ابعد عن البنت ده واشتري راحة بالك وخد واحدة من الاول على مزاجك لأنك مستحيل تغير في اي واحدة حتى لو كنت سوبر مان وحتى لو سمعت كلامك شكليا وهيه مش من جوه مقتنعة هترجع تاني للي بتعمله
عرض للطباعة
ابعد عن البنت ده واشتري راحة بالك وخد واحدة من الاول على مزاجك لأنك مستحيل تغير في اي واحدة حتى لو كنت سوبر مان وحتى لو سمعت كلامك شكليا وهيه مش من جوه مقتنعة هترجع تاني للي بتعمله
رأي مينفعش الكلام ده
نوافيكم بأخر التطورات :)
طبعا لما بعتلها الرسالة كنت متوقع انها مترودش ولكن للأسف ردت وبعد نقاش طويل وشد وجذب وافقت انى اقابلها " للمرة الثانية " فى وجود والدتى ووالدتها ... انا وافقت على المقابله عشان مكنتش عارف أخد قرار نهائى بالقبول أو الرفض ..
نيجى لتفاصيل الكلام فى المقابلة واللى كان مدتها ساعة وربع " دا نظرا لظروف الحظر " بس هما كان ممكن يقعدوا أكتر من كده بكتير
قبل ما اتكلم أحب اوضح انى بشتغل مع والدى وعندنا معرض بس انا مش باخد منه مرتب ومعايا فلوسى وفلوس اخويا بستورد بيها بضاعة وببيعها وده هو مصدر رزقى الوحيد والحمدلله مكفينى من غير ما أخد مليم من أبويا , انا بسافر واشترى البضاعة واخويا اللى مسئول عن بيعها عشان انا معنديش خبرة فى البيع ولا اعرف اتعامل مع الزباين
تفاصيل المحادثة بقى ان هى شايفة ان انا كده معنديش شغل مستقل بنفسى وطالما انا بستورد بس فا ليه مفتحش مكتب استيراد واشترى للناس اللى عيزينه أو انى اشتغل فى مكتب محاسبة أو أبحث انى أكون وكيل لأى شركة من اللى بتعامل معاهم ... فهمتها ان انا مينفعش اشتغل عند حد وعندى شغلى ومرتاح فيه ومينفعش اكون وكيل لأى شركة عشان طبيعة الشغل نفسه مينفعش أكون وكيل لحد وكمان لا يعقل انى افتح مكتب استيراد وانا مزروع فى وسط السوق والتجار وممكن أجيبلهم اللى عايزينه بس انا مركز فى شغلى مع اخويا فى المرحلة دى .... واحيانا بروح المخزن مع العمال واساعدهم فى التحميل
كان ردها ان انا دلوقتى أقول لبابا ايه , لو قلتله انك بتشتغل كده هيرفض , قلتلها تبقى قوليله هو صايع ومش بتاع شغل ( عشان اقفل الكلام معاها فى نقطة أبوها )
راحت أمها ادخلت فى الكلام وبتقولى يعنى انتا كده مش بتاخد مرتب , قلتلها اه , وحضرتك متشغليش بالك بالموضوع ده مستورة والحمدلله ,, فا قالتلى يعنى انتا كده تعتبر قومسيونجى " فا كنت هديها بالجزمه " قلتلها انا بستورد بضاعتى وببيعها فى معرض ابويا والناس اللى بتجيلى انا مش بروح لحد
المهم خلص الكلام وجينا نمشى هما كانوا راكنين العربية قدام الكافيه وانا كنت راكن بعيد شويه , فا وصلتهم للعربية ومشيت انا ووالدتى عشان نروح للعربيه واستغربت انها متحركتش من مكانها غير لما انا مشييت ( طبعا عشان تعرف نوع العربية ايه )
لما روحت بعتلها مسج قلتلها انتى تعبتينى وكان ردها انتا كمان تعبتنى وياريت بفايده , فا قلتلها انا هقولك حاجة من غير زعل , " ان دا شغلى اللى تعبت كتير عشان اتعلمه ومستحيل انى اغيره أو اشتغل اى حاجة جانبه عشان مينفعش وكمان انا مش عايز .... والأهم من كده ان انا عندى طموح ودا مش مرتبط بانى أكمل معاكى أو لأ , يعنى انا مكمل فى طريقى سواء مع بعض أو لوحدى , انتى شايفه انه حاجة عادية وانى هفضل زى ما انا طول عمرى فا دى وجهة نظر واكيد تحترم بس انا راضى جدا عن اللى بعمله "
وكان ردها ان الوقت اتأخر ولازم تنام عشان الشغل ونكمل كلامنا بعدين , قفلنا كلام على كده
طبعا الكلام ده من يومين وانا لا يمكن اتكلم أو افتح كلام معاها " هى من النوع اللى هوا انا مش المفروض انى اتكلم ولا انى اسال عليك ... اسال بصفتك ايه ؟؟ .... بس عندها استعداد تتكلم بال 6 ساعات لو انا بدأت الكلام "
صاحبى قالى my way or the high way
والدتى مش مرتاحة للموضوع وبتقول انها تقيله وامها مش سهلة والموضوع طول وبقى ممل وصاحب اخويا جايبلى عروسة 20 سنة بتقولى روح شفها وخلى دى مبلطة كده طالما على قلبهم مراوح
انا بدات ازهق من الموضوع وبعد اقارنها بخطيبتى السابقة اللى كانت بالنسية ليها ملاك من السما حتى والدتى بتقولى يا ريت كان فى نصيب كانت من توبنا ومش متنكة وشايفه نافسها وبعدين دى اكبر منك مش عارف شايفه نفسها على ايه
مستنى ردودكم ضرورى
اخى العزيز في النار
لاتزعل من كلامى انت عين في الجنه وعين في النار يعنى من الاخر عايز ومش عايز
وضعك الغير مستقر وظيفيا حينما تتقدم لعروسه قد يرفضك اهلها - بدون زعل ليس لك مسمى وظيفى او داخل ثابت تعتمد عليه يعنى مثل مركب صغير ينزل البحر .
ربنا ييسر لك الاحوال وبالتوفيق
من الاخر كدة ياصاحبي وبدون الدخول في تفاصيل و لك وعجن الحريم اللي حصل فالقاعدة ده.
بمجرد تدخلهم في نوع شغلك ايه يبقي كدة بداية مش نضيفة. لو رضيت بالوضع ده هتتعب اوي ادام وهتسمع كلام مش هيبسطك من نوعية انتا كدة شغال عند اخوك مش شغال معاه وباباك بيستغلك ومبيدكش مرتب.
نصيحة انهي الحوار بمسج فيها. ( كل شيء قسمة ونصيب وربنا يوفق الجميع ) ومتزودش ولا تقلل كلمة عشان باين عليك كدة من النوع اللي بيزود فالكلام ويبان بصورة انه ممكن يرجع في كلامه. وشوف رد الفعل ممكن يبقي عامل ازاي.
صديقي المواطن
إنت تعبتنا معاك بصراحة إحنه عمالين نقلك إن معجون السنان خلص خلاص وإنت عمال تعصر فيه وتطلع مصارينه وعالفاضي
هذه اﻷخت المواطنة مش وطنية ولا تنفع بالمرة وخلص الكلام
وبصراحة إنت لو عايش حياتك وبتعالج اﻷمور زي معالجت موضوع المواطنة دي فيؤسفني أبلغك إنك بحاجة لمراجعة مع النفس وتغير نفسك وتلكؤاتك وإلا حتفضل طول عمرك غلط ودمتم للنضال
إحنه نتمنالك الخير وشوف غيرها
تم ارسال الرساله كما هى بالحرف
وشكرا جدا على مساعدتكم
هم وانزاح
خليك عارف أن كلمة أخ saddam أنا معاه في كل كلمة وهوا الكلام الصح,, مش مجرد تأييد رأي..
وهيا لو بتحبك مكنتش خلت والدتها أو الكلام يمشي بالأسلوب دا,, ولا حورت عليك قبل كدا في موضوع إن الصورة بيني وبين ربنا والكلام بتاع المسلسلات دا,,
البنت اللي شارية واحد "ومش هقول البنت المتربية" عشان شخصيته أو وضعه مش بتتكلم بالطريقة دي,, ولا ينفع أنها تبقي عايزة تفرض رأيي خصوصاً لو هنتكلم في الصح والغلط مينفعش تجادل,,
لأنها لو هتجادل في الصح والغلط دلوقتي,, يبقي هتتعبك في كل الحاجات التانية بعد كدا,,
وكمان حتت أنها "عندها استعداد تتكلم بال 6 ساعات لو انا بدأت الكلام"
دا معناه أنها مش بتشتاق لك ولا كانت بتحبك, ومعلش في المعني بس أنت كنت كوبري بالنسبة لها,,
يعني لو كلمتها هتنبسط أن في حد مهتم بيها وهتفضل ترغي مش خسرانة حاجة,,
ولو أتجوزتها هتبقي برضة هيا الكسبانة شقة وبيت وعربية وقدام صاحباتها أتجوزت وهتبقي منظرة بالنسبة لها مش جواز عن حب أو أقتناع!!!!!
لو كنت حد غالي أو مهم بالنسبة لها كانت هتكلمك من وقت للتاني تسئل عليك, وتقولك ربنا يعينك في شغلك, وأنا مستنياك وشارياك,, طبعاً الكلام دا لو بتحبك وينفع تعيش معاها أنت وهيا في بيت واحد..
بالنسبة لشغلك, عشان واحد من شوية قال أن وضعك صعب !!!!!
اللي شغال أنهارده في عمل حكومي, دا شغل ميفتحش بيت ولا يصرف عليه, عشان نكون صرحاء يعني,,
واللي شغال في قطاع خاص, دا علي كف الرحمان ممكن يمشي في أي وقت أو ممكن الشركة تقفل وتصفي.
أنت محترم وشغلك مش عيب ولا حرام,
والرسول قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "
والناس دي لو كانت عملت بالحديث أو تعرف في دين ربنا,, كانت عملت بالحديث خصوصاً أنك مش ناقصك حاجة كمان,, يعني عندك شغلك وعربيتك حتي لو عربية البيت, ولو أتزقنت "لقدر الله" والدك هيساعدك زي أي أتنين عرسان في أول حياتهم كلللل الأهالي بتساعدهم,, لا عيب ولا حرام!
والناس دي معلش مكنتش باصة ليك كا راجل, ولا كا عريس,, دول بيبصو علي المركز الأجتماعي"الحاجات الFake"
ونوع العربية اللي هتروح لهم بيها وبنتها هتركبها معاك, وهيبقي شكلنا عامل أزاي وبنتنا هتعيش متريشة وتسيطر عليك وعلي جيبك ولا لأ.
أنت ربنا بيحبك عشان تشوف الحاجات دي من علي البر, قبل ما تنزل البحر,,
وتشوف الناس علي حقيقتهم.
وإعرف إن. إن شاء الله ربنا رايد لك الخير في اللي أحسن منها
لأنها متنفعش بالمنظر دا لأي راجل, ممكن تنفع لوحد كوكو هيمسع كلامها في كل حاجة سواء كانت أكبر منه ولا أصغر منه.! ودا مينفعش ولا يبقي بيت زوجية.!
ربنا يكرمك ويرزقك ببنت الحلال,, والزوجة الصالحة اللي تصونك وتسعدك يا صديقي العزيز.