الموضوع: معلش سؤال ساذج بس محتاج رد ضرورى

اسف يعني فالرد . بس مفيش حاجة اسمها ده حاجة بينها وبين ربنا.

بنفس المنطق بقي ان كل واحد يعمل اللي عايزه ويلبس اللي عايزه ( وبالذات البنات ) وده حاجة بينها وبين ربنا وحسابه عند ربنا.

امال الديوث ده صفة بتنطبق علي مين لما كل واحد حسابه عند ربه بقي ؟؟؟؟؟؟
قال صلى الله عليه وسلم :"لن يدخل الجنه ديوث" قالوا : وما الديوث يا رسول الله قال :"الذي لايغار على أهله" رواه احمد

قال رسول الله - صلى الله عليه وسلم -: ((ثلاثة قد حرم الله- تبارك وتعالى- عليهم الجنة: مدمن الخمر، والعاق، والديوث الذي يقر في أهله الخبث ".

صديقي المواطن من خلال تجارب حقيقية.أنصحك تغسل إيدك البنت لو.مجتش متشكلة.من بيتهم صح مش حينفع فيها أي بوهية ولا سمكرة ولا إستعدال شاسيهات آه ممكن تتغير ظاهريا عشانك لو هي عايزة تتجوز والسلام ولكن صدقني أول متخش بيتك وتتمكن ترجع لعادتها القديمة
عمرك مسمعت التعليم في الصغر كالنقش عالحجر
فخلاص هي كبرت وإتطبعت على كده فصعب بنت تغير تفكيرها ممكن تتجمل لكن.تغير طبايعها ﻷ
عشان كده فاكر الناس القديمة اللي بتقول آخدها صغيرة.عشان أربيها على إيدي

صديقي المواطن أي بنت تقلك ده بيني وبين ربنا وهو اللي حيحاسبني من غير متكتر في الكلام تعتذر بشياكة وتعيش حياتك وتدور على غيرها ولو ضعفت قدامها حتفضل طول عمرك صغير أمام.نفسك
ودمتم.للنضال

المشاركة الأصلية كتبت بواسطة punisher

شكرا على ردك وخد راحتك خالص

انا فعلا مش متقبل الكلام ده مع ان الصورة محتشمة بس بردوا مش متقبل كده

انا المفروض اعمل ايه دلوقتى وهل اكمل ولا لا

للاسف الصورة المتحشمة دلوقتي مبقتش كفاية. الاصل والاساس هو البيت والتربية.

فيه بنات ترفض تكلم ولاد فالطبيعة بحجة انه لا يجوز وتلاقيهم بيكلموهم عالنت . ايه الفرق بين كلام ولاد فالشارع والكلام معاهم عالنت ؟؟؟؟ ده يدي انطباع ان الخوف من شيء او الخجل من الفعلة في حد ذاتها. انما فعلها من وراء الشاشة سهل وخفف من حدة الفعل.

في رايي المتواضع. تتكلم بشياكة وتحط نهاية للوضع ده ... وتحطه فالمقابل لاستمرار علاقتكم وانكو تكملو مع بعض ؟؟؟؟

لو شارية وفيه نية للتغير هتوافق . لو رفضت بحجة انك قديم وراجعي وبتحب التحكم. يبقي تاكد ان الافضل ليك انك تنهي الوضع دلوقتي.

وربنا يوفقك ان شاء الله.

المشاركة الأصلية كتبت بواسطة punisher

انا مش هقول انها قمة فى الالتزام والا مكنتش وافقت تكلمنى اساسا لما كلمتها على الفيس بوك علما انها كانت معايا فى الكلية بس متكلمناش خالص اثناء الدراسة

اللى مضايقنى انى حاولت افهمها اكتر من مرة ان الحاجة دى بتضايقنى بس هى مستمرة فى العناد

والله انا فاكر زمان كنت انا اللى بكون مزعل خطيبتى وهى اللى تتصل بيا عشان اصالحها وعمرى ما طلبت منها حاجة غير وعملتها وهى مقتنعة بس مكنش فى نصيب نكمل

دلوقتى عشان الصورة تكون واضحة اكتر هى اكبر منى بشهرين . انا عندى ٢٦ سنة ونص ،، ومش فائقة الجمال بس انا ممكن اتنازل عن فرق السن والجمال مقابل انى اعيش مع واحدة ترايحنى فا هل انهى الموضوع ده ولا اخيرها بين اننا نكمل او تعمل اللى انا عايزه ؟ وهل هى بتعاند عشان نفيش بينا حاجة رسمى مثلا ؟

من السبب ده ( السن ) اقدر اقولك ان الموضوع عند وانها شايفة انه تحكم.

نصيحة اخوية مني ليك ( بناء علي تجارب ناس كتير ادامي ) حاول تنهي الموضوع ( لو معملتش اللي عايزه عن اقتناع ) لانه بيبقي بداية لحاجات اكتر واكبر ادام فالمستقبل.

في سرك كدة بقي . بسنك ده انتا تمام اوي ليك واحدة في اخر سنة جامعة يبقي كدة الفرق بينكو خمس او ست سنين. هتربيها بقي علي ايدك ( طبعا بفرض انها خام ) لان فالجامعات بيحصل اكتر من برا وتبقي انتا المسيطر. تاكد انك هتبقي ليها كل شيء.

وبالتوفيق ان شاء الله.