ربنا يرحمنا من جهل الصنايعية

**islamnasser10** · 11-09-2013 09:37 AM

الموضوع بختاصار روحت عند فني التكيف يشوفلي التسريب منين ورش ماية ولقي في ابرة بتسرب وغيرها
فك العمة اللي واصلة من فلتر الهوا للموتور علشان ينضفها ادتله wd40 ينضف بيه وسبته يعيش حياته وبص علي فلتر الهوا قالي عايز يتغير قولتله ماشي
جه واحد من المحل بيدور العربية مش بتدور علشان العمة مش راكبة قالة ركبها الاول
ركبها ودخل يدور اسمع صوت تكتكة جامدة من الموتور رحت مبطل تاني
جه صاحب المحل بتاع التكيف دور تاني وسمع الصوت
يقولي موتورك فيه حاجة (لا ياراجل)
قولتله العربية معايا من 6 شهور تقريبا والموتور مفيهوش اي مشكلة نهاااااااااائي
قالي فيه ميكانيكي قريب هنا روحت لقيته قاعد يشيش علي قهوة جبته ورجعنا قالي دور
دورت وسمع الصوت فك وش الموتور اللي فوق ملقاش حاجة قالي لازم افك وش السلندر واشوف فيه ايه
قولتله طيب ايه السبب قالي مش هعرف غير لما افك
قولتله ماهو متقنعنيش ان وش السلندر باظ بالصدفة بعد مالراجل ده لعب فيها
منا هنا لهنا اتصلت بواحد صحبي(ربنا يباركله) جه شدني للميكانيكي بتاعه قالي تعالي بعد ساعه اكون فكيت وعرفت اللي فيها
مشينا اتصل بيا قالي فيه حاجة زي صامولة صغيره جدا دخلت جوة وجرحت وش السلندر ولازم يتغير
قولتله اتوكل علي الله واشتريه وغيره علشان انا مش جنبك حاليا وقد كان
قالي وش السلندر وخرطوم كان بايظ ب 50 ومصنعيه 250 وخلصني في ساعتين زمن وقالي دي ليها تمنها ان العربية مباتتش عندي وخلصتك وانت واقف
سألتة بتاع التكيف هو السبب قالي اكيد
هو بتاع تكيف بيلعب في عمة الموتور ليه كل واحد يخليه في اللي بيفهم فيه
وراحت الفلوس اللي كنت رايح اشحن بيها التكيف قدر الله وما شاء فعل
معلش اعذروني لو كنت طولت بس محروق دمي من الموقف

**akmm** · 11-09-2013 10:29 AM

قدر الله وماشاء فعل الحمد لله انها رسيت على كده بس .... وفعلا جهل واهمال ولامبالاه الصنايعى سبب فى مشاكل كتير للسياره

**a_arazik** · 11-09-2013 11:01 AM

الحمد لله قدر الله ماشاء فعل

**tarek_2005** · 11-09-2013 11:44 AM

احمد ربنا انها مبوظتش الشميز او عوجت صباب او....... .او ........
الحمد لله

**saddam** · 11-09-2013 12:17 PM

يا صديقي المواطن دنته موضوعك بسيط إحمد ربنا الواحد في حياته ياما شاف وموضوعك بسيط شوية سلطات بس لا يمنع إنك تتقهر ده من حقك بس برضو كان لازم تروح لبتاع تكييف محترم ونظيف وشبعان ودمتم للنضال

**islamnasser10** · 11-09-2013 12:51 PM

شكرا علي ردودكم بحس اني مش لوحدي وبترفعوا من معنوياتي
الحمد لله علي كل حال

**MOTOR HEAD** · 11-09-2013 01:11 PM

انا مش فاهم

يعنى اما لعب فى العمه وش السيلندر باظ

ولا ايه اللى حصل بضبط

**islamnasser10** · 11-09-2013 01:54 PM

المشاركة الأصلية كتبت بواسطة motor head

انا مش فاهم

يعنى اما لعب فى العمه وش السيلندر باظ

ولا ايه اللى حصل بضبط

لما فك العمة ودور العربية تقريبا الموتور دخله حاجة معدن صغيره جدا دخلتله
او لما فك فلتر الهوا وركبه راح دخل معاه حتة المعدن دي وراحت مع الهوا والله اعلم
وحتة المعدن معايا الميكانيكي ادهالي علشان اتأكد

**Sherifmidooo** · 11-09-2013 04:07 PM

الحمد لله انها وصلت لحد كده ومجابتش صباب
وربنا يكفينا ويكفيك شر الصنايعيه الكفتجيه

الموضوع: ربنا يرحمنا من جهل الصنايعية

LinkBack

أدوات الموضوع

عرض

ربنا يرحمنا من جهل الصنايعية - انشر الموضوع فى :

-

-

-

-

-

المواضيع المتشابهه

سمعة البلد بتضرب بسبب شوية ناس ربنا يرحمنا منهم

شارع السوادن ربنا يرحمنا

ربنا يرحمنا من الفتاوي... ( ايه المشكله لو مش عارف تقول ماعرفش )

ربنا يرحمنا من الكوسه

ربنا يرحمنا من الاسعار

الكلمات الدلالية لهذا الموضوع

المفضلات

المفضلات

ضوابط المشاركة