الموضوع: تقييم لانسر شارك 1600

سؤال بعد الاخير، فى سمعة ان الشارك ال resale بتاعها وحش فى السوق عشان ما انتشرتش و قطع غيارها غالية وال resale الكويس للبوما بس؟ ما مدى صحة الكلام ده؟

مُتابع

بص يا باشا انا معايا لانس شارك 2012 الماتور سحبة كويس جدا العربية عالية محكتش معايا ف و لا مطب العفشة مريحة والصالون كبير و مريح والتكييف ممتاز العربية ثابتة جدا انا بصراحة مزودتش قبل كدة عن 180 بس لحد 180 كانت كويسة جدا عيوبها بقى العزل مش اقد كدة الشنطة مش واسعة قوى ال resale بتعها مش قد كدة مش زى الانسر البومة و لازى الكورى و التويوتا قطع الغيار دلوقتى كلها بقت غالية ان بصراحة لسة مغيرتش حاجة بس ان كان معاية لانسر شارك 2008 منيوال قبل دى قعدت معايا 5 شهور كنت جبتلها تيل فرامل امامى ب 450 و طانيبر امامى ب 1200 الواحد من التوكيل و بجيهات ب 400و سير الكاتينة جنزير فامغيرتوش و السير التانى بس كان رخيص مش فاكر كام العربية يابانى 100 فى ال100 عامة العربية كويسة جدا و محترمة جدا .
السيفيك فى اعتقادى افضل العربيات اليابانى فأكيد اعلى من الشارك بس بصراحة لو بتقارن بين مستعمل و زيرو الزيرو مالوش حل كفاية انك هتريح دماغك من اى حاجة على الاقل 3 او 4 سنين .

ربنا يباركلك فيها يا باشا دى ال 1600 صح؟ بس انت معاك انهى فئة؟ و بعد اذنك جبتها منين و بكام؟ اصل انا رحت المصرية امبارح قالولى مفيش شارك دلوقتى فى السوق احنا مستنيين موديل 2014

أنا شكلي أخدت من اسبوعين آخر شاركاية 2013 في السوق .. العربية حلوة كقيمة مقابل سعر

الف مبروك عليك يا باشا ربنا يحفظها.. دى انهى فئة و جبتها منين و بكام؟ معلش اسئلة كتير بس هتساعدنى عشان ما يضحكش على :)
انا لسه مكلم سمير ريان عندهم 2013 اول فئة ب 131500 بس نسيت اسال هى خليجى ولا ايه لأنها اقل من سعر السوق ب 6000 معرفش ليه؟ و عامة هو الخليجى ايه نظامه فى الضمان و التوكيل؟ وهل فى اختلاف فى العربية نفسها عن المواصفات المصرى؟