الموضوع: الحمد لله غيرت زيت الفرامل والفتيس اخيرا !!

السلام عليكم

عربيتي حاليا عامله 78000 كيلو وانا كنت بعملها صيانه ال 80- الف غيرت مايه الردياتير والسير والتيل الخلفي
وبقى فاضلي تغيير زيت الفرامل وزيت الفتيس انا كنت سايب الاتنين دولا للاخر
بالنسبه لزيت الفتيس كنت محتار اغير ايه هل اغعير موبيل وخلاص ولا اجرب انواع جديده زي ليكوي مولي او فلفولين او وولف ولا اغير زيت تويوتا !!
المهم دورت على النت كتير وبصراحه اكتر حاجه ارتحت لها كانت الموبيل ولقيت ان المناسب لفتيس السيريون هو mobil atf 320 وفعلا نزلت اشتريت 3 عبوات الليتر ب 55 جنيه وروحت للميكانيكي بتاعي فك الكارتيتره وغسلها ببنزين ونضفها كويس اوي ولاسف مذجبتش فلتر جديد بس الميكانيكي قالي عادي ممكن تغير عليه مره كمان وغسلهولي كويس برده ونضفناه كويس وبصراحه الزيت فرق كتيير في العربيه في نعومه الفتيس ونقاته وكمان سحب العربيه واستجابتها اختلف جامد
اما زيت الفرامل فانا كنت عاوز اغيره وكنت برده محتار في النوع وكمان في الطريقه بالنسبه للنوع نزلت لفيت لفه لقيت انواع كتير انضفهم كان زيت الماني اسمه ati sl ده ب 35 العبوه 500 ملي ولقيت شل ب 17 جنيه 250 ملي دول انضف نوعين لقيتهم تقريبا غير ليكوي مولي طبعا ب 35
المهم اتصلت بالخبير بتاعنا محمد شهبور (ابو عبد الله) جزاه الله كل خير بصراحه زهقته معايا وقالي انه غير زيت كاسترول دوت 4 وانه حلو وب 17 جنيه العبوه 250 ملي وفعلا استقريت عليه نظرا لثقتي في دماغ الحج محمد :) ونزلت بنزينه طاقه وجبت علبتين وروحت للعفشجي بتاع ابو عبد الله برده تقليد اعمي ههههههههههه قلت طالما جبت نفس الزيت بتاعه يبقى اخلي العفشجي بتاعه برده هو اللي يشتغلي وفعلا نزلنا الزيت وكان طالع بجد منظره يسد النفس ومتعكر حالته نيله وحطينا الزيت الجديد بصراحه انا مش حاسس بفرق في الفرامل بس مجرد مكنظر الزيت الجديد ومقارنته بالزيت القديم مخليني مرتاح نفسيا
وبكده السيريون معدش ناقصها حاجه الحمد لله