السلام عليكم شباب المنتدى
مطلوب على وجه السرعة طقم دبرياش لعربيتى ومش عارف اجيب اى نوع ومنين فى ناس قالت فاليو وناس قالت وحش وانا مش عارف اعمل ايه ارجوكم سرعة الرد ؟
عرض للطباعة
السلام عليكم شباب المنتدى
مطلوب على وجه السرعة طقم دبرياش لعربيتى ومش عارف اجيب اى نوع ومنين فى ناس قالت فاليو وناس قالت وحش وانا مش عارف اعمل ايه ارجوكم سرعة الرد ؟
كلم العضو حمدي الفني .. وهو حيقولك على المفيد
01065229805
وأعتقد أنه كان بيتكلم عن الطقم الفاليو على ما أتذكر .. وهو كمان ممكن اللي يركبهلوك .
هى لسة عربيتك فى الضمان
ولو لسة فى الضمان حاول تتصل بالتوكيل وهما يجيبهولك ويركبهولك عشان تستفيد بالتوكيل
وان كان لا فحاول تتصل بحمدى الفنى زى ما الاخ دلك
ويا رب مشكلتك دى تتحل وقولنا عملت ايه عشان انا متابع معاك
شكرا ليكو يا شباب على النصيحة ولكن انا عربيتى موديل 2007 بره الضمان طبعا .
حمشيهالك المرة دي .. إنما المرة الجاية أنا معنديش يا أما أرحميني :beatbrick:
أخطاء نحوية ولغوية مبحبش .. مشاركات مش منظمة أكرهك .. حتمشي على النظام ده تبقى حبيبي وكفاءة وحتعمر معانا :M_yes[1]:
أوعى تزعل من الهزار يا كبير .. مفيش غلطات ولا حاجة المعنى مفهوم ضمنياً :satelite:
يا ريت توالينا بالأخبار أول بأول وتطمنا عملت أيه
اسطوانة فاليو..ممكن تركب على الدسك اللى عندك
بلية يابانى..متسوبيشي
وعلى حمدى الفنى عدل...ماتفكرش...كتيييير
صنايعى كفائة..محترم بيفهم فى العربية الى ابعد الحدود.
ومش عايزاقووول اكتر من كدة..
اتصل بيه ..وهايقولك بالضبط تعمل اية..واهترجع من عندة مبسوط باذن الله
:M_yes[1]::satelite:
وسلم لى علية
الفاليو انضرب يارجالة محدش يجيبو الاستوانة بترعش فالطلعة احسن حاجة الاجزدى يبانى الطقم ب600 تقريبا او استوانة اجزدى يبانى + دسك وبلية كورى لتخفيض السعر
أيه اجزدي دي ؟!
نصيحة سيبك من التوكيل حتى لو هتتغير ببلاش فى النهاية طقم صينى ردئ وطالما هتحل الموتور هات طقم كورى بالبلية كله 390 جنيه ومصنعية 100 جنيه وريح دماغك
طقم الدبرياج عندى باظ والعربية عاملة 15 الف بس وكنت ممكن اغيره فى التوكيل لكن ايه الفايدة؟
بصراحة انا ما عنديش فكرة اذا كان هذا الكلام صحيح ولا لا بس السيارة فى مصر وانا عايش بره والمدام هى اللى بتستعملها والميكانيكى اللى جنب البيت هو اللى اشترى طقم الدبرياج البلية يابانى والاسطوانة والديسك كورى وانا حقيقة باثق فيه لانه راجل محترم جدا
وانا لو كنت فى مصر كنت اشتريت ميتسوبيشى اصلى وريحت دماغى واظن هنا فى السعودية الطقم الاصلى فى حدود 700 ريال
تقبل تحياتى
بالنسبة طقم الدبرياج ع حد علمي القطع الخاصة بالتوكيل بتكون هاي كواليتي مش زي المنتشر برة لأن كلنا عارفين ان الصيني درجات
الفاليو محترم بشرط تجيب الأصلي لأن فيه مضروب منه كتييير و الأصلي هتلاقي العلبة الجديدة اللي الشركة نزلتها بعد ما اتضرب و هي لونها اخضر و عليها من فوق علامة فاليو الجديدة و الطقم من جوة شكله محترم و مطبوع عليه بالليزر علامة فاليو الجديدة و السيريال حتي الشكل هيبان عليه طقم محترم و الخامة و معمول ع الشعرة مش المضروب اللي تحس انه معمول تحت بير السلم بس لو هتجيب الطقم ده يفضل تجيب بلية ياباني زي nsk او متسوبيشي لو تركب لأن بلية فاليو لاحظت انها مبتعمرش كتيير
و ع ما اتذكر ان وكيل فاليو هنا الشركة الهندسية
الـexeedy بصراحة اخاف انصحك بيه لأني لقيت 90 % منه هنا صيني و مضروب و لا راح اليابان و لا شافها كعادة قطع غيار كتييير و هتلاقي سعره رخيص كمان لو ليه توكيل يبقي تجيب منه غير كده منصحش الا لو حد مضمون
الحل الاخير عشان تضمن تجيب طقم محترم ممكن تفك الطقم و تشد بيه ع توكيل متسوبيشي و تجيب عليه بس طقم متسوبيشي ممكن يعدي معاك في المبلغ ده لو لقيت
اخيرا و انت بتغير خلي بالك و تنبه ع الميكانيكي ان وش الفلام ناعم ع الشعرة عشان لو مش ناعم هتحس برعشة و انت طالع بالعربية و ناس كتيير بتقع فيها و ساعات الميكانيكي بيكبر دماغه ياما حافظ مش فاهم يركب و خلاص و الحل مع الفلام اما فكه و تنعيمه ياما تغييره
و مستنينك تقولنا ايه الاخبار :)