المشاركة الأصلية كتبت بواسطة رشدي حشيش
تمت العملية بنجاح نسبة الرضا عن التحويل 60 في المية
المميزات تسارع كويس طبعا راحة في السواقة لانها اوتوماتك
العيوب العربية اتاخرت اوي عند الميكانيكي حوالي شهرين نصب عليا وخد 10 الاف جنيه والحاجة بتاعتي اللي كانت سليمة مية في المية
استهلاك جبار في البنزين بمعدل اللتر يمشيك 6 كيلو
طبعا حجات مبقتش في مكانها وحجات باظت وحجات ضاعت وحجات مبقتش موجودة كانت موجوده قبل كده
الميكانيكي بوظلي الفرامل حاليا ال اي بي اس مش شغال
ماسورة الماستر بتجيب زيت فرامل وفضيت فيها خمس عبوات زيت لحد دلوقت
العداد منظرة زبالة مفهوش امبير لفات متور اخرة 180
العمة بتاعة الهوا ملهاش تثبيته
الجزء الامامي من العمة مش موجود وبكدة المكنة دايما بتاخد هوا سخن مش بارد من برة العربية
طبة اللمبة بتاعة الفانوس ضاعة العربية بقي فيها فتحات مش محكمة كتير
زي فتحة الفتيس والدبرياج والضفيرة
الميكانيكي لحد دلوقت مجبش قربة مية وماشي باليداتير بس
التكييف بقي سئ جدا بالمقارنة ببتاع الاسبرانزا الاول
لغي السخن بتاع التكييف
العربية وطيت شوية من قدام رغم انه ركب مساعدين لانسر
مساعدين الانسر مش فارقين كتير عن مساعدين الاسبرانزا شبة مفيش فرق طالما سليمة
اخيرا حاسس نسبيا بالندم اني عملت الموضوع ده بحاول ارفع الصور مش عارف