السلام عليكم يا شباب
بما أني حيران حيرة صعبة اليومين دول لأني بدور على عربية مستعملة في حدود ١٢٠ ألف
اللي يقولي الألماني هيزعلك مصاريف، خليك في الياباني
بس أنا بحب التكنولوجيا في العربيات و حاسس أن الألماني هيديني أداء محترم
و علشان كده انا بسألكم علشان اضبط الميزانية بتاعتي محتاج اصرف على العربية كام في السنة علما بأني بعمل حوالي ٣٠ ألف كيلو في السنة
و شكرًا
موفق فى الشراء ان شاء اللة
ألالمانى عربية تتركب بس تتركب زيرو ماتتركبش مستعملة
وبصراحة قطع الغيار غالية بس معمرة
على فكرة انا سوقت المانى كتير يعنى صحابى واخويا كدة يعنى كلامى عن تجربة كنت عايشها
++ خليك فى الالمانى متبصلهاش بصرفت كام لانك فى المانى حتصرف واليسابانى حتصرف والكوري حيصرف
الالمانى ركوبه برستيج ممتع امان نظافه
دى رائي
الى يخلينى ادفع 200 الف قلى الينترا او نيو سيراتو
طب ما ادفع 225 فى اسكودا اوكتافيا a7
او نيو جيتا
وحاجه من الاخر
الالماني الماني ولو كان ربع امامي ..
انت ممكن تجيب بيهم زيرو بيجو 301 او سي إليزيه وممكن تجيب بيهم جيتا او باسات مستعمل بس موديل قديم شويتين وموضوع قطع غيار الالماني على قد ماهو غالي على قد ماهو معمر والغالي تمنه فيه وفعلاً الالماني بيمثل متعة القيادة مش مجرد عربية
انا ركبت الاوكتافيا الشكل القديم موديل 2011 ومكنتش عايز انزل من عليها
طبعا الالماني لا يعلي علية لاكن لية تركب مستعمل ممكن بالمبلغ دة تجيب الفئة الثانية من البيجو 301 جديدة و اوروبي يعني حاجة نضيفة
حط عليهم 10 آلاف وهاتلك شبح نظيفة وعيش حياة.تانية و إنسى عربيات الدرجة الرابعة والخامسة ودمتم للنضال على فكرة.الشبح 320 مبتحبش تعطل كتير وقطع غيارها متوفرة كتيييير إستيراد حرفيين وبورسعيد وإسكندرية وبرضو تقدر تخليك في رأي اﻷخوة اﻷعضاء الزملاء وتاخد عربية زيرو درجة خامسة وتقبل مروري
متـــــــــــــــــــــــ ـــــــــابــع
بص انت لو ميهمكش ان العربية تكون هايلاين ممكن تجيب زيرو فئة من اللانسر بومة او فيات جراند بونتو او لينيا او اكسنت او كيا ريو او نيسات صني الشكل الجديد او تيدا وممكن اوبل كورسا الصغيرة وزي ما قلتلك ممكن بيجو 301 او ممكن تجيب اوبتر اوتوماتيك او سي إليزيه و ممكن تجيب بروتون جين 2 او برسونا ولو ليك في الصيني ممكن تيجو او a620 او mg c 350
يعني عندك خيارات كتيرة تكون زيرو وانا شايف انك تعيش البهجة بعربيتك الجديدة
ولو ليك في المستعمل انت ممكن تجيب حتة بي إم 318 موديل 2003 محرك 2000 سي سي
وممكن اوكتافيا 2009 او 2010 اول فئة
بس الحاجات دي تقريباً صيانتها اكتر من ركوبتها
انا من رأيي تشوف حاجة جديدة من اللي قلتلك عليهم احسن عشان تريح بالك
أولا، احب اشكر كل اللي رد و شارك في الموضوع ده،
ثانيا، أنا ملاحظ تقريبا إجماع أن افضل حاجة بالمبلغ ده أني أجيب زيرو و أن الألماني ميت كبش مستعمل.
أنا مشكلتي أن أنا عندي هس هس التكنولوجيا و بحب العربيات اللي فيها اوبشنز كتير ، و مش فارق معاديا الشكل من برا. اهم حاجة الأداء.
ممكن افكر في الياباني لانه مفهوش مشاكل في الفتيس و لا المواتير و ممكن يتركب كيلومتر عالي شوية عادي غير الألماني و لا إيه ؟
أهم حاجة استفدتها من الحيرة اللي أنا فيها أن مفيش عربية كاملة، الكمال لله وحده. فلازم الواحد يضحي بحاجة مقابل حاجة.