السلام عليكم ٫٫٫٫ عربيتي الويرا عامله ١٦٠ الف كم والتيل الفرامل الخلفي لسه بتاع الفابريكه ٫٫٫ عايز اعرف هو بيتغير امتي واعرف ازاي انه عايز يتغير ؟؟؟؟ واجيبه نوعه ايه ويا تري سعره غالي ومحتاج ميكانيكي معين ؟؟؟ شكراااا
عرض للطباعة
السلام عليكم ٫٫٫٫ عربيتي الويرا عامله ١٦٠ الف كم والتيل الفرامل الخلفي لسه بتاع الفابريكه ٫٫٫ عايز اعرف هو بيتغير امتي واعرف ازاي انه عايز يتغير ؟؟؟؟ واجيبه نوعه ايه ويا تري سعره غالي ومحتاج ميكانيكي معين ؟؟؟ شكراااا
160 الف ولسة تيل الفبريكا؟ :eee: :eee:
زمانك دلوقتي بتفرمل بالحديد اللي ف لقمه التيل و الطنبورة .. يعني ممكن الطنبورة تكون ف الضياع
دا أكيد مش ممكن
منا اعرف ازاي انه عايز يتغير لازم اروح لميكانيكي ؟؟/
روح ياباشا لحد بتاع فرامل او ميكانيكي وهو هيعرف
انا سمعت اني اعرف جوده التيل الخلفي من الهاند بريك ٫٫٫ ولما بشد فرامل اليد بتكون كويسه جدااا ده معناه ان التيل الخلفي كويس
لا مش شرط الهاند بريك ممكن يكون التيل محجر في الفرامل العاديه مش بيفرمل كويس والهاند بيكون شديد
وبعدين فبريكه ازاي ده 160 الف كيلو
علي الاقل بيتغير كل 30 الف كيلو المهم روح لميكانيكي يفكه ويشوفه وهات بتاع لانسر كرستاله ماتجبش الماليزي بتاعها وحش وعن تجربه
في نوع تاني ماليزي كده مش عارف اسمه ايه بس كويس كنت اخر مره مغيره بيه قبل مااغير الفرامل لسكاكين
هو انت شاري العربية مستعملة ولا معاك من الزيرو ؟!!
لو مستعملة اكيد صاحبها الاولانى غيرها كذا مرة يعني ومش تيل الفابريكة ولا حاجة!
160 الف كيلو ازاى يعنى ووتيل الفبريكة ...اكيد اتغير فى صيانه من الصيانات وانت ناسى ....والا هتلاقى الطنابير عندك بازت خلاص ومش نافعه ....
روح ياباشا لاى ميكانيكى هيبصلك عليه ويقولك اذا كان محتاج يتغير او لأ
ولو غيرت فيه نوع كورى اسمه جولد ده نوع محترم عن تجربه ولا بيصفر ولا فيه اى مشاكل وسعره معقول
وفيه يابانى اسمه fbk او ktc
انا عن نفسى بفضل ktc عن تجربه ويليه الجولد
بلاش الfbk
طالما فى أكتوبر يبقى هاته من التوكيل وريح نفسك
الأصلي مش هيعدي ال200 جنيه أتصل أسأل على سعره الأول
أو أشتري الريمسا ب125 كويس برضه للطنابير المقفوله
استاذ احمد ،،، هحكيلك علي حاجه بخصوص التيل الخلفي .. اتصلت بمحل الدوليه اللي في السابع علشان جنب المركز اللي بتعامل معاه بسآله علي التيل خلفي الريمسا رد عليا بيقولي انت جبت الكلام ده منين شركه ريمسا اصلا مش بتعمل تيل خلفي وانه عمره ما سمع عن الموضوع ده ههههه بقولي عندي نوع كوري ١٢٥ شغال كويس ٫٫٫٫ اتصلت بقي بمحل المدينه راجل محترن جدااا قالي عندي نوع صيني ١١٠ والريمسا الاسباني ب ١٤٠ قولته خلفي ايوه ريمسا خلفي للويراا !!!!! تعليقك بقي يا كبييير
ياجماعة بس بالراحة على الراجل ... الراجل بيقول التيل الخلفي بتاع ويرا ... مش الأمامي ... والعربية اساسا مافيهاش ولا abs ولا ebd والنوعية دي ممكن تقعد أكثر من 160 ألف كمان ... لأن النوعية دي من التيل ما فيش عليها استهلاك أساسا واستخدامه الوحيد هو والعربية واقفة في مكانها غير إن خامته دايما بتكون قوية والدرامز اللى بيمسك فسها بتكون أقوى من الطنابير الأمامية بمراحل ... غير طبعا لو السائق هاوي دريفت وبيستخدمه على طول
أنا مغير التيل الأصلي بتاع عربية بيجو 505 موديل 80 تقريبا سنة 96 أو حاجة زي كدة وكانت العربية عاملة أكثر من 200 الف كيلو تقريبا
يعني ممكن قوي يلاقي التيل مش محتاج تغيير أصلا
انا اشتريت تيل امامي ريمسا من محل المدينه وكنت هشتري الخلفي كمان بس الحاج مصطفي قالي شوفه الاول محتاج يتغير ولا لاء ٫٫٫ المهم روحت لبتاع الفرامل متخصص فرامل فقط في عين شمس وتم تغير التيل الامامي والحمد لله روحت في الوقت المناسب لان التيل كان خلاص بيموت ومكملش معايا ١٥ الف كيلو كان نوع وحش اوي اسمه هاي تك وبعدين فكيت العجل الخلفي وانا قلبي هيقف من الخوف المهم التيل فعلا طلع بتاع الفابريكا وانا عربيتي عامله ١٦٥ الف دلوقتي ولقيته ما شاء الله زي الفل والميكانيكي قالي يمشي معاك ٣ شهور كمان ونضفه وسنفره وظبط الرجلاش ٫٫٫ بس بصراحه التيل الريمسا ده طلع جااااامد اوي اوي حاسس بفرق فظيييييييع :Bravo:
مبروك عليك
بلاش ريمسا أمامي بيصفر
160 الف و تيل الفريكه الله يباركلك :Copy of majd(2):