اسمـــــعو .. و أعـــو Octavia 1.4 TSI A7
السلام عليكم و رحمة الله و بركاته
الأول احب احيي جميع الأعضاء بلا إستثناء علي التفاعل الإيجابي الجميل في المنتدي الجميل ده
أنا من احد مجانين (بمعني مجانين بكل حروف الكلمه) بحاجه اسمها Skoda Octavia
و كنت بحط الجنيه علي الجنيه من اول سنه 2012 علشان ربنا يكرمني و اجيب الشكل الجديد اللي لسه ناز اليومين دول
و بعد متابعات بالساعات علي جميع المواقع المصرية المعروفه و الغير معروفه
و بعد متابعة موضوع فتيس ال DSG اللي الأخ الفاضل farahat عامله و اللي ابهرني بمجهوده و مجهود زملائنا .. كانت الصدمه الكبيره ليا انه نازل في الأوكتافيا الجديده
قولت بقي لأ يا ولا ... فولكس دي يا امي اتهبلت و اتجنت .. يا إما عملت الصح و ظبطط الفتيس لدرجه ان كل عربياتها الجديده بلا استثناء نازله بال DSG اللي هو موديل اوعي وشك بقي لا ميكا ترونيك بتبوظ و لا كلاتشات و لا فتيس بتحصل فيه مشاكل و لا اي حاجه
ببساطه كده قررت اطلع من منتدانا الجميل ده و اروح بره استورد شويه معلومات
و كانت المفاجأه الكبري اللتي هي من العيار الكبير اوي.........
سكودا بتعمل Recall لسيارات Octavia 2013 اللي هي ال A7 و كمان ال 1.4 و ال 1.8
يعني الفتيس برضه نازل مضروب بالجزمه
بصراحه جالي اكتئاب و بعد شويه قولت لا ... مش كل الطير اللي يتاكل لحمه
انا لازم زي ما الناس دي فادتني افيدها
و اليكم لينك للخبر
http://www.chinadaily.com.cn/bizchin...endsg2013.html
Audi and Skoda cars now part of VW recall | carsguide.com.au
Audi - Audi and Skoda join VW transmission recall | GoAuto
لاحظو ان الأخبار دي كلها بتاريخ بعد شهر 3-2013
باسات و سكودا واللي نفسك فيه
كله بيتعمل ليه recall
للأسف الشديد يعني مش عارف اقول حاجه غير حسبي الله و نعم الوكيل
و يا رب اكون افدتكم
اخوكم عمرو يونس
الخلاصه في Skoda Octavia A7 1.4
الخلاصه يا جماعه علشان انا لما جبت اخري نزلت من المحلة الكبري للمقطم مخصوص علشان اوشوف و اتفرج علي العربيه بنفسي ... و اتمني اني اكون افدتكم
الفروق من الأخر ما بين ال Ambition و ال Elegance علشان عيون الزملاء الكرام
(1) المفتاح Start Engine مش مفتاح زي ال Ambition
(2) المكيف Climatronic ثنائى المناخ و في ال Ambition هو عادي
(3) الكاسيت هو هواه مفيش اي زياده و انا شوفت بنفسي بفضل الله الزياده فقط في التحكم في المكيف من الشاشه و في كلتا الحالتين BOLERO
(4) الطاره مالتي اما في ال Ambition مفيش اي مفاتيح
(5) فوانيس ليد اماميه و خلفيه و في ال Ambition خلفيه فقط
(6) زينون Bi Xenon عالي و واطي و في ال Ambition فوانيس عادية بس تحس ان فوانيس الزينون مديه للعربيه شكل تاني خالص جامد جدي :)
(7)نواكل علي الزجاج من الخارج اما في ال Ambition مفيش نواكل
(8) الفرش جلد من الخارج و شمواه من الداخل اما في ال Ambition هو قماش و علي فكره الفرش الجدل تحفه تحفه و شيك جدا.
(9) كرسي السائق كهرباء (السائق فقط) و لكن في ال Ambition مفيش الكلام ده
(10) فتحة سقف (مش بانوراما) و انا بكرر ( مش بانوراما) هي عريضه فقط و طبعا مفيش في ال Ambition فتحة سقف
(11)الجنط 16 برضه و لكن شكله وحش جدا جنب بتاع الAmbition لأنهم جابو الجنط بتاع ال فانتازيا و حطوه لل ELEGANCE .. حاجه تزعل
(12) الأيرباج هما هماهم 2 فقط لا غير مفيش اي اختلاف زيهم زي بعض ال Ambition و ال Elegance
ان شاء الله مفاتنيش اي حاجه و انا شايف ان اللي فارق معايا الزينون و الطاره المالتي اما الباقي ملوش اي لزمه.
في اعتقادي انهم في الدفعات اللي جايه هيزودو حاجات في ال Ambition و ال Elegance و انهم هينزلو فئه اعلي اللي هي ال High line و ده انا استنبطه من كلامي مع حسام الصاوي لأنه قالي اصبر شويه.
اتمني اني اكون افدتكم
أخوكم عمرو يونس من المحلة