الموضوع: اماكن تعليم السواقة

المشاركة الأصلية كتبت بواسطة nona_yaris

في كل العالم يتم تعلم القيادة كما يلي بالترتيب :
تتعلمي القيادة في مدرسة سيارات
الحصول علي رخصة قيادة
شراء سيارة وتنطلقي

لكن في مصر كما يلي وبردو بالترتيب :
تشتري عربية رخيصة مستعملة وغالبا 128 او دايو قديمة
تطلعي رخصة بالواسطة او بالفلوس
تتعلمي براحتك بقااااا في اي مكان ومع اي حد
وبعد ما تكوني اتقنتي السواقة ودشدشتيلك كام عربية لناس مالهاش ذنب تبيعي العربية التعبانة اللي بهدلتيها في التعليم لصاحب نصيبها الله يكون في عونه
وتشتري عربية كويسة
وتعيشي بقاااا

مش دايمن بيحصل الكلام دة الا مع الستات والبنات

دة غيرا المواقف اللى بتعرضلها بسبب سواقة الستات ولو هنحكي مش هنخلص المهم ما علينا

على فكرة عاوز اضيف حاجة لحضرتك أنا جبت عربيتي الاول واتعلمت عليها السواقة فى الاول كنت خايف ومرعوب مش علشان بتعلم السواقة وبس لالالالالا علشان مكنتش طلعت الرخصة وبعد ماأمتحنت واخدت الرخصة وأنا مروح البيت كأني عديت من امتحان قيادة الطائرات ومن بعدها الرهبة والخوف مبقاش موجود بس لازم الانسان يكون حذر ومش مستهتر خصوصا لو بيمشي على طريق سريع

الكلام دة من سنة وكام شهر ودلوقتي سواقتي بقت احسن والعربية عايشة معايا وراضية بنصيبها وزي ماجبتها بالظبط وعمرها متخبطط طول الفترة دي غير مرة واحدة ومكنتش الغلطان والله لانها اتخبطط من الخلف
علشان اكون صادق ممكن حكة بسيطة فى الاكصدام لما كنت بركن ....... خبطة مرايا ع السريع بدون اضرار

القصد من الكلام هيا نصيحة العربية الاول وبعدين تتعلمي واحدة واحدة وبعدين الرخصة وبعدين انطلقي وأهلا بيكي رائدة فضاء جديدة علي الطريق ((( الحذر والخوف والقلق الطبيعي شيئ طبيعي ))) وربنا هو الستار

تقبلو تحياتي