حاسب و ايده بتحك فى كتفى بابصى ورايا لاقيته ماشى عادى جدا و لا كأنه عمل اى حاجه فاياريت كله برضه يخلى باله فى المترو

ربنا يعوضك خير معلش
بصراحة شئ محزن الي بيحصل ده

متشكر لكل الناس المحترمه ديه وربنا يحفظكم جميعا

اصبر واحتسب ،، ربنا يصلح حالك وينتقم ممن سرقه ، انا اتسرق منى اكتر من مرتين ، والحمد لله على كل حال ، اصبر واحتسب.

ربنا يعوض عليك ياباشا والحمد لله انها جت على قد كدة

ربنا يعوض عليك
حسبنا الله ونعم الوكيل
البلد رايحة لفين ؟!

الله يعوض عليك

و ما قولك فى سرقة الموبايل فى المسجد فى صلاة التراويح فى رمضان و لم يكن موبايل ذكى أو ذو قيمة كبيرة

ربنا يعوض عليك بالافضل

مانمر به من حالة انحدار اخلاقي وانعدام ضمير نتيجة الفوضي والانفلات الأمني سببه بالاساس صعف النفوس فبمجرد توافر المناخ المناسب زادت البلطجة والانحراف الاخلاقي والعنف وسيطر الشيطان علي تصرفات الناس

اللهم ارفع مقتك وغضبك عنا...وارحمنا مما نحن فيه...اللهم آمـــــــــــــتين

سبحان الله, نفس اللي حصل معاك بالظبط شوفته بعيني في شارع فيصل في وسط الزحمه والعربيات واقفه, اتنين بموتوسيكل غفّلو واحد بنفس الطريقه ولطشوا الموبايل وطاروا في شارع جانبي.

عايز اقولكم حتى الان والموضوع بقاله سنه ومش عارف اجيب الموبايل عن طريق القسم الى عملت فيه المحضر وقولت هيجبولى الموبايل زى ماحصل مع واحد صحبى

سبحان الله شرطه جامده اوى ما شاء الله ربنا ياخدهم

انا موبايل اخويا اتسرق منه مرتين , اول مره كان بالطريقه بتاعتك دي بس هو جري ورا الحرامي و جابه و خد الموبايل

تاني مره نفس الموبايل اتسرق منه تاني بعد ماتثبت في وسط الشارع في الضهر والمرادي معرفش يجيبه

ومراتي موبايلها اتشد من ايديها و الحرامي خده وجري ركب موتوسيكل وكان جلاكسي نوت جديد

اقسم بالله كل ده حصل , تحب احكيلك بقية قصة العيله و لا كفايه كده