فعلا يا جماعه انا مش فاهم - لو دبحت بعد لما اشترى العربيه ربنا عز و جل حيحميها من الحوادث ؟؟؟
ما دليل ذلك؟
فعلا يا جماعه انا مش فاهم - لو دبحت بعد لما اشترى العربيه ربنا عز و جل حيحميها من الحوادث ؟؟؟
ما دليل ذلك؟
متابع بس اعتقد عشان ربنا يبارك فيها
اعتقد من باب وجوه كتير مش موضوع حوادث بس
يعنى عشان ربنا يباركلك فيها ويبعد عنك العين ، وكمان من باب شكر ربنا على النعمة
الف مبروك العربية وربنا يباركلك فيها ويحفظهالك
يعني عشان القر
اطعم الفم تستحي العين
وعشان ربنا يباركلك فيها
حاجة ب 4 رجول لو مالقتش فرختين الزقهم في بعض
وحاول تشيل اللزق من علي الكراسي و تركب فرش
و مش كل يوم تطلع بالعربية بتبرق
سيبها متربة و مطينة امسح الازاز بس
الدبح ده صدقه عليك وعلى العربيه علشان الرحمان ان قبل تبقا في امانه ورحمته
الموضوع كله انك بتشكر ربنا على النعمه اللى اديهالك و الموضوع دة مش فالعربيات بس فاى نعمه ربنا من بيها علينا
ملوش اى علاقه بالحس و الحوادث و الكلام دة
الدبح او الهدي ما هو الا صورة من صور حمد وشكر البني ادم علي نعم الله عليه
ويجب قبل الدبح ان تكون النية منه هو شكر الله تعالي علي ما رزقك من اموال او عربية ( ولن شكرتم لازيدنكم ) وذلك من خلال اطعام الفقراء
ولا يجوز ان يكون هدفح الدبح هو حماية العربية من القر والحسد والنق وان العربية متخرجش بره الضمان واعرف اسافر بيها شرم وارجع في وقت قياسي وماتثبتش بيها وما الي اخره من جهل مجتمعاتنا
فيجب ان تكون نيتك الي ارضاء الله فقط ليس الدبح بنيه حماية العربية ( لانها ليست انا هدبح واكل الفقراء عشان العربية ميحصلهاش حاجة انها ليست اتاوة ولا خد ده وهات ده ولا تبادل مصالح مع الله عز وجل ) نستغفر الله العظيم
وكل ما نراه من خرز ازرق وتبخير العربية وما الي اخره يدخل في ذنب الشركيات ( الشرك الخفي ) وليعاذ بالله تعالي
وقد يبتلي الله البني ادم في اعز ما يملك ليره صبره ومدي حمده وشكره له ام سوف ينقلب علي عقبية خاسرا نفسه
عشان محدش يدبح ويعمل حدثة فيقول انا دبحت علي الفاضي
ربنا يكرمك ويباركلك في العربية
إن الذبح للسيارة الجديدة لا يخلو من احتمالات ثلاثة:
أولاً:
أن يكون بنيَّة الوقاية من الجن والتحصين من شرورهم، وفي تلك الحال يكون شركاً بالله، والذبيحة حرام، لا يحل الأكل منها؛ فقد قال الله تعالى: {وأَنَّهُ كَانَ رِجَالٌ مِنَ الأِنْسِ يَعُوذُونَ بِرِجَالٍ مِنَ الْجِنِّ فَزَادُوهُمْ رَهَقاً} [الجن:6]، وقد ثبت في صحيح مسلم من حديث علي بن أبي طالب قال: سمعت رسول الله الذبح للسيارة الذبح لمنع الحسد salla-allah.gif يقول: "لعن الله من ذبح لغير الله".
ثانياً:
أن يكون بنية الوقاية من العين والحسد، وفعلها في تلك الحال بدعة منكرة، يجب على المسلم تركها؛ لأن النبي الذبح للسيارة الذبح لمنع الحسد salla-allah.gif لم يشرع ذلك لدفع العين والحسد، وإنما شرع لنا الرقية، وقراءة المعوذتين، والأدعية، والصدقة، والإحسان، وما شابه، وأيضاً؛ فإن الله تعالى هو الذي يدفع الشر عن خلقه؛ قال تعالى: {وَإِنْ يَمْسَسْكَ اللَّهُ بِضُرٍّ فَلا كَاشِفَ لَهُ إِلاَّ هُو} [الأنعام:17].
ثالثاً:
أن يذبحها خالصة لوجه الله؛ شكراً له على تلك النعمة؛ فيدخل في تلك الحال في قوله تعالى: {اِعْمَلُوا آَلَ دَاوُودَ شُكْراً وَقَلِيلٌ مِنْ عِبَادِيَ الشَّكُورُ} [سبأ:13]، وقوله تعالى: {وَإِذْ تَأَذَّنَ رَبُّكُمْ لَئِنْ شَكَرْتُمْ لأَزِيدَنَّكُمْ وَلَئِنْ كَفَرْتُمْ إِنَّ عَذَابِي لَشَدِيدٌ} [إبراهيم:7]، ولكن من غير تلطيخ السيارة بالدم النجس؛ لما فيه من التشبه بأهل الباطل، الذين يزعمون أن ذلك يرد العين، أو يدفع الجن.
وعليه: فمناط الحكم في الذبح للسيارة يرجع لنية الذابح، فإن كان يفعله وقاية من الجن وما شابه، فهو شرك بالله، وإن كان لدفع العين، فهو بدعة، وإن كان خالصاً لوجه الله تعالى وشكراً له، فهو بِرٌّ، ولكن دون التلطيخ بالدم،، والله أعلم.
معلش يا جماعة ,, انا بختلف معاكم ف الرأى
انا شايف ان الدبح مش شئ ضرورى خااااااااااااااااااالص :N_no[1]:
و اننا ممكن نطلع الفلوس صدقة لله
بس مش عارف ليه بعض الناس بيصروا ع الدبح بالذات كأنه من " الطقوس الاجبارية لشراء العربية "
رغم ان الواحد اصلا ممكن مايدبحش و ما يطلعش فلوس صدقة
و ما يبقاش عليه ذنب
حاجة تانية بما اننا فتحنا الموضوع
من اكتر الحاجات اللى بتخنقنى ,, الناس اللى بتعلق مشاكلها ع الحسد
طبعا كلنا متفقين ان الحسد موجود و مذكور ف القرأن لكن مينفعش ان
كل واحد يتعور ف صباعة يقولك انا محسود
يعنى مثلا من المواقف اللى بتحصل كتير ,, ان حد يجب عربية جديدة و يبقى مش
عارف ابعادها كويس فا تتخبط ,, يروح الناس يقولوله " اصل العربية اتحسدت "
و هما مش عارفين ملابسات الخبطة اصلا اللى احتمال كبير بيكون السبب فيها هو صاحب العربية الجديدة :waaaht:
و بالمناسبة انتوا فكرتونى بشخص ما ,, ما بيحبش يغسل عربيته عشان ما تتحسدش
و بجد نفسى اقوله ان فى ناس راكبين مرسيدس S :nemoflow:و بفضل الله العربية سليمة رغم انها سبحان الله دايما بتكون نضيفة و بتلمع :star1: