الموضوع: cma

**midoabdeen** · 11-09-2013 03:54 PM

السلام عليكم ورحمه الله وبركاته
قبل اى حاجه انا عايز اشكر الناس الل تعبتهم معايا وبصراحه الناس هنا كلها زوووووووق جدااااااا والله

انا دلوقتى خلاص اقدمت استقالتى والمفروض هكتب العقد اليومين اللى جايين دول
انا دلوقتى برتب امورى ياعنى هاخد الشهر دا اظبط فيه نفسى بس شويه وكمان علشان اعرف مرتبى هيرسى على كام والمواعيد بالظبط ولو فى اى حاجه ابقى ملم بيها كويس الفتره دى
المهم انا دلوقتى بسال على كورسات محاسبه وانجليزى انا اصلا عايز دا من اول لما جيت الشركه وكمان بعد كده عرفت ان مرتب الموظف المتخصص فى مجاله اعلى بكتير وانا كمان عايز اطور نفسى فى مجالى اللى هو محاسبه
انا سالت فى المجلس الثقافى البريطانى وناس كتير بتشكر فيه جدا وانشاء الله الفتره الجايه هروح اعمل تحديد مستوى علشان ابدا انشاء الله
هو بس اللى ناقصنى ال cmaعايز اعرف اسعارها والاماكن اللى بتدرسها بس مش عايز مكان اى كلام انا بحاول اتصل بالجامعه الامريكيه بس مش عارف اوصل لحاجه معاهم بالنسبه للاسعار
انا عايز اعرف الاسعار والاماكن والقت وكمان ايه المطلبات اى ابدا فى حاجه زى دى وكمان لو كورسات تانيه كويسه او فى نفس المستوى ياريت تدلونى عليها الله يكرمكم

انا عايز الفتره استغلها اووووى كفايه اللى الواحد ضيعه فى الهيافه والتقضيه بقى

وخصوصا انى بصراحه نفسى اعمل حاجه كويسه وكمان تبقى لعيالى مستقبلا

والله انا عارف انى تعبتكوا معايا جداااااا بس عارف انكوا فعلا ناس محترمه وذووووووق جدا
وشكرا

**Mohamed_Hamid** · 11-09-2013 04:01 PM

مستواك فى الانجليزى عامل ايه؟ انا بتكلم على قدرتك على قراءة فقرة مكونة من 6 او 7 سطور وتقدر تفهمها كويس جدا وممكن تحتاج القاموس لترجمة كلمتين او ثلاثة بس.

**midoabdeen** · 11-09-2013 04:07 PM

على اى مستوى بالظبط ياعنى انا مثلا لو هدرس محاسبه مش هبقى بدرس بالمصطلحات المحاسبيه
انا مش عارف احكم على الموضوع دا لانى ساعات ممكن اقرا حاجه وافهمها كلها وساعات ممكن ولا افهم حاجه هو يمكن على حسب الموضوع اللى فى ايدى
وكمان هو انا معايا كتاب كامبريدج بتاع القواعد هبدا فيه قبل تحديد المستوى هل بقى فى حاجه تانيه اقدر اخد منها حصيله كلمات كويسه

**dede_dodo88** · 11-09-2013 10:40 PM

في رأيي أنك ترفع مستواك في الأنجليزي الأول بعد كده تدوس في الشهادة اللي أنت عايزها,
لأنك هتتعب كتير أوي لو دي أول مرة بالنسبالك تذاكر فيها منهج كامل بالأنجليزي خصوصاً كمان لو شهادة كبيرة فبتحتاج أنجليزي قوي لأن الأسئلة بيكون فيها شوية خداع في أحيان كتيرة فمحتاجة واحد بيعرف يقرأ و يحلل بشكل كويس..

**midoabdeen** · 12-09-2013 10:35 AM

شكرا لحضرتك
بس انا مش هبدا دراسه دلوقتى انا بسال على الاماكن والاسعار ياعنى انا بس بحضر الموضوع علشان ابقى ملم بيه واجهز الفلوس وكده ياعنى
وكمان انا كده كده طبعا مش هبدا فيها الا بعد فتره على ما اكون ملم حتى بالمفاهيم الاساسيه هحاول اجيب ملازم الكليه واذاكر منها تاني علشان مابداش ابيض اوووى

**Mohamed_Hamid** · 12-09-2013 12:59 PM

المشاركة الأصلية كتبت بواسطة midoabdeen

على اى مستوى بالظبط ياعنى انا مثلا لو هدرس محاسبه مش هبقى بدرس بالمصطلحات المحاسبيه
انا مش عارف احكم على الموضوع دا لانى ساعات ممكن اقرا حاجه وافهمها كلها وساعات ممكن ولا افهم حاجه هو يمكن على حسب الموضوع اللى فى ايدى
وكمان هو انا معايا كتاب كامبريدج بتاع القواعد هبدا فيه قبل تحديد المستوى هل بقى فى حاجه تانيه اقدر اخد منها حصيله كلمات كويسه

اعمل سيرش على cma,part,1 هتلاقى مواقع عربية كثير رافعة الماتيريال عبارة عن ملف pdf بيكون كتاب مساحته كبيرة. اعمل له دونلود واقرا فيه وشوف انت فاهم ولا لأ ومستوى الاستيعاب لحد فين وهتلاقى ماتيريال شرح بالعربى ملفات صوت على النت كثير اوى اعمل دونلود لمحاضرة فى درس معين تكون انت قرأته لوحدك واسمع للمحاضرة بس بعد لما تكون قرأت الدرس لوحدك وشوف اللى انت فهمته كان صح ولا لأ؟ اعتقد ده معيار تقييم مش وحش ليك ممكن تستخدمه.بالتوفيق ان شاء الله.

**Mohamed_Hamid** · 12-09-2013 01:04 PM

المشاركة الأصلية كتبت بواسطة midoabdeen

شكرا لحضرتك
بس انا مش هبدا دراسه دلوقتى انا بسال على الاماكن والاسعار ياعنى انا بس بحضر الموضوع علشان ابقى ملم بيه واجهز الفلوس وكده ياعنى
وكمان انا كده كده طبعا مش هبدا فيها الا بعد فتره على ما اكون ملم حتى بالمفاهيم الاساسيه هحاول اجيب ملازم الكليه واذاكر منها تاني علشان مابداش ابيض اوووى

http://www.nilemotors.net/Nile/376312-a.html
اقرا الموضوع ده

**power** · 12-09-2013 02:29 PM

بص يا معلم وانت بتاخد سي ام ايه لازم تكون عارف انت عايز تتدرس المنهج بس و لا تدرس و تمتحن
طبعا اصلا مصاريف الامتحان اكبر من مصاريف الدراسه
لو حتدرس بس حتستفيد في حاجات كتير طبعا بس لو مش شغال في شركه كبيره حتحس ان مفيش تنفيذ اوي للاكلام اللي بتدرسه علشان اصلا فكره المحاسب الاداري لسه مش منتشره في مصر بس حتستفيد بالجزء المالي و حتحس ان دماغك بقت متفتحه اوي و بتقدر تربط الحاجات ببعض بس المميزات الماليه دي مش بتيجي غير بعد ما تخللص امتحانات البارتين اصلا قبل كده مفيش مميزات ماليه ملموسه.
بالنسبه للدراسه انا اصلا تجاره انجليزي فمكنش عندي مشكله بس كان برضو معانا ناس عربي بس كانوا بيبزلو مجهود كبير بصراحه بس مش حاجه مستحيل يعني
لو انت عايز تدرس لمجرد الدراسه حتستفيد و حتمشي حالك بس لو ناوي علي عضويه البورد و الامتحانات و كده الموضوع مش سهل خالص خصوصا ان بقي في اسئله ايساي و كمان بقو بيخدو الاسلوب والجرامر و الاخطاء الاملائيه في التقييم بتاع الدرجه.
بس هي الدراسه بتاعتها تحفه بجد و ممتعه جدا تحس انك بتعلب رياضه بس بدماغك و بتدي ثقه فظيعه.
مشكله اللغه ان ملهاش علاقه بالمستوي حتي لو مستواك معقول بس هي كلها مصطلحات انا مثلا بالنسبالي بعاني لو قريت كتاب محاسبه بالعربي مع اني اكيد مستوايا 100% في العربي بس القيود بتبقي مقلوبه ده اولا ثانيا مش عارف اسماء الدفاتر( مش عارف ايه دفتر الاستاذ ةده لحد دلوقتي مثلا ) و مش عارف اسماء الانتري بالعربي ايه
اسف لو الرد طويل حبتين بس انا راي دوووووس لقيت نفسك تمام ادخل امتحن لقيت نفسك مش قوي يبقي برضو نشطت دماغك و كسبت شويه معلومات و حسنت اللغه بتاعتك و خصوصا في مجال شغلك و ربنا معاك

**midoabdeen** · 12-09-2013 02:49 PM

اولا طبعا شكرا جدااا لرد حضرتك
انا ناوى اكمل الكورس وامتحن كمان ياعنى استفاده علميه وكمان يبقى معايا شهاده
اللى فهمته من كلام حضرتك ان اللغه هتفرق معايا جامد فانا اصلا مش هبدا الا لما اقوى نفسى كويس فى الموضوع دا و على الاقل اكون ملم شويه
بس بعد اذنك عايز اعرف حضرتك بتدرس فين وكمان التكلفه كام والوقت بتاع الشهاده قد ايه
مع العلم ان مجال عملى الحالى ليس له علاقه بالمحاسبه انا عايز لما اقول اروح الحسابات او انقل لشركه تانيه محترمه اكون رايح على وضع كويس لانى ياهسافر تبع شركتى الحاليه لاى فرع ليها بره مصر او اسافر انا على شركه بره لانى اصلا عايز الموضوع علشان السفر
وشكرا جدا لحضرتك

**power** · 12-09-2013 05:44 PM

المشاركة الأصلية كتبت بواسطة midoabdeen

اولا طبعا شكرا جدااا لرد حضرتك
انا ناوى اكمل الكورس وامتحن كمان ياعنى استفاده علميه وكمان يبقى معايا شهاده
اللى فهمته من كلام حضرتك ان اللغه هتفرق معايا جامد فانا اصلا مش هبدا الا لما اقوى نفسى كويس فى الموضوع دا و على الاقل اكون ملم شويه
بس بعد اذنك عايز اعرف حضرتك بتدرس فين وكمان التكلفه كام والوقت بتاع الشهاده قد ايه
مع العلم ان مجال عملى الحالى ليس له علاقه بالمحاسبه انا عايز لما اقول اروح الحسابات او انقل لشركه تانيه محترمه اكون رايح على وضع كويس لانى ياهسافر تبع شركتى الحاليه لاى فرع ليها بره مصر او اسافر انا على شركه بره لانى اصلا عايز الموضوع علشان السفر
وشكرا جدا لحضرتك

هو انا مكملتش او مدخلتش الامتحان لظروف خاصه بالشغل للاسف ان جالي شغل في مجال تاني في شركه كبيره فالشهاده بتاعه السي ام ايه ملهاش اهميه في شغلي الجديد فوقفت و عملت دبلومه في تخصصي الجديد و كورسات و كده.
انا كنت باخد مع فليب ماهر في سنتر رويال في سموحه (انا من اسكندريه)
طبعا عندك ايميديست و الاكاديميه البحريه برده سمعتهم كويسه و اسال اكيد حتلاقي اماكن تانيه.
فليب بيدي البارت الواحد في اكتر من سنه بس الاكاديميه مثلا كان 6 شهور باين.
تكاليف الشهاده بتختلف من مكان للتاني بس طبعا تكاليف الامتحان ثابته.
المشكله مش في مستوي اللغه المشكله ان حتي لو اخدت كورسات مش حتاخد فيها الكلام ده بس ياريت تقولي مستواك ايه (لو مستواك معقول ابدا و ذاكر الاتنين مع بعض الكورس حيحسنلك اللغه بشكل كبير و حتبقي اضافه مركزه في مجالك بدل ما تاخد كلام هري علي الفاضي و ممكن تجرب كده تقري اي كتاب محاسبه بالانجلش تشوف ايه الكلام لو ماشيه ادخل و ان شاء الله خير.

الموضوع: cma

LinkBack

أدوات الموضوع

عرض

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة