مواصفات النترا 2014

**Ahmed.Fahmy** · 11-09-2013 10:16 AM

السلام عليكم

اخوكم من بيجو وعندى استفسار كدا

واحد قريبى وعزيز على عاوز يشترى عربية فى حدود 150000

وبما انى كنت بقارن بين الالنترا والسيراتو الاتنين اول فئة اوتوماتيك فى المقام الاول وعاوز احط معاهم عربيات تانية فى نفس رينج السعر زى اللنسر الشارك والكروز والكيا سول والتيريوس لكن شكلهم قديم شوية كنت عاوز اعرف اللى ممكن يخلينى افضل الالنترا على كل العربيات دى خصوصا السيراتو 2014

ياريت بقى الناس الحلوين يقولولى كل المواصفات، المميزات العيوب، قضع الغيار، الاوبشن والسعر...

ملحوظة: انا عامل الموضوع فى هيونداى وكيا عشان عاوز تقارير مفصلة وماحدش يقوللى خليجى

**Ahmed.Fahmy** · 11-09-2013 12:37 PM

المشاركة الأصلية كتبت بواسطة profimh

صباح الخير اولا
معلش مش هقدر اديك تقرير مفصل نظرا لضيق الوقت بس هديك كبسولة من الاخر اقصد من ضوء ان انا مركز مع الموضوع ده

العربيتين نفس الموتور و نفس العفشة------- يعيب السيراتو فى الفئة الاولى و ناس مش كتير واخدين بالهم من الموضوع ان الفرامل ورا طنابير فى الفئة دى و لغايت ال ex كمان

بالنسبة للعربيتين من جوا الالنترا تكسب فى تصميم التابلوه و الابواب و خاماتهم-------- السيراتو مميزة فى تصميم و خامات الكراسى

بالنسبة للاوبشن فى الفئة دى الالنترا تكسب ان فيها الأتى:
مرايات ضم + جراب النظارة + امكانية زيادة ارتفاع كرسى السائق + مالتى ميديا فى الطارة + ايرباج للسائق
للاسف مش موجودين فى السيراتو الفئة دى

اما بالنسبة للشكل الخاجى فدى حكاية اذواق بس من راى انا ان رغم ان السيراتو شكلها جديد و حديث بس الالنترا تكسب

نقطة اخيرة وهى بتهم الناس المحسوكة و المهوسة بداء السيميترية بتكلم عن نفسى انا------- التقفيل الخارجى و الفواصل
السيراتو تكسب من غير كلام اما الالنترا للاسف تحس انك راكب المزدوج مفيش جنب يشبه جنب فى التقفيل دايما يمينك غير شمالك و كمان ان مفيش حتى عربيتين زى بعض

بالنسبة لموضوع الخليجى مش هينفع الكلام فيه لان الفئتين مش موجودين فى الخليجى لانه مواصفاته اعلى من الفئة الاولى عندنا و بالطبع اغلى

اسف طولت عليك بس حبيت اوصلك المعلومة اللى عندى سريعا

انا متشكر ليك جدا على الرد وصباح الفل عليك...
حلو جدا موضوع المزدوج دا هههههههههههههههههههه

فى انتظار باقى الاعضاء

**Ultramisho** · 12-09-2013 12:38 AM

السيراتو اول فئة فقيرة عن الالنترا مش هاقولك المالتي فانكشن لكن كفاية ان السيراتو مافيهاش روموت واعتقد كمان ان تكييفها اوحش واعتقد ان عفشتها انشف انا كان معايا السيراتو الشيب القديم كانت عفشتها زفت بس حاليا حسنوها بس مش لدرجة الالنترا والله اعلم
لكن السيراتو مؤكد فيها اموبيليزر اما الالنترا اعتقد اول فئة لا ولو ان في ناس بتقول اخر موديلات 2013 فيها بس كلام مش مؤكد بصراحة خالص

شخصيا افضل الالنترا

تقبل مروري