استفسار عن احوال سوق السيارات المستعملة الان

**Hopa777** · 11-09-2013 11:05 AM

صباح جميل شريف على جميع اعضاء المنتدى

اخبار سوق السيارات المستعملة ايه فى الوقت الحالى (مرتفع - عادى - منخفض )
وما هى التوقعات للسوق فى الفترة القادمة (وطبعا العلم عند الله) وهل بنهاية هذا العام ونزول
الموديلات الجديدة لعام 2014 هل التوقعات انخفاض فى سوق المستعمل او ارتفاع
اما بالنسبة لتوقيت الشراء هل ينصح بشراء سيارة فى وقت مناسب ( الصيف - الشتاء) لانى كنت
سمعت تقريبا انه فى اختلاف ...والا دى اشتغالات ومافيش فرق بينهم...

**Hopa777** · 11-09-2013 02:02 PM

هل الموضوع نازل فى مكان غلط...او المفروض ينزل فى قسم تانى

**ehab_mansour** · 11-09-2013 02:58 PM

اخي الفاضل اعتقد فعلا ان المفروض طالما بتسأل عن سوق السيارات المستعمله عموما يبقي تسأل في منتدي البيع و الشراء او المنتدي العام حتي تجد من يفيدك في حركة السوق عموما

و ربنا يوفقك

**SYD** · 12-09-2013 08:36 AM

المشاركة الأصلية كتبت بواسطة Hopa777

شكرا للرد
انا يمكن لسه بكتشف الموقع..ومعرفش اسأل فين..و برضه غرضى من السؤال عشان الابيزا
بس يمكن ماوضحتش سؤالى......

في البداية أحب أرحب بيك في قسم سيات نايل موتورز
انت فعلا ماوضحتش وبالتالي محدش رد من القسم

الابيزا عموماً مش هتلاقيها كتير في السوق
الابيزا بتدخل في نطاق الجولفات والبي امات من حيث ركيبتها
لأنها مش عربية سوقي
هتجيب ابيزا - يبقي اغلب الظن هتدور في مجتمعات الابيزا زي الروابط والمنتديات ومواقع البيع والشرا من ع النت

واساسا العربية مش بتبيع كتير في الزيرو لأنها عايزة حد فاهمها وغاوي - لكن تقارنها فقط من حيث الشريحة السعرية لازم هتخسر المقارنة وتكسب الطرف الثاني سواء كوري او ياباني
لأن سعرها يركبك عربية عائلية بشنطة ولو عايز هاتشباك هتلاقي في الكوري ارخص منها بنص ثمنها وبيقدملك كماليات ظاهرياً تقترب منها
وبالتالي هي مش مميزة في السوق ومبيعاتها قليلة جدا جدا
عايزة ركيب سيات يشتريها غواية

احتمال ان شاء الله مع الوكيل الجديد نشوف موديلات جديدة من سيات 2014 ويارب حظها معاه يكون احسن من حظها مع الوكيل السابق

تحياتي لحضرتك وشكراً علي موضوعك الجميل

يمكنكم متابعة اهم الموضوعات من خلال صفحة القسم علي الفيس بوك
http://www.facebook.com/SeatNileMotors